للي أنتهي من الثانوية ضروري

[thekingboy]

السلام عليكم أزيكم يا جمااعة يارب تكونوا بخير وسنه سعيد علينا إن شاء الله
عندي مشكلة معقدة نوعا ماا يعني حبيت اخد أرئكم ونصايحكم علشان أعدي بسلااام من 3 ثانوي بداية المشكلة أني معنديش دافع يقويني واللي هوا مجموع ثانية ثانوي 90 في المية مبيجبوش حاجة في علمي للأسف يعني مش موجود علي الخريطة !!! مع أن دا للأسف مش تقدير ليا ودا كانت صدمة ليا لأني دايما كنت متفوق قبل كدا وفي الدروس كذلك المهم أني اخترت غلط في أوي السنة مدرس رياضة بيقولك أحفظ المسألة لو مفهمتهاش ومش بيراجع علي واجب وكدا وسنه كبير فملهوش خُلق 62 سنه !! بس للأسف حسب السمعه هوا كان الافضل عندنا في الإدارة رحت عند مدرس في إدارة تانية المهم انه شاطر يعني بس انا مستويااا ضعييييف جدا بلنسبة للباقي !! وكذلك الفيزيا نقلت عند مدرس اشطر من واحد حذروني منه بس في ناس بتقفل معاه فدلوقتي ضايع مني حاجات كتير في رياضة وفيزيا اللي هما اساس العلمي رياضة !! مش عارف احول ادبي وهل لسا الباب مفتوح ولا لا عمري ما صاد فت حاجة كدا الصراحة ومحتار ومتردد ومشكلتي في الحياة مسائل الفيزيا والرياضة ومن اول السنة مفيش ولا امتحان حضرته مع ولا مدرس الصراحة واقف في مكاني مبتحركش دلوقتي والوقت بيجري ولما اقارن قد ايه كنت شاطر في الكيميا جبت 49،5 مش عايز اضيع مجهود السنة اللي فاتت والادبي سهل في نفس الوقت بلنسبالي علي الأقل حيحترموا اني جايب 90 علي عكس ااعلمي ياريت مساعدة بليييز وهل في هندسة الفيزيا و الرياضة لو مش كويس فيها ممكن اقع في الكلية

طولت عليكم انا اسف بس ياريت تساعدوني

[thekingboy]

ولا رد

[thekingboy]

Up up up up

[~ Smile 4 Life ~]

ممكن غيري يساعدك احسن مني
لكن بالنسبة للتحويل أدبي تقريبا هتبقي صعبة انك تبدأ مواد جديدة
واحنا خلاص في شهر واحد
لانك هتاخد تاريخ وفيه مادة تاني معاه ادبية...
اما بالنسبة للفيزيا والرياضة فانت بتقول انك ضايع في حاجات يعني مش في المادتين من اولهم
تقدر من دلوقتي انك تلحق نفسك وتشوف استاذ لكل مادة فيهم يشرحلك اللي انت مش فاهمه
وتشوف استاذ يكون بيهتم بالمسائل جدا بما انك ضعيف فيها
وانا هقولك علي حاجة لو حسيت ان المواد ممكن هتبقي كتيرة عليك ومش هتقدر تلمها فانت تقدر تقسم السنة دي
وتخلي مادتين للسنة الجاية...بس ده لو حسيت انك خلاص جبت آخرك ومش هتقدر تلم المواد زي ما قولتلك
لاني انا قاسماها برده السنة ولكن قسمتها بسبب اني مقدرتش ادخل امتحان في السنة اللي فاتت في تانية
لظروف حصلت معايا فاضطريت اني اقسم السنة...

وان شاء الله حد يفيدك احسن مني...

