Merry Christmas .. Happy New Year

[To Be Is To Do]

المشاركة الأصلية كتبت بواسطة yes we can

merry christmas
and
happy new year


كـل سنه و انتم بالخيـر و الصحـه و السلامـه


نحـن فـ استقبال عام جـديد و هـو " 2013 "

اكيـد كلنـا قابلنـا فـ 2012 مشاكـل و حزن و الام و تعب و ارهاق
لكن .. كمان فيه فرح و سعاده و اراده و امل

اكيـد كلنا اتغيرنـا و بقينـا كلنا حد جديد
احنا فـ فتره المراهقه كل يوم بنبقى غيـر اليوم اللى قبلـه

بس !! يارب نكون اتغيـرنا للافضل ليس للاسوء

اكيد بتسألو دلوقتـى ! هو شاغلنا بده كله ليه و عامل التوبيكـ ليه

التوبيكـ ده معمول عشان تدخل تكتـب انت اتعلمت ايه فـ 2012

برغم إن سنه 2012 بدايتها يوم 1 / 1 / 2012 كان حادث ابن مدرس الرياضه بتاعى وكان يوم 18 / 2 / 2012 هو وفاه واحد من أعز أعز أصدقائى
وكان يوم 17 / 11 / 2012 هو حادث قطار أسيوط المؤلم
ووفاه 40 طفل من الأبرياء
وكان يوم 19 / 11 / 2012 هو وفاه صديق آخر لى وف نفس عمرى فى حادث مؤلم على البحر

غير أحداث غزه المفزعه
ده غير كم أخبار الوفيات إللى سمعتها

( رحم الله جميع موتانا إن شاء الله )

إلا أن سنه 2012 تعتبر أجمل سنين حياتى
فيها ربنا سبحانه وتعالى أنعم عليا ب حاجات كتير جدا

1 / ربنا أنعم عليا بمجموع فرح كل أهلى وكل المحيطين بي قبل ما أنا أفرح بيه

2/ ربنا أنعم عليا إنى أدخل القسم ده وإنى أتعرف فيه على كم هائل من الأشخاص المحترمين والطيبين وإللى كنا كــ أسره واحده أيام إمتحانات 3 ث وإللى بعد فضل الله كان فضلهم عليا إنى أدخل الكليه إللى أنا موجود فيها حاليا ( كليه هندسه جامعه إسكندريه )

3 / ربنا أنعم عليا بشويه أصدقاء طلعت بيهم من المنتدى من أجمل ما عرفت فــ حياتى ورب العزه
صحاب بجد الواحد مكنش عارف حياته كانت ممكن تبقى شكلها إيه لولا وجودهم معى ولولا أن تعرفت عليهم
صحاب عرفت منهم طعم الحياه ومعنى الجمال ومعنى الإخلاص ومعنى الطيبه ومعنى المساعده ومعنى الحب دون مصالح ومعنى الأخوه فـــ الله
صحاب عرفت من خلالهم إن الأخوه مش أخوك بن أموك و أبوك لا ( رب أخ لم تلده أمك ) وإن الأخوه تقاس بحجم الحب والوفاء بين الصديقين

أتمنى من الله سبحانه وتعالى لأى شخص تعرفت عليه من هذا المنتدى
أن يحفظه الله تعالى
وإن يوفقه فى حياته مثلما كان هو سبب فى أن أوفق فى حياتى
وأن يسعد قلبه مثلما هو فــــ يوم أسعد قلبى
وأن يهديه مثلما كان هو سبب بعد فضل الله تعالى فـــ هدايتى
وأن يجعله بارا بوالديه مثلما نصحنى أحدهم ببرهم
وأن يرسل إليه من يساعده مثلما كان يوما له يد فــ مساعدتى بعد ربنا سبحانه وتعالى

الله يعزكم جميعا

بدعى لكل طلاب الثانويه
إن شاء الله لن تمض تلك السنه إلا وأنتم أجمعين فى كلياتكم التى تتمنوها وتحلمون بها
وأن يتم الله تعالى بفضله مثلما أتمه على من سبقكم

و ترمـى اى حاجه وحشـه و تبدأ من جـديد فـ 2013

بصراحه أنا تعرضت فــ 2012 ل مشاكل كثيره ول ظلم أكثر
لكن ما ذكرته فوق يكفى لنسيان أى مشاكل حدثت أو أى ظلم تعرضت له من أى شخص

