اللحظات الأخيرة

[أ/رضا عطيه]

شهيدنا عند ربّه مع الأبرار وصحبٌه لسّه عايش ف القهر
بيهتف ياعالم : أنا من الثوار ومش مصدق إنّه فاته القطر
والشاطر ركب ومعاه الشطار والسلطان سيطر على القصر
والثائر الحق صبح رواد قندهار واللى زعلان يشرب م البحر
بعد الروح والعين ياصحبى إيه هتقدمه والمرشد قبض المهر
ولو هتموت تحت قطر أسيوط مسيرنا ننسى ياكبدىبعد شهر
هو دا رهان حكامنا من زمان - ينسونا بالهم والجهل والفقر
هتنسى وهتسلم رغم أنفك !!!!!!!!!!!!!!


هو فيه ثائر من غير لحية وجلبية ؟!!!
وتقولوا عيش حريه عدالة إجتماعية
مالها الفته والرز بلبن والحلو مهلبية

ثوار مصر

سعيكم مشكور ونشكركم لحسن تعاونكم
وخلاص بقيتوا بلطجية ولاعزاء لعيونكم

ونلتقى بعد الفاصل ( قرن من الزمان )
هو فيه بلد هتفلح وفيها حجازى وسلطان ؟؟؟؟!!!!!

شكرا