رأي في الامتحان

[احمد صالح محمد]

بصوا الركة علي اللي درسك لك الرياضة في الدرس الخصوصي هو مش فهمك رياضة !

انا برده بقول منه لله للي درس ليه رياضة في ثانوية عامة في الدرس كان كله حفظ و هبل لما دخلت هندسة فهمت يعني ايه رياضة !! و ان شاء الله لما تخشوا هتعرفوا

و بعدين يا جماعة خشوا اللي بتحبوه هندسة مش الجنة يعني ، انا دخلتها علشان كان نفسي اتعلم الالكترونيات مش اكثر مش علشان اسم و خلاص و هبل فيه زملائي دلوقتي اتخرجوا و مش لاقيين شغل فمتكبروش الموضوع و اعملوا اللي عليكم

و نصحيتي للطلبة بتوع ثانية ثانوي السنة دي و داخلين ثالثة علمي رياضي اختار مدرس فاهم رياضة مش حافظ القوانين و التطبيق عليها علشان تعرف تحل امتحان زي ده لان السياسة في الامتحانات اتغيرت ...

بالله عليكم حد فيكم من اللي امتحنوا عارف ان تفاضل المسافة هي السرعة و تفاضلها تاني هي العجلة ؟

يعني بالله عليكم لو ادالكم مسالة و حاطط دالة فيها العجلة و بيقله هات لي السرعة هتعرف انه عايز تكامل العجلة علشان تجيب السرعة ؟؟؟

علشان حافظين يا جماعة افهموا رياضة بس للاسف فات الاوان و ركزوا علي اللي جاي و بنصح اخوتي اللي في ثانية و داخلين ، يذاكروا فيزياء و يقراه فيها هي و الرياضة و ميتعمدوش بس علي المدرسين و الكلام ده لان واضع الامتحان بيجيبوا الامتحانات من المراجع الانجليزية بتاعت كليات الهندسة و مسألها محتاجه فهم لان ده نظام التعليم اللي في الغرب ... فهمتوا ليه بقي معرفتوش تحلوا !! مش علشان انتم مش تعبتوا و كده لا علشان انتم متعلمتوش صح علشان تعرفوا تحلوا اسئلة زي دي !!!!