المجال الهندسى العلمى فى مصر لا يمثله الا نقابة واحدة فقط وهى نقابة المهندسين

[coming_soon1986]

كويس جداً ان حضرتك بتقول كلام جيد
انا انصحك انك تتحرك حاليا و ترفع قضية على الدولة انها مصنفة مهنياً ناس بتوصيف خطأ
و ترفع قضية على نقابة المهندسين لانها لا تضم خريجى قسم الهندسة الزراعية لانهم مهندسين معتمدين و دراستهم هندسية علماً بأن قسم الهندسة الزراعية تم انشاءة رسمياً من سنة 1975
و بالمرة ترفع قضية على وزارة التعليم العالى ان قسم الهندسة الزراعية مش ملحق بكلية الهندسة و لكن ملحق بكلية الزراعة
و متنساش بالمرة تقدم مذكرة لجامعة الدول العربية بخصوص الأمر علشان يلغوا مسمى مهندس زراعى من الدول العربيه الأخرى و يلغوا اتحاد المهندسين الزراعيين العرب

و أهم حاجة فى الموضوع طالما الوضع فى مصر مازال قائم
فية نقابتين مهنيتين للمهندسين ، إذن يمكن أن ينقسموا لآكثر ممكن مهندسين ميكانيكا تعمل نقابة لوحدها مثلاً أو الكهرباء او غيرهم .
لو حضرتك قدرت تغير الوضع دة بانك بقى تلغى نقابة المهن الزراعية اللى بتعتمد المهندسين الزراعيين او تدمجها مع نقابة المهندسين او بحل أخر انك تخلى فية هيئة مهنية واحدة للمهندسين فى مصر ساعتها تقدر تقول بقى ان فية هيئة واحدة للمهندسين و مين مهندس و مين مش مهندس و تصنفة لكن طالما خريج زراعة معتمد و متصنف مهندس الى الان متقدرش تقول غير كدا خاصة انت اية قوتك و لا اية هى خبرتك لان مش معقول وزارة التعليم العالى و باقى هيئات الدولة و من ضمنهم خريجين كليات الهندسة ( متمثلة فى نقابة المهندسين ) مش عارفين تخصصاتهم الهندسية اية و حدودها و انهم يسيبوا خريجين كلية أخرى يشاركوهم فى توصيفهم المهنى و انت بقى اللى عبقرى زمانك فالبوست بتاعك بيهين نقابة المهندسين أكتر من غيرها .

يعنى هى وزارة التعليم العالى
و جهاز التنظيم و الأدارة
و وزارة القوى العاملة
و مجلس الشعب
و نقابة المهندسين
كل دول بقر لانهم سايبين توصيف خريج زراعة مهندس و هو مش مهندس و انت اللى بتفهم !!!

و فى كل الأحوال احنا لدينا فى مصر الى الان هيئتين مهنيتين للمهندسين
الأولى نقابة المهن الزراعية
الثانية نقابة المهن الهندسية سابقاً " نقابة المهندسين حالياً "

و هناك اتحادين للمهندسين
الأول اتحاد المهندسين العرب
و الثانى اتحاد المهندسين الزراعيين العرب
و دة وضع قائم و معترف بة و معمول بة الى الان و مفيش اى فرد او مؤسسة تقدر تشكك فية الا قوة الدولة و مؤسساتها المعنية بذلك

فية ملحوظة مهمة جداً علشان متخلطش الأمور
نقابة المهن الزراعية بتعتمد المؤهلات المتوسطة كمهندسين و لكن بعد خبرة 10 سنين و بتعتمدهم كمهندسين زراعيين و دة طبقاً لنص قانون انشاء نقابة المهن الزراعية
مع العلم ان أصلاً المجلس الهندسى البريطانى بيتيح لاى فنى سواء مدنى او كهرباء او ميكانيكا او