فـينا مين يـكتم الســــر؟؟؟

[~ Smile 4 Life ~]

المشاركة الأصلية كتبت بواسطة KHALED ZAKAREYA

Me 2
ويكأنك تتحدثين عنى بالظبط
طب والعمل ايه يا انشراح ... حنقعد نقول اللى راح راح

بجد لازم نتخذ حلول جذريه
منها
كل ما تيجى تقعدى على النت تقومى لاطشه نفسك بالقلم على وشك وقولى لنفسك " قومى ذاكرى يا موكوسه "

لما تحسى إنك عايزه تنامى قومى ناكشه فى شعرك لغايه لما انتى ذات نفسك تبقى مش عارفه نفسك وبصى فى المرايه طبعا حتصوتى " مين دى .. ده انا "
ساعتها ختفوقى ويروح النوم عنك

لما تبصى لبابا وماما شوفى نظرات الإحتقار إللى ممكن تتوجهلك لما متجبيش مجموع _ لا قدر الله _ قومى مديه قلم على الوش التانى وإفتحى الكتاب وإبدأى زاكرى

حاولى تعملى نفسك م واخده بالك وقومى حاطه بطاريه الشاحن فى حته كده واقفلى عليها الباب او مثلا فى درج المكتب واقفلى عليه الدرج بالمفتاح وارمى المفتاح فى الزباله
* بس أوعى تكونى مطلعه نسخه منه * _ حركات قرعه دى _

ولو كان كمبيوتر ابقى غيرى الباسورد بتاعه وانتى مغميه عينك وفتحى عينك ودوسى أوكى على الباسورد وبكده مش حتفتحيه

الأحلى وأحلى من كل اللى فات قولى بس للحجوجه عندك
" ماما أنا مش بذاكر وحضيع وحضيّع أملكم فيا "
وهى إن شاء الله وبدون مقاطعه حتقوم بالواجب

على فكره أنا ساعات بعمل الحاجات دى

ومش بهذر والله فى كلامى

ألطش نفسي بالقلم وانكش شعري
ده كده هيفتكروني اتجننت في البيت

المشكلة ان بابا وماما مش بيقولولي ذاكري غير فين وفين وده بسبب
اني انا بتضايق لما حد يضغط عليا ويقولي ذاكري يعني بحب انا اذاكر من نفسي
فهم عشان كده مش عاوزين يضايقوني وبيحاولوا بقدر الامكان انهم ميزعلونيش..
وفي نفس الوقت ياريت انا احس بكده واذاكر من نفسي

بس انا هعمل بنصيحتك برده لأني أنا لو فضلت ع النظام ده
يبقي كده هضييييييييييييع والبقاء لله فيا

بجد أشكرك يا خالد ع النصايح وعلي مرورك