[To Be Is To Do]

المشاركة الأصلية كتبت بواسطة thekingboy

السلام عليكم أزيكم يا جمااعة يارب تكونوا بخير وسنه سعيد علينا إن شاء الله
عندي مشكلة معقدة نوعا ماا يعني حبيت اخد أرئكم ونصايحكم علشان أعدي بسلااام من 3 ثانوي بداية المشكلة أني معنديش دافع يقويني واللي هوا مجموع ثانية ثانوي 90 في المية مبيجبوش حاجة في علمي للأسف يعني مش موجود علي الخريطة !!! مع أن دا للأسف مش تقدير ليا ودا كانت صدمة ليا لأني دايما كنت متفوق قبل كدا وفي الدروس كذلك

المهم أني اخترت غلط في أوي السنة مدرس رياضة بيقولك أحفظ المسألة لو مفهمتهاش ومش بيراجع علي واجب وكدا وسنه كبير فملهوش خُلق 62 سنه !! بس للأسف حسب السمعه هوا كان الافضل عندنا في الإدارة

نعم ؟؟!!
احفظ المسأله لو مفهمتهاش ... ده لو طالب فى الضياع يعنى مش بيفهم حاجه خالص ومعاند انه يدخل علمى
وعلفكره هو كده يعتبر مدرس فاشل انه يخلى طالب قاعد قدام منه مش فاهم ويقوله إحفظ ده بدل ما يقوله اعدهالك مره واتنين وعشره
علفكره مش ب السن انا مدرس رياضه 3 ث كان عنده 64 سنه وكان بيعيد ويزيد الف مره وكان معانا طلاب سورى يعنى مفيش خالص وهو عارف انهم مش حيفهموا الا بصعوبه وتكرار ومع ذلك عمره ما ملّ منهم ولا عمره قال ل طالب إحفظ
سورى مدرس مش بيراعى ضميره والله
وكمان مش بيراجع واجب ولا حتى بيديك اجابات للواجب ده يبقى سورى بقى يقعد فى البيت أحسن ما يأذى ولاد الناس بصراحه

رحت عند مدرس في إدارة تانية المهم انه شاطر يعني بس انا مستويااا ضعييييف جدا بلنسبة للباقي

وطبعا ده مسببلك إحراج أو نوعا ما بتحس إنك أقل القاعدين فى الدرس وده شعور طبيعى على إنك داخل على مجموعه جديده وطلاب جدد ومتعرفش حد فأكيد محرج
الحل واللى انا شايفه انك لو تعرف تجيب مدرس يجيلك لوحدك يظبطك فى اللى فات وأكيد حينجز معاك بما إنك لوحدك وأعتقد إن ده أسلم حل عان نتقذ نفسك لإننا فى شهر واحد يعنى يعتبر نص السنه خلص

!! وكذلك الفيزيا نقلت عند مدرس اشطر من واحد حذروني منه بس في ناس بتقفل معاه فدلوقتي ضايع مني حاجات كتير في رياضة وفيزيا اللي هما اساس العلمي رياضة !!

مش عارف احول ادبي وهل لسا الباب مفتوح ولا لا عمري ما صاد فت حاجة كدا الصراحة ومحتار ومتردد

تحول أدبى وإحنا فى شهر واحد
طبعا بعيده جدا ومتفكرش الأدبى راحه لإنك لو حولت حتضطر إنك تأخد تاريخ وشوف التاريخ كام فصل ومحتاج تعيد وتزيد وانت قدامك 5 شهور بس تلحق تخلص فيهم منهج تاريخ وفلسفه وعلم نفس مثلا
طبعا أكيد صعب .... على الأقل إنت فى الفيزيا والرياضه مش ميح .. بمعنى .. عندك معلومات إن شالله كلمه من كل درس أهووو أحسن من إنك تدخل على مواد إنت مفتحتش فيها حرف

ومشكلتي في الحياة مسائل الفيزيا والرياضة ومن اول السنة مفيش ولا امتحان حضرته مع ولا مدرس الصراحة واقف في مكاني مبتحركش دلوقتي والوقت بيجري

وده أكبر غلط طبعا إنت عملته
ميزه الإمتحانات إنها بتكشفك على حقيقتك ( سورى فى التعبير ) بس هى فعلا مرايتك إللى بتشوف فيها نفسك .. وإللى من خلالها أعرف أنا كويس فى إيه ووحش فى إيه
على العموم ... ده مش وقته الكلام ده أنا عارف بس أعتقد إن السبب ده هو إللى خلاك مش تمام حاليا لإنك معرفتش مستواك فى إللى درسته طول السنه

ولما اقارن قد ايه كنت شاطر في الكيميا جبت 49،5 مش عايز اضيع مجهود السنة اللي فاتت

