اسئلة غربية بس نفسى افهمها

[Yes We Can]

المشاركة الأصلية كتبت بواسطة مريم السباعى.

ا

انا فى سؤال من زمان نفسى اساله بس مش عارفه
اساله ومش عارفه ليه بساله ومش عارفه هل انا لوحدى الى نفسى اسال السؤال دة ولا كلنا
السؤال هو فى الاصل فى الحياة الانسان يعيش مع الناس ولا اصلال اننا كلنا حنموت وكل واحد حيكون لوحدة وحيتحاسب بعمله لوحدة وةيخش الجنة او النار بعمله لوحده

على حسب رائـى ان الانسان بيتحاسب كحسب اعماله ف الارض و بيتحاسب منفردا بذاته
و هتكون علاقتـه بالناس وسائل يقدر يوصل بيها للخير او الشر
لان الانسان لما بيعمل خير بيتحاسب عليه و بتكون الوسيله انه ساعد شخص مثلا
و الشخص ده انسان بمعنى ان الانسان المحتاج وسيله للوصول انى اعمل خير
و زى ماربنا هيحاسبك اكيد هيحاسبنى انى ازاى عاملت الشخص ده و انتى ازاى عاملتيه
و ربنا شايف اننا عائله واحده مكون من الاخوه و الاباء و الابناء
و مش بيفرق على حسب تفرقات المجتمع بل بيفرق على حسب فهمك انت
هل تقارن فهم طفل بفهم رجل ناضج .. بالطبع لا

هل الاصل فى الحياة اننا محتاجين لحب واننا مهما كنا مثالين فى حياتنا حنحتاج اننا نلاقى حد يهتم بينا ويسال علينا والعكس

طبعــا الانسان ليس قويا علطول .. اكيد هيجيله لحظات ضعف و هيحتاج اليسأل عنه او يحتويـه
زى الشجره مثبته ف الارض و بتطلع ثمر علطول
لكن .. لازم تعتنـى بيها و ترويها بالمياه عشان تقدر تستمر ف الحياه
و انا ف لحظات ضعفى بحتاج انسان قوى عشان يشجعنى و لما هو يضعف ف قوتى انا هشجعه
احنا مكملين لبعض ف الحب
عشان كده الانثى تحتاج للزوج و الرجل يحتاج الى الزوجه
لا تقدر ان تعطى حنان الام للاب و لا ثبات الاب فى الام
ربنا ادى كل واحد خاصيه مش ممكن تكون فى غيره و ادهاله عشان تفيد غيره و يساعده بيها

ولا الاصل ان لازم نبنى حبنا من جوانا وبس بغض النظر عن فى حد بيحبنا او بيهتم بينا ولالا يعنى الاصل ان يكون كل انسان عامل اكتفاء ذاتى من شخصينته وقناعته هو من غير ميعتمد على اى مصدر خارجى لمشاعراو لان حد يهتم بى او غيره

نظريـه الاكتفاء الذاتى دى مش هتنفع ف معظم الاوقات لان الانسان بيفضل يتعلم من غيره لحد مايصبح معلم و حتى لما يصبح معلم يموت المعلم و لا يتعلم
الطفل لما بيتولد مش بيكون عنده اكتفاء ذاتى و لا حاجه
بالعكس .. بيستمد خبره الغير و الاحساس بغيره و تصرفات الناس و يحاول يتعلم
و بيفضل يتعلم لحد مرحله و بعدين بيوصل لمرحله التدقيق ف الماضى
و يسأل نفسه هل انا كنت صح و لا اغير من نفسى
لو كان الاكتفاء الذاتى يبقى الانسان عمره ماهيتغير حتى لو كان وحش
لان الوحش ف نظر نفسه هيكون حلو لان مفيش حد نصحه او علمه
فيهكون يتمادى فى افعاله لان عنده اكتفاء ذاتى من نفسه و ماتعلمه قبل ذلك
فالنتيجـه عمره ماهيتغير نهائى و هايفضل ثابت مكانه و بالعكس مممكن يتدمر ع الاخر

هل الصح ان الانسان يكون شخصيته قوية ومهما حب او اتحب لازم يحط فى باله ان كل دة ممكن يروح وميعتمدش على حد ععلشان يحس بسعادة ولا مفروض الانسان يعيش الحظة بلحظتها ويعطى لنفس الشعور بانه محتاج لحد لان اكيد الحد دة برضه محتااج وان ربنا خلقنا ميعا علشان نكمل بعض

الانسان القوى زى مابيقولوا زى الجبل
لكن .. الجبال مسيرها ف يوم هتتهد او تتدمر بفعل الطبيعه
اوعى حد يفتكر ان الانسان القوى مش محتاج حد يحس بيه او حد يحبه
بالعكس ده من اكثر الناس العاوز الحب عشان يستمر فى اعطاء القوه لغيره و الحب لغيره
الانسان القوى عنده ثقه بالنفس و كرامه عزيزه جدا عليه
فعشان كده عمره مابيظهر ضعفه قدام الناس لان حاسس ان الناس مستنيه كده
فالانسان القوى هو الانسان زى موج البحر بيتغير كل شويه بس عايش فيه سمك
و السمك ده هو فقدان او الحرمان من الشعور بالحب
و لو انا مش هأمن لحد ف حبى يبقى مش هاقدر اعيش ف حياتى
و بعدين ماهو الانسان هيموت و بعد كده هيعرف مين يحبه و مين مكانش بيحبه
مش مهم بالنسبه لاى حد يعرف مين
لانك بتعامل ربنـا عن طريق ذلك الشخص مع وضع حدود تعوق حدود مشاكل
مش تعوق حدوث الحب بين الاخرين
المحبـه تعطى مالنفسها بل تعطلى لغيرهـا
فجميعنا اخوه و لن تسمتر الحيـاه بدون المحبـه بين الاخرين

والنهاية هلى الاسئلة دى غريبة ولا على رئ صحبتى لما بتقولى انتى محتاجة دكتور نفسى علشان يجوبك ولا ايه
بجد مش عارفه

ثأنكس ع الاسئله دى
و على فكره اسئلتك عاديه مفيهاش اى مشاكل
الغرض ف المعرفه عمره مكان عيب
المهم اننا نعرف دلوقتى عشان مانشككش ف حاجه بعد كده
و اهو انا جاوبتك على قدى اتمنى انى قدرت اعمل اى حاجه

بس توبيكـ و اسئله فوق الرائعيــــــــن