|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
06-01-2013, 03:45 AM
|
||||
|
||||
اقتباس:
أخبارك يا هندسه  لو كنت هتقرأ كلامى وإنت عندك قناعه إنك هترفضه بلاش تقرأه .. الموضوع اتحول لباسم يوسف ( أحد الإعلاميين ) اللى أنا عندى قناعة إنهم أسوأ من بعض فالنغمة السائده دلوقتى إن التيار الإسلامى بيهاجم برنامج يوسف علشان بقى بيهاجمهم وللأسف ده غلط ففهم يرفضون فكرة البرنامج من الأساس ولك أن تسمع حلقة باسم يوسف على قناة الحافظ اللى كانت قبل مايبقى فيه رئيس واللى كان لسه فيه فلول (على حد قوله ) وهيتضح لك ان فكرة السخرية مرفوضه من منطلق دينى https://www.youtube.com/watch?v=Wh3YiiW10QA وطبعا كان رد باسم ساعتها إنه لايسخر من الاشخاص ولكنه يشخص من مواقف وأراء سياسية وأظنه ابتعد عن ذلك كل البعد حاليا وده رأى باسمون :D  وأما بخصوص الدعاوى المرفوعه ضد باسم يوسف ,أنا بصراحه متعجب أليست من حقوقى المدنية ؟؟ أنا أقاضى من أراه أهاننى وأهان الرئيس وللقضاء أن يحكم ويرى الصواب ؟؟ لماذا يعترض البعض أليست هذه هى الديموقراطيه.. اما بالنسبة لاهانه رسول الله (ص) ففى حاجات كتير حصلت غير المقاطعه وقضايا كتير اترفعت وكان أخر حكم صدر http://www.aljazeera.net/news/pages/...e-041db9d8259d باسم يوسف تراجع كثيرا وسقط كثيرا ( أنا من متابعيه ) بعد أن أصبحت حلقاته قائمة على الايحاءات الغير لائقه والكلمات التى لا تصح وإن كنت ترى أنه موضوعى فى نقده فأريدك أن تراجع حلقاته البعض يقول انه هاجم المعارضه فى أخر حلقاته لكنى لما أراه هجوم .. لأن يمارس نوعين من النقد (نقد هدام يهدف للتشوية ) مع التيار الاسلامى .. ونقد بناء يهدف لتوجيه الرسائل تهدف للتصحيح ( مع المعارضه ) وكم أتمنى أن يعتمد على الاسلوب الثانى دائما وأعدك أننى رأيي سيتغير فيه وأخر حاجه عاوز أوصلهالك إن فى كلا الطرفين من يسئ للتيار الذى ينتميله فلا التيار الاسلامى ملائكة ولا التيار المعارض على صواب دائما
__________________
إنما تنجح الفكرة إذا قوي الإيمان بها ، وتوفر الإخلاص في سبيلها ، وازدادت الحماسة لها ، ووجد الاستعداد الذي يحمل على التضحية والعمل لتحقيقها 
|
|
#2
06-01-2013, 02:25 PM
|
||||
|
||||
|
اقتباس:
|
|
#3
07-01-2013, 05:15 AM
|
||||
|
||||
|
اقتباس:
أنا مش عارف حضرتك رديت على أى جزء فى كلامى !!! مافيش فى مقاييس البشر حد معصوم الا رسول الله صلى الله عليه وسلم ,, أنا كاتب فى اخر سطر ان كلا التيارين فيهم ناس بيسيئوا ليهم .... وأنا كنت متابع باسم لما كان بيقطع فى المجلس العسكرى وعكاشة وكنت برده معترض على بعض الحلقات ومتابعه دلوقتى برده ومش عاجبنى أسلوبة خالص ( مش علشان بيغلط فى الاخوان والسلفيين ) ... وأنا وضحت ده فى كلامى السخرية من الأشخاص مبدأ مرفوض لقوله عز وجل بسم الله الرحمن الرحيم " ياأيها الذين آمنوا لا يسخر قوم من قوم عسى أن يكونوا خيرا منهم " .. لكن انك تنتقد مواقف سياسية للإخوان أو أراء للسلفيين وعرض وجهة نظرك فده اللى نقبله .. وانا مستغرب جدا من تبرير الألفاظ والايحاءات ,, يعنى علشان فيه واحد بيشتم مهما كان أعمل زية ؟؟؟ لما يقف قدام ربنا يحاسبه .. هيقوله اشمعنا انا ما عبدالله بدر كان بيشتم .. كل واحد مسئول عن نفسه. هل ينفع أصلح الغلط بغلط .. عمر ده ما كان صح ....
