وأخيرا فصل اى طالب يعتدى على مدرس

[مسلمة22]

ا

لطلب طالب

والمعلم معلم

دى مدرسة

مدرسة !!!!!!!

مش عاجبه ميروحش

ولا يطلع من بيته

مفيش قانون بيسمح للطالب انه ميروحش المدرسة فهو رايح غصب عنه ، و بعدين الشهادة دي ميقدرش يلاقي وظيفة من غيرها ، فهو مضطر يروح المدرسة عشان الشهادة

ولا هو داخل بفلوس اهله علشان يقرفوا المدرسين

هو مش قاصد يقرف المدرس ، كل الموضوع ان الطالب المثالي هو اللي مفروض يقعد من 8 الي 3 صامت تماما بيسمع بس باستثناء ربع ساعة فسحة ، و مين عنده قدرة علي الصمت ده ، يعني المدرس نفسه لو اتحط في نفس الوقت حيلاقي نفسه عايز يتحرك عايز يتكلم

عشان كدة مفروض يبقي في مرونة اكتر منخنقش الطالب عشان ميخنقش المدرس

لو اليوم الدراسى 4 ساعات بس و الطالب عنده حرية في الخروج من المدرسة اكيد مستحيل يبقي في مشاكل بينه و بين المدرس


ا

ى طالب مهما كان يعرف حدوده

احنا كنا طلاب

ولما كنا بنشوف المدرس فى الشارع اقسم بربي كنا نجرى ونختبيء

تقديرا له

لكن الان يتطاولون على المعلم

اى طالب يتطاول على المعلم يستحق ضرب الجزمة

الطالب المتفوق بطبيعته بيحب العلم و لا يكل و لا يمل من الحصة ، فعشان كدة مش بيكره المدرس ، بس القدرات بتختلف ، طالب قاعد مخنوق و زهقان و معتمد علي مدرس الدرس الخصوصي اللي حيلخصله الدش ده كله في كام صفحة ، اكيد حيقعد يكسر الملل ده بأي حركة داخل الفصل

أما موضوع سجن ومش سجن والله المدارس الخاصة كتيرة وسبع نجوم كمان

ممكن يروحها يوريح المعلمين من قرفه

المدارس الخاصة برضو سجن ، ما هي نفس قوانين مدارس الحكومة ، بس هو سجن شكله احسن شوية


ل

كن ولى الامر ما قبل ان يدخل ابنه مدرسة حكومى

يبقى زيه زي اى حد

مفيش تطاول

المدرس يحترم نفسه ولا يهين الطالب الا لو استحق

لو استحق يعمل فيه ما يريد

ده تعليمنا زمان

علشان كده بقينا حاجة

لكن للاسف من يوم ما اتكلموا على مووضع اطالب وممنوع الضرب والكلام الفراغ ده

بدأ المعلم كرامته فى انحدار

لك الله ايها المعلم لك الله

اكتر طالب مشاغب عمره بيتخانق مع مدرس في الشارع ولا لما يكون جاره ، يبقي هنا المشكلة مش مشكلة شخصية


المشكلة ان المدرس بيصادر حق الطالب في الحركة ، و بيعتمد علي شخصيته ، فالمدرس اللي شخصيته قوية الطلاب بيخافوا منه و يقعدوا ساكتين ، و المدرس اللي شخصيته عادية الاولاد ما بيصدقوا و يبقوا عايزين ياخدوا نفسهم من عناء يوم شاق كله صمت و شرح و اسئلة و خوف



لما يكون طالب بيشتغل بياع خضار و المدرس قاعد بيشرح له الميزانية العمومية بتاعة البنك المركزي ، حنتوقع من الطالب ده ان يسكت في الحصة و لا ما حيصدق يلاقي فرصة عشان يقعد يهزر و يضحك


لما يكون الطالب عارف ان في اخر السنة المدرسة بتسمح بالغش هل نتوقع انه حيقعد ساكت في الحصة


لما الطالب يكون عارف ان الشهادة اللي حياخدها ولا ليها لازمة و يادوب حتشغله كاتب رابع او عامل نظافة ، يا تري حيقعد يسمع في الحصة