طب طالما إنت جايب 49.5 كيميا يعنى مستواك كويس فى تحصيل المواد العلميه وده يثبت إنك حتبقى كويس فى الرياضه والفيزيا

والادبي سهل في نفس الوقت بلنسبالي علي الأقل حيحترموا اني جايب 90 علي عكس ااعلمي

طبعا مجموعك بالنسبه لأدبى كويس جدا بس صدقنى لو إنت غيرت أدبى يبقى بتحط نفسك فى موقع وحش جدا لإنك مطالب إنك تدرس مواد إنت لا علم لك بيها ولا عمرك شفتها وممكن كمان يكون باب التحويل قفل

ياريت مساعدة بليييز

بص أنا حكلمك بصراحه
إنت لو نويت تخليك زى منت علمى رياضه يبقى إنت عايز مجهود جبار جدا السنادى لإننا بنفكر فى هندسه وحنقول على تنسيق السنه إللى فاتت إن أقل هندسه واخده 94.5 وانت جايب 90 يعنى إنت عايز السنادى 98 وشويه فى 3
مش صعبه لكنها عايزه مجهود جبار وعايزه عزيمه وإنت بتقول معندكش دافع إزاى ؟؟؟
دنت عندك دافع أحسن من ميه واحد عايز ألحق هندسه يعنى لازم أموت نفسى ال 5 شهور الجايين
لو إنت حابب هندسه موت نفسك عشان تلحق
معاك 5 درجات مستوى إن شاء الله أقل حاجه 4 منهم فى جيبنا مضمونين بعون الله
يبقى أنا أركز على مواد ال 50 الماده الأدبيه بتاعتك أيا كانت ( فلسفه / علم نفس / اقتصاد واحصاء/ ... ) إن شاء الله ميضعش فيهم ربع درجه
والفيزيا والرياضه لازم تتظبط فيهم ... طب إزاى وأنا ضايع
تجيب مدرس للمادتين يخلصلك إللى فاتك لوحدك أكيد حينجز معاك وأهم حاجه يحل معاك مسائل كتير
وأعتقد لو دورت دلوقتى ولحقت نفسك بدرى إن شاء الله تلحق نفسك قبل شهر 5 وسيبها على الله

وهل في هندسة الفيزيا و الرياضة لو مش كويس فيها ممكن اقع في الكلية

ممكن أقولك حاجه
إنت لو ساقط رياضه 2 وفيزيا ودخلت هندسه ولا حتفرق معاك
لإن المناهج حاجه تانيه خالص بالذات فى الفيزيا
أما الرياضه فأول درس تفاضل مبنى على سنه 2 كمان مش 3 و عندك بس فى التكامل هو اللى ممكن يكون فيه جزء صغير من تكامل رياضه 2
إللى عايز أوصلهولك إنه مفيش علاقه بين ده وده

وإللى كمان نفسى أوصلهولك : إنت لو حابب هندسه حتعمل المستحيل عشانها وحتموت نفسك ويبقى عملت اللى عليك قدام ربنا وقدام نفسك
لكن لو العمليه مش فى دماغك وهندسه مش بتفكر فيها يبقى حول أدبى حسب ميولك

بس نصيحه تحويل الأدبى مش حل لإنك حتعانى زى منت بتعانى دلوقتى

صل صلاه إستخاره أو بأى وسيله أطلب من ربنا إنه يدلك على الطريق الصواب والصح وإنه يوجهك للوجهه إللى تحس إنك مرتاح فيها

طولت عليكم انا اسف بس ياريت تساعدوني

إنت تأمر وحاول تلحق نفسك
وأى حاجه كلنا تحت أمرك وأكيد كلنا حنساعدك
ربنا يوفقك للى فيه الخير ليك

[yaso ali]