__________________
إنما تنجح الفكرة إذا قوي الإيمان بها ، وتوفر الإخلاص في سبيلها ، وازدادت الحماسة لها ، ووجد الاستعداد الذي يحمل على التضحية والعمل لتحقيقها
|
|
#4
07-01-2013, 12:14 PM
|
|||
|
|||
|
و على فكرة كمان دا باسم يوسف مش بيتريق على خالد عبد الله بس لا دا كمان وصل للشيخ محمد حسين يعقوب و شيوخ تانية كتير مقلتش اى كلام عليه و لا بتسأل فيه حتى !!!
و كماان داايما بيقعد يوقع بين المسلمين و المسيحين و بعد كدا يقولوا دا الاسلاميين هما اللى هيحرقوا البلد !!؟؟
__________________
الْلَّهُمَّ انَّكَ عَفُوٌّ تُحِبُّ الْعَفْوَ فَاعْفُوَ عَنَّا
|
|
#5
10-01-2013, 04:48 PM
|
||||
|
||||
|
اقتباس:
انا ال شوفته خالد عبدالله وعبدالله بدر وابو اسلام دول بشكل متواصل يعني ومره واحده سخر من جمله للشيخ محمد حسان بصفته احد من قاموا بمليونية ميدان نهضة مصر وليس بوصفه الشيخ محمد حسان في ذاته وارجو تبين الفرق بين الحالين اما فكرة انه بيوقع بين المسلمين والمسيحيين فدي سوري يعني مصيبه هو كونه بيتريق على بعض من يدّعون انه شيوخ في كلامهم عن المسيحيين يبقى بيوقع بين المسلمين كلهم والمسيحييين؟؟؟؟؟؟؟؟؟ مش فاهمها بصراحه اانا شايف العكس انه كدا بيساعد على ان الناس يشوفوا المسلمين المعتدلين بعد ازالة تلك الشوائب ارجو الموضوعيه في النقد اتمنى ان يكون الأمر جلياً اني قولت على الشيخ محمد حسان والشيخ محمد حسين يعقوب شيوخ اما من ذكرتهم خلافهما فلا هذا للفرق الكبير بينهم
|
|
#6
10-01-2013, 04:41 PM
|
||||
|
||||
|
اقتباس:
انا هبدأ بالجمله ال انت نهيت بيها لا التيار الاسلامي ملائكه ولا التيار المعارض على صواب او على خطأ دوماً ودي كانت نهاية الحلقه الاخيره للدكتور باسم لو تلاحظ لما قعد يومها يسخر من كلام بعض اتباع التيار المدني وعلى اجتماع جبهة الانقاذ الوطني وقعد يقول اومال سيبتوا ايه لل بتعارضوهم؟ الفكره ال انا بحكي فيها بقى دلوقتي ان انت التيار الحاكم وماظنش ان دا يخفى عن بصرك إلا إن كنت لازلت ترى ان الإخوان المسلمين لم يمكنوا حتى الان وفي غير هذا الحال انت التيار الحاكم ومن الطبيعي ان تسير مؤسسات الدوله تجاه رأيك ولطالما لديك كل هذه الثقه لماذا قمتم بمظاهرات امام النيابه حينما تم القبض على احمد عرفه عضو حازمون ومؤسس كان فين ابو اسماعيل قبل الثوره؟ لماذا لم تشائوا ان تاخذ التحقيقات مجراها ف النيابه ولظننا ببرائته يتم الافراج عنه وللعلم التيار المدني ساند احمد عرفه وتفاعل مع موقفه قبل ان يفعل ذلك التيار الاسلامي تدري لماذا؟ لأن الامر يتعلق بحقوق الإنسان وليس السياسه وهذا هو الامر رفضي لما يحدث مع دكتور باسم ليس ااتجاه سياسي وانما اتجاه انساني فالدستور لم تتواجد به ماده تدعم حرية الابداع ومنع حبس الصحفيين إلا لجرائم جنائيه وهذا ما كنت اخافه ان يأتي اليوم الذي يحاكم فيه كل شخص على رأيه في الرئيس او في التيار الحاكم او المعارض ايضا توضيح اخير فقط باسم لم يسخر من صلاة الجمعه وانما سخر من كم النفقات التي تدفع كي يصليها الرئيس ليس اكثر وللعلم دكتور باسم يصلي حاله حالك والله اعلم بما في نفوس الناس لا شخص فينا افضل اسلاما من غيره فانا لو شعرت انه يسخر من الدين والله ما دافعت عنه ابدا ولا تابعته اصلا وللعلم دكتور باسم حينما ظهر مع جون ستيوارت ظهر مطلقاً للحيته ليس بشكل كبير ولكن واضح واظن في ذلك وإن لم يقصد رسالة واضحة للعالم ان ليس كل من لديه لحيه مسلم فهو ارهابي وانت بردو اقتطعت جزء من رأيي فقط ورديت عليه الافضل ان تأخذه بكل جوانبه وبالنسبة لموضوع اهانة الرسول عليه افضل الصلاة واتم واذكى السلام ال حصل دا للمصريين بس ال قدرنا نعمل معاهم حاجه اما مشكلة الدينيمارك وهولندا محدش فتح فاه هذا للتوضيح وهذا ما كنت اقصد لما قولت رسوم اما بتاع المصريين المقيمين بالخارج فدا كان فيديو مش رسوم دمتم جميعا بخير آخر تعديل بواسطة 222ahmed222 ، 10-01-2013 الساعة 04:50 PM
|
|
#7
12-01-2013, 10:05 AM
|
||||
|
||||
|
اقتباس:
انت مارديتش على مضمون كلامى الا فى جزء واحد وهو ان رفض لما يحدث مع باسم من منطلق انسانى .. وإن باسم لا يسئ للإسلام ودى وجهة نظرك بس ممكن تكون صح وممكن تكون غلط .. هو لما باسم يسئ للشيوخ اللى المفروض ان احنا بنرجعلهم فى امور ديننا وبالتالى صورتهم اتهزت قدامك أنا مش بتكلم عليك انت .. أنا بتكلم على شاب من الشباب اللى أول مرة يشوف الشيخ فلانى كان مع باسم يوسف تخيل انطباعه هيبقى عنه ازاى ؟؟؟
فعلى سبيل المثال باسم سخر من الشيخ مسعد أنور لأ وكمان باقتطاع نصوص من حديثه لكى يستطيع السخرية منه ..حيث كان الشيخ يتحدث عما كان يحدث مع الاسلاميين وكلنا عارفين اللى كان بيحصل وبيقول كان الاول لو شافوا حد ملتحى بياخدوه وكيف تغير الحال واصبح رئيسنا ملتحى .... باسم اخد اخر حته وعمل عليها الليله أما أنا وجهة نظرى فى موضوع هل باسم يسئ للإسلام أم لا .. الله أعلم هل ده فى نيته ام لأ وظنى أنه يعتقد أنه لايسئ للاسلام بل هو يسئ لأشخاص ( من وجهه نظرة ) أنهم لايطبقو الاسلام .. لكن فاكر هو كان بيقول على خالد عبدالله إيه؟؟ بيقوله انت عمرك ماكفرت حد بس قولت شوية حاجات كده لو اتحطت مع بعض تبقى كفرت .. أهو نفس الحال مع باسم ما بيسيئش للاسلام بس بيقول شوية حاجات كده لو اتجمعت مع بعضها تسئ للاسلام وماتقوليش فيه فرق بين الاسلام وشيوخه ... الشيعه لما حبوا يسبوا الرسول ماسبهوش علانية بل سبوا أصحابه فبالتالى كده أساءواء للرسول يارب تكون فهمت قصدى ثانيا أنا مقدرش اقول باسم بيصلى ولا لأ .. ممكن يكون عند ربنا أحسن منى أما موضوع الصحافة انا معاك فيه لايجوز لاى حد انه يحاكم صحفى قال رأية بس ياريت نفرق بين الرأى والسب ولكى تعرف الفرق امسك جريدة الشروق (مقالات فهمى هويدى ) نقد .... وامسك جريدة الدستور (سب) والله لايستويان أبدا .. وبالنسبة لموضوع الرسوم المسيئة فربنا بيحاسبنى على أخر حدود مقدرتى " لا يكلف الله نفسا الا وسعها " يعنى لو انا فى ايدى انى ارفع قضايا على الدنمارك وماعملتش اتحاسب .. وكذلك لو فى ايدى انى اقاطعهم وماعملتش اتحاسب ... وماتستهينش بالمقاطعه دى كبدتهم خسائر كبيرة .. وأخر حاجه أحب أقولهالك لسه بدرى على التمكين  اللهم وفقنا لما تحبه وترضاه
