برجاء دخول الأعضاء للاهمية

[aymaan noor]

المشاركة الأصلية كتبت بواسطة t!to

بنشكرك استاذ ايمن على مجهود حضرتك فى تطوير القسم واكيد بنستفيد من حضرتك كتير ..
هو فى اقتراح ممكن يبقى توبيك او موضوع عادى ويثبت او قسم حسب رؤية حضرتك والادارة ولكم الحرية طبعا ..
فى ظل هذه الظروف اللى بتمر بيها البلد احنا بين طريقين .. اما ان نخرج للنور ومصاف الدول المتقدمة او نظل كما نحن محسوبين على الدول النامية ..برغم الامكانيات الكبيرة التى تتمتع بها بلدنا .. سيذكر التاريخ بعد 50 سنة ان شاء الله .. ممكن اكون عايش ساعتها والله اعلم .. ان مصر تحولت الى بلد كبير فى مختلف المجالات ومنافس قوى لاكبر دول العالم بالعلم والعمل وايمان المصريين او اصبحت بلد ارهاب ومجاعات وكثافة سكانية وزحمة وانتهت اسطورة الفراعنة والقصص المصرية المشرفة واصبحت قصة بتحكى فى المنام .. وان شاء الله ده لن يكون ..
فكرة القسم حتى لا اطيل .. اسمه " نماذج مشرفة " ممكن يبقى توبيك او قسم وممكن تغيروا الاسم حسب رؤية حضراتكم .. يعنى انا بنقل الفكرة فقط .. ولكم الحرية فى انشائها وتسميتها ..
الموضوع هيجمع كل الافكار الناجحة فى العالم .. اى بلد نشوفها ازاى نجحت وتحولت من وضع الى وضع اخر زى البرازيل وجنوب افريقيا وماليزيا وتركيا والصين ونشوف البلاد ده ازاى اتحولوا وعملوا ايه فى الاقتصاد وازاى استفادوا من امكانياتهم وازاى قدروا يوظفوها صح وعملوا ايه فى فساد االمؤسسات وازاى خلوا المواطن يخترم القانون ..الخ ومش بس البلاد كمان الاشخاص الناجحة سواء سياسيين او علماء واى شخص واى شىء ممكن ينبت فينا فكرة ايجابية محتاجنها اكيد فى هذه الفترة وكل عضو او زائر يشوف فكرة وتعجبه يقدر ينشرها يمكن تفيد البلد وكمان ده تزيد ثقافتة العلمية ويبقى فيه قدرة على رؤية مشاكلنا بشكل واقعى اكتر ونقدر نتعامل معاها على ارض الواقع ربما ياتى من ينتصر لها .. انا عارف ان ممكن الموضوع يخرج عن نمط السياسة .. بس اكيد محتاجين نشوف ناس تانية وعالم تانى عشان خلاااص من كتر اللى بنشوفوا على المواقع والشاشات بقت الدنيا مسدودة خالص وسودااااااااااااااااااا
لو الفكرة اتوافق عليها وبقت قسم ماعنديش مانع اكون مشرف في هذا القسم ..
لو الفكرة بقت موضوع وتوبيك عادى برضه ماعنديش مانع انى اعمله بس يتثبت ..
احنا فدى البلد .. ياحبيبتى يامصر .. حاسس انى عايز اتفرج على مسلسل رافت الهجان ..
وجزاكم الله خيرا على المجهود استاذنا الفاضل ..

أستاذى الفاضل / أستاذ طاهر
أسمح لى أن أحيى حضرتك على هذا الاقتراح الأكثر من رائع ، و أنا متفق مع حضرتك جدا أننا فى حاجة ماسة الى هذه الموضوعات و التى تعطى الأمل فى المستقبل ان شاء الله
و اسمح لى أن يكون موضوعا مثبتا داخل القسم كبداية و ان شاء الله مع تنوع موضوعاته نعرض الأمر على مجلس الادارة لجعله قسما مستقلا .

جزاك الله خيرا و بارك الله فيك