وكما أنى مسامح أى إنسان غلط فى حقى أو فى يوم أهاننى أو أو أو
أتمنى من الذين عرفتهم هنا فى هذا المنتدى أن
يسامحونى إن صدر منى يوما موقف ضايق شخص أو زعل حد منى والله أكيد ما كنت أقصد مضايقه أيا منكم فأنتم أهل حب وإخلاص ومعرفتكم تاج فوق رأسى أعتز به ما دامت الحياه

سنـه جديده = حيـاه جديده = انسان جـديد

اكيـد قابلت ناس بيحبوك فـ 2012 و اكيـد عرفت خبرات فـ 2012
اكيـد غيرت نفسك و اكتسبت اشياء جـديده

عن نفسـى فـ 2012 دخلت المنـتدى هنـا و بقيت اشارك فـ القسم
بالاخص فـ فبراير 2012
دخلت كزائـر ثم شاكـى ثم اصبحت صديق

كلنـا عاوزين نودع 2012 بـ المشاكل و الحزن و ما نفتكـر غير الفرح
و نبدأ من جـديد فـ 2013

كلمه أخيره : اللهم اجعل سنه 2012 كانت سنه خيرا على جميع خلقك وأتمنى من الله أن يسامحنا على ما بدر منا من ذنوب ومعاصى وأخطاء
وأن يجعل سنه 2013 بدايه جديده لأنفسنا ومرحله جديده لإعداء بناء قواتنا وإعاده الصله بيننا وبين الله تعالى
اللهم احفظ مصر آمنه مطمئنه وأتمم فضلك على مصر وأهلها أجمعين إن شاء الله

" كـل عام و انتـم بخيــــــــر "

نايس للتوبيك الرائع مارك
جعلها الله سنه سعيده على المصريين جميعا

[المتفائله...]

كل سنة وحضرتك طيب
ويارب تكون سنة سعيدة على الجميع
ان شاء الله يكون اللى جاى احلى واحلى
اتمنى لكم التوفيق فى حياتكم العلمية والعملية

[Yes We Can]

المشاركة الأصلية كتبت بواسطة 2( esraa )

كل سنة وانت طيب يامارك
وان شاء الله تبقي سنة كلها سعادة وفرح ع الجميع يارب

بالنسبة ايه اللي أنا اتعلمته واكتسبته؟؟
فأنا اكتسبت حاجات كتيرة من ضمنها
دخولي هنا ع البوابة ومعرفة أعضاء في قمة الادب والاحترام والذوق
واكتسبت أصدقاء كتييييييير
واتعلمت كتير جدا من السنة اللي فاتت في أمور الدراسة والمذاكرة
بس لسة بحااااااااااول أنفذ اللي اتعلمته

وان شاء الله السنة دي تبقي سنة سعيدة علينا كلنا

أطيب تحـياتي

كـل سنه و انتـى بالصحـه و الخيـر و السلامـه
و ان شاء الله سنه 2013 تكـون علينا بالخيـر
و نجيب مجموع و نحقق حلمنـا و حلم والدينـا
ربنـا يوفق الجميـع ..

اسعدنـى مروركـ يـا آسراء .. نـورتــى التوبيكـ ..

المشاركة الأصلية كتبت بواسطة optimistic !

نايس للتوبيك الرائع مارك
جعلها الله سنه سعيده على المصريين جميعا

يااااااااااه انت قولت حاجات جميله اوى يا خالد
و بالرغم اى مشكله مرت علينا او مرت على اى حـد
لكن لازم نحط فـ الاعتبـار انها خلاص بقت ماضى و فاتت خلاص
يبقـى نفتكـر الحلو و كل حدث جميل حصل لنـا
مجموعنـا و فرحه اهالينـا بينـا و اننا اتعرفنـا على ناس فـ قمه الاخلاق و الذوق
اكيد كلنـا مرينـا بالحلو و الوحـش بس خلاص نستقبل سنه جديده بروح جديده
و ربنـا يرحم اى شخص توفـى و انتقـل آلى السمـاء فلندعـى له بالرحمــه
ربنـا يوفقكـ يا خالد .. و كـل سنه و انت بالخيـر و الصحه و السلامـه

اسعدنـى مروركـ يا خالوووووود .. نـورت التوبيكـ ..