__________________
إنما تنجح الفكرة إذا قوي الإيمان بها ، وتوفر الإخلاص في سبيلها ، وازدادت الحماسة لها ، ووجد الاستعداد الذي يحمل على التضحية والعمل لتحقيقها
|
|
#8
12-01-2013, 11:53 AM
|
||||
|
||||
|
اقتباس:
هل رجع الامن وانصلح حال الاقتصاد وعاد المرور فى الشوارع ؟ هل احترم الاسلاميين الدستور والقانون الذين اقسموا عليه؟ ما رايك فى هجوم الاخوان على معتصمى الاتحادية؟ ما رايك فى حصار ابو اسماعيل واتباعه لمدينة الانتاج الاعلامى؟ ما رايك فى حصار المحكمة الدستورية؟ ما رايك فى شرعية النائب العام الجديد؟ ما رايك فى اصدار الاسلاميين للفتاوى على مختلف القنوات واهمال دور الازهر؟ فى النهاية كلامى عن الاسلاميين (الاخوان) ممثلى تيار الاسلام السياسى فى الحكم
|
|
#9
13-01-2013, 10:18 AM
|
||||
|
||||
|
اقتباس:
بشكل عام أنا مش عارف ايه علاقة ده بالموضوع اللى بنتكلم فيه .. مش دى المشكلة, المشكلة ان الكلام ده مستهلك قبل كده كتير..
بس أنا هرد عليك ردود سريعه ( رأيى الشخصى ) مع ان الموضوع ده عاوز نقاش لوحده .. 1) الاسلاميين نفذوا الكثير وإن كنت تقصد المائة يوم فرأيى أنهم خانهم التوفيق يعنى كانوا شايفين الدنيا وردى وسهله وممكن ينجزوا خطة المائة يوم بس للأسف أنجزوا البعض من وجهة نظرى وان كنت أرى ان بعض المشاكل لن يستطيع احد ان يحلها لأنها مرتبطة بثقافة شعب 2) الامن تحسن كثيرا والمشكلة فى تأخر ذلك أن القيادات حتى الصفوف الرابعه فى الداخلية فاسده 3) الاقتصاد لن يتحسن الا فى وجود معارضه محترمه تدفع البلد للاستقرار الذى يجذب الاستثمار (طول مافيه اضطرابات واحتجاجات مااففيش استثمار . 4)أنا مش عارف الاسلاميين أقسموا علي ايه بصراحه .. مجلس الشعب اتحل قبل مايعملوا حاجه ؟؟!!!! 5)الاخوان لم يهجموا على الاتحادية ( كنت هناك وعارف اللى حصل ) 6) من حقوقهم المدنية الاعتصام .فهم يعبرون عن رأيهم فى فساد الاعلام . وده نفس الحق اللى ادى جبهة الانقاذ انها تعتصم فى الميدان وتحاصر الاتحادية .. حلال لكم حرام عليكم ؟؟ 7)نفس اجابة رقم 6 8) لو مش شرعى ماكانش استنى فى المنصب كل ده 9)اصدار الفتاوى بحاجه للتقنين وكذلك الازهر يحتاج للهيكلة معلش ردودى سريعه علشان الامتحانات
__________________
إنما تنجح الفكرة إذا قوي الإيمان بها ، وتوفر الإخلاص في سبيلها ، وازدادت الحماسة لها ، ووجد الاستعداد الذي يحمل على التضحية والعمل لتحقيقها
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:06 AM.
