هنفتـح الكتـاب ( البنطلونـات الضيقـه ) .. قول رايك !

[To Be Is To Do]

وجهه نظرى فى الموضوع وبدون إنحياز لأى من الفريقين ( شباب وبنات ) :
البنت اللى بتلبس بنطلونات ضيقه .. مظلومه جدا
ليه ؟
أولا مقلتش أب أو أم أو أخ يربوها منذ صغرها على اللبس الواسع والإحترام
ثانيا ملقتش أب حازم قوى صارم يقولها لأ اللبس ده مينفعش وانتى نازله لازم تلبسى واسع

البنت عايزه تبان حلوه وعايزه برده تبقى فى وسط زميلاتها مميزه ومعروفه وأعتقد الحل ( من وجهه نظرها ) هو الضيق اللى بتلبسه لإنها أكيد ختخّلى عيون الناس تبقى عليها
دى بوينت

الشاب كمان مظلوم فى الموضوع ده
ليه ؟
أولا هو عايز يتجوز ومش عارف ( الأهل بيتشرطوا اليومين دول ومحدش عاجبه حد وكل أب عايز لبنته واحد غنى ومعاه فلوس وعربيه و ... و ... و ... ) فأكيد الشاب مضطر إنه يبص عليها ولو فى مره غمّى عينه عنها ... التانيه والتالته والرابعه مش حيغميها لإنه شايفها حاجه سهله قدامه وسهل إنه يبص عليها لإن أكتر من اللى بيلبسوا ضيق مفيش

رأيى ... متعايبوش على الشاب اللى بيبص على أى بنت لابسه ضيق ... بل عيبوا على السبب اللى خلاه يبص اللى هو لبس البنت المستفز
دايما نقول على الشاب ده مش محترم لانه بيبص على بنات لكن لو بصينا للسبب وعالجناه عمرنا محنلاقى حد يبص على حد

ده من ناحيه ... الناحيه التانيه

بيقولوا المنتقبات برده بيتبص عليهم من الشباب
وفيه هنا رأيين
الأول انهم أصلا منتقبات بالشكل فقط وليس بالمسّمى بمعنى منتقبه ولابسه عبايه حتتفرتك عليها .. منتقبه وراسمه عينيها ... يبقى إذن زيها زى اى بنت لابسه ضيق
التانى ان هنا ممكن العيب من الشباب انهم اساسا بيعاكسوا وخلاص أو هما خلاص تعودوا على كده مع البنات بغض النظر عن كونهم لابسين ضيق أو مش ضيق

أصلحوا حال البنات ..... بنسبه 90% ينصلح حال الشباب

سورى يا مارك دخلت فى حته تانيه بس مناسبه للموضوع
موضوعك رائع ومميز ويلمس الواقع بشدّه

آسف على الرأى " الأختلاف فى الرأى لا يفسد للود قضيه "