لا تبخلوا على بنصيحتكم :(

[Muhammad Karim]

المشاركة الأصلية كتبت بواسطة thekingboy

السلام عليكم ورحمة الله وبركاته

أنا أخرت ما تعبت قولت يمكن يكون عندكم حل أو مساعدة أو نصيحة ليا فى مشكلتى

أنا خلصت الحمد لله 2 ثانوى بمجموع 90% :/ وهنا تبدأ المشكلة أنى مبحبش الحفظ وقررت أنى مش ححول أدبى وحكمل فى طريقى علمي وأنا واثق أن شأءت الأقدار أنى أجيب المجموع لسبب عند ربنا الله أعلم إيه هو لكن فى جانب منى مستبشر خير :]


طيب هى فين المشكلة المشكلة أنى وقعت مع مدرسين فيزياء ورياضة 2 ما يعلم بيهم إلا ربنا مش مستوعب منهم حاجة مستويا قل جدا عن السنة اللى فاتت ووصلت لدرجة أنى عايز أحول أدبى منهم وكنت مش لاقى مدرس خالص مشهور غيرهم فى الأدارة فعلشان كدا قلت أستمر معاهم وأكمل عدت فترة وأنا فى تدهور (خطاء منى أنى أستسلمت ) وجا شهر 12 ونفسيتى من أسوأ لأسوأ بلذات لانى جبت 90% لغاية ما قررت أغيرهم لكن بعد إيــــــــــــــــــــــــــــه لما ررحت عند المدرسين التانين لغاية دلوقتى مع الفيزياء حضرت الباب الخامس والسادس شغالين فيه لكن الأربعة اللى فاتوا أنا مدمر فيهم والرياضة حضرت حصتين عند مدرس بصراحة فرق شاسع لكن كذلك ضايع منى حاجات بلهبل متعدش فمش عارف أكمل ولا أحول أدبى لو عندكم نصيحة أكون شاكر

بص يا غالي..
انت تشيل من دماغكـ فكـرة التحـويل دي خالص لان معدش في وقت للكـلام ده انت امتحانات ف اخر شهـر 5 تقريبا .
ثانيا : من الطبيعي انك تقابل مدرسين ومتفهمش منهـم دا عادي جدا لان مش كل المدرسين كويسين ف الشرح وتوصيل المعلومـة للطلبة لكن المفـروض انك من اول شهـر ف الدراسـة تكـون عارف الكلام دا من قبل ما تروحلة او على الاقل كنت تجربـة اسبوع ولو مش عجبك شوف غيرة واستمـر معاه وممكن تروح درس او اكتر ف المادة الواحدة مفيش مشاكل خالص ومتسمعش كـلام الى يقولك ان دا بضيع الوقت وانك مش هتلاقـي وقت تذاكر ..احنا مجربين الكلام دا وعارفينـة والله .

ثالثا : كل الى فاتك في الفيزياء تقدر تذاكـرة من الاول تاني وان شاء الله مش هتلاقي مشاكل ف فهمهم .والله اول اربع فصـو,ل دول اسهـل حاجـة في الفيزياء ومعظـمهم حفـظ ومش محتاجين حاجة خالص .ركز بس اهم حاجـة ف الى جاي والكهربية بالذات دي عليها 22 درجـة ف الامتحان ..

التوفيق والنجاح باذن الله سبحانة وتعالي وربنا ييسرلكم الامور السنادي