)))))))))))))))) لقمة في الزور ((((((((((((((((

[مـــــلك]

يا شايل هَـم ناس غزة ..

ياريت نظرة على عيال مصر ..

وجع غزة دا ف قلوبنا ..

لكن احزاننا مالهاش حصر ..

يا راكب فقرنا موكب ..

بتتمختر لباب القصر ..

عشان تتوضى للمغرب ..

لازم تبقى مصلِّى العصر !!

يا رابط عمرى تسعيرة ..

محصَّلتِش تمن بقرة !!

كتبت المظلمة بدمى ..

ولا بتفهم و لا بتقرا ..

يا شايف ف القصاص صفقة ..

و ف الكرسى هدف أسمَى ..

هيسكن تارى أحلامك ..

ولو طالت سنينك دهر ..

يا متصوَّر بلا واقى ..

و لا أجدع شجيع سيما ..

ياريت لو يعنى من أمنَك ..

ينوبنا حتى تلقيمة ..

دا عمر الدين ما كان خطبة ..

ولا قداس و ترنيمة ..

ما دام خايف على عيالى ..

ل يخطفهم ف لحظة القطر !!!