المشاركة الأصلية كتبت بواسطة thekingboy

السلام عليكم أزيكم يا جمااعة يارب تكونوا بخير وسنه سعيد علينا إن شاء الله
عندي مشكلة معقدة نوعا ماا يعني حبيت اخد أرئكم ونصايحكم علشان أعدي بسلااام من 3 ثانوي بداية المشكلة أني معنديش دافع يقويني واللي هوا مجموع ثانية ثانوي 90 في المية مبيجبوش حاجة في علمي للأسف يعني مش موجود علي الخريطة !!! مع أن دا للأسف مش تقدير ليا ودا كانت صدمة ليا لأني دايما كنت متفوق قبل كدا وفي الدروس كذلك المهم أني اخترت غلط في أوي السنة مدرس رياضة بيقولك أحفظ المسألة لو مفهمتهاش ومش بيراجع علي واجب وكدا وسنه كبير فملهوش خُلق 62 سنه !! بس للأسف حسب السمعه هوا كان الافضل عندنا في الإدارة رحت عند مدرس في إدارة تانية المهم انه شاطر يعني بس انا مستويااا ضعييييف جدا بلنسبة للباقي !! وكذلك الفيزيا نقلت عند مدرس اشطر من واحد حذروني منه بس في ناس بتقفل معاه فدلوقتي ضايع مني حاجات كتير في رياضة وفيزيا اللي هما اساس العلمي رياضة !! مش عارف احول ادبي وهل لسا الباب مفتوح ولا لا عمري ما صاد فت حاجة كدا الصراحة ومحتار ومتردد ومشكلتي في الحياة مسائل الفيزيا والرياضة ومن اول السنة مفيش ولا امتحان حضرته مع ولا مدرس الصراحة واقف في مكاني مبتحركش دلوقتي والوقت بيجري ولما اقارن قد ايه كنت شاطر في الكيميا جبت 49،5 مش عايز اضيع مجهود السنة اللي فاتت والادبي سهل في نفس الوقت بلنسبالي علي الأقل حيحترموا اني جايب 90 علي عكس ااعلمي ياريت مساعدة بليييز وهل في هندسة الفيزيا و الرياضة لو مش كويس فيها ممكن اقع في الكلية

طولت عليكم انا اسف بس ياريت تساعدوني

والله نفس مشكلتي كانك بتتكلم عني بالظبط وربنا
طيب كويس اني مش لوحدي
وبجد وحيات ربنا الباش مهندش خالد افدني كتير اوي اوي
شكرا ليك يا باش مهندس
بس انا دلوقتي مش عارفه اظبط وقتي يعني مش عارفه اعمل جدول واظبط وقتي خالص ؟؟؟
يادوب بروح الدرس واجي هبطانه واجي انام او اقعد مش ليا نفس خالص اني ابص ف كتاب
مع ان هما ال5 مواد بس يعني الرياضه اللي باخد فيه اتنين بس الاتنين مشيين ف الشرح وانا مش فاهمه حاجه
بس هوا واحد ماشي ف الشرح وبيحل امتحانات وواحد ماشي ف الشرح عادي
مش عارفه بجد والله اعمل ايه؟؟؟؟؟؟؟
حد يساعدني بالله عليكم

[yaso ali]

مهوا انا عاوزه اعرف يا باش مهندس ازاي اموت نفسي وانا مستعده لاي حاجه بجد
بس قولي ازاي وانا هنفذ كل اللي تقوله وربنا
يعني انا بنام كتير اوي كل اما اجي اذاكر احس اني مش قادره واني تعبانه اقوم نايمه وبجد مش ببقي قادره اقعد
واقول هصحي بدري وبردو مش بصحي اعمل ايه يا باش مهندس قولي؟؟؟

[To Be Is To Do]

المشاركة الأصلية كتبت بواسطة yaso ali

مهوا انا عاوزه اعرف يا باش مهندس ازاي اموت نفسي وانا مستعده لاي حاجه بجد
بس قولي ازاي وانا هنفذ كل اللي تقوله وربنا
يعني انا بنام كتير اوي كل اما اجي اذاكر احس اني مش قادره واني تعبانه اقوم نايمه وبجد مش ببقي قادره اقعد
واقول هصحي بدري وبردو مش بصحي اعمل ايه يا باش مهندس قولي؟؟؟

مهو النوم الكتير ده مش كويس وبيخليكى تكسلى وتوخمى
اصل اللى اتعود على كتر النوم بيبقى خلاص كل شغله انه يروح ينام ولما ييجى يذاكر يبقى عايز ينام
وده اكبر غلط وعلى فكره اجازه نص السنه جايه يعنى المفروض عدد ساعات المذاكره يزيد على الاقل 6 ساعات

لازم حب النوم ده يتغير لازم بجد والله احنا فى شهر واحد يعنى اعتقد خلاص نص السنه فات يعنى اجازه نص السنه دى تستغليها احسن استغلال
شوفى حتذاكرى ايه وقولى مش حقوم غي لما اخلص ان شالله ايه يحصل مش حقوم

انا مكنتش بمشى على جدول لانى فاشل فى الجداول ودايما تحصل ظروف تخرب الجدول اللى كنت بعمله فكنت ممشيها ببركه دعا الوالدين والله

بس بحط انا انهارده حذاكر فيزيا حذاكر ايه مثلا الوحده التانيه يعنى الموائع الساكنه والمتحركه فصل رابع وخامس
بقعد فى الاوضه مقمشى غير وانا مخلصهم حتى لو عايز ادخل الحمام والله كنت بمسك نفسى عشان لو طلعت من الاوضه حلاقى بابا بره ماما اخويا كلمه من هنا ضحكه من هنا باظت الدنيا والنفس ما تصدق والكلام مفيش اكتر منه والحكايات والحواديت على قلبنا احلى من العسل

لا يبقى نحبس نفسنا الكام ساعه دول نحلص اللى ورانا ونريح شويه ونرجع نشوف حاجه تانيه

ممكن تستخدمى نظام الساعه يعنى مثلا الباب ده حياخد ساعتين اقوم ظابط منبه الموبايل على ساعتين واقعد كل همى الموبايل ميرنش غير لما اكون مخلص اللى عايز اخلصه ازاى وامتى معرفش انا اللى محدد الوقت اللى حذاكر فيه وانا اللى ظابط المنبه يبقى انا اللى اخلص المذاكره فى الوقت ده

طبعا تليوفونات البيت انا اطرش الباب انا اخرس واعمى وااطرش برده
لانى كنت البيت يرن تلاقى نطيت ارد على التليفون ... طب وانت مالك ياللى معندك ريحه الدم من كتر اللى بيكلمك يعنى شخص مهم مثلا ان شالله التليفون يرن عشروميت مره انا اطرش

وكذلك جرس الباب يرن انا لا ارى لا اسمع لا اتكللم ان شالله بتاع النور ميه غاز وانا مالى اقعد قافل اوضتى ولا كأنى سامع

والله بجد ما هذار الاسلوب ده بيجيب نتايج مذهله لما تقعدى على المذاكره وتنجزى حاجه بتحسى انك عملتى حاجه كويسه وده يشجعك انك تكررى الكلام ده تانى وتنجزى حاجه تانيه

وربنا يسهل ان شاء الله

[yaso ali]

طيب مثلا بالنسبه للدروس
اني باجي هبطانه وكده
اعمل ايه مثلا لما اجي انام واسهر ازاكر ولا ايه؟؟؟؟
المشكله ان انا لما بذاكر بطول اوي ف حاجات مش تستاهل يعني بطول ف المذاكره بحس اني بذاكر غلط يعني لو باب يستاهل ساعتين مثلا ممكن اقعد اذاكره ف االيوم بس لوحده وكمان مش ابقي فاهمه

[yaso ali]

طيب مثلا انا ف اليوم المفروض اذاكر كام ساعه والمفروض اذاكر كام مادهف اليوم يعني وكده؟؟؟؟؟؟؟؟؟

[To Be Is To Do]

المشاركة الأصلية كتبت بواسطة yaso ali

طيب مثلا انا ف اليوم المفروض اذاكر كام ساعه والمفروض اذاكر كام مادهف اليوم يعني وكده؟؟؟؟؟؟؟؟؟

مش بعدد الساعات
وكمان انتى ادرى بنفسك وادى بحالك يعنى ذاكرى باللى تقدرى عليه وعدد المواد اللى تحاولى تذاكيه بس بلاش ماده واحده فى اليوم
ولازم تاخدى ماده حل ( رياضه / انجلش / فيزيا ) ومعاها ماده حفظ ( نفس واجتماع / عربى )
عشان متمليش من الحفظ وعشان عقلك ميقفش من كتر الحل والتفكير