هل قرأت المسودة النهائية لمشروع الدستور؟

[دراكو مالفوى]

المشاركة الأصلية كتبت بواسطة hamada elmasre

انا مقلتش اني خبير ولا فقيه
"وما اوتيتم من العلم الا قليلا"
بس انا حبيت اشوف كام واحد قرا الدستور وكام واحد مقرهوش في استفتاء غير رسمي عشان انا كل ما اسأل واحد يقوللي لسة مقريتهوش وحبيت ابرز هذا الاستطلاع بس مش اكتر
واذا كت غلط في كدة فبعتذر لحضرتك
انا مقولتش اني فاهم كل حاجة وبعدين ايه خلوا البلد تستقر ؟؟؟ حد قال لحضرتك اني كل يوم عند الاتحادية ومعايا قزازتين مولوتوف ؟؟؟ ولا حد قال لحضرتك اني بشتم في الرئيس او اي حد ؟؟؟؟؟؟؟؟ او حد قال لحضرتك أني فرضت رايي على حد ؟؟؟ والحال يمشي ؟؟ انا اللي موقف حال البلد ؟غريبة دي !! انا هنا قاعد في بيتي بس بردو انا المخرب والمفسد وكل حاجة وحشة فيا
هو اللي انا عملته غلط ؟؟؟ ياريت حضرتك تفهمني واستفاد بخبرة حضرتك وتجربتك . لو انا على خطأ وجهني للصواب وفعلا فيه ناس مقرتش الدستور وهتروح تدلي بصوتها وانا اعرف عينات من الناس دي كتير واكيد حضرتك تعرف حد مقراهوش
انا بجدد اعتذاري لو انا ازعجت حضرتك

انا جملتى الاخيرة اقصد بيها كل واحد عايز يفهم للناس ان الدستور ده عامله ابليس وكل حاجة فيه غلط زى اللى بيطلعوا فى القنوات كل واحد ماسك مادة بيفسرها زى ما هو عاوزها
انا يهمنى ايه اعلان دستورى ولا دستور قد ما يهمنى ان يكون فيه تعليم كويس صحة كويسة عدالة الخ
امالين يتظاهروا واحلف على المصحف ان ولا واحد من اللى فى التحرير فاهم حاجة فى الدستور
وسايبين الناس بتموت من الجوع والتعليم تحت الصفر وكل حاجة خربانة
واسف لو ردى كان جارح شوية
احنا المفروض مندخلش فى اى حاجة متعلقة بسياسة الدولة دستور ولا غيره
بس نخليه ياخد فرصته فى اصلاح البلد ولو مشفناش حاجة حلوة التحرير موجود ومش هنصحى فى يوم نلقيه اختفى
كل ما الريس يقول حاجة ولا ياخد خطوة يطلعله مرة عمرو موسى ومرة القضاة ومرة تهانى الجبالى ويعترضوا ويقولوا حنث القسم حنث القسم اادى الكلمة اللى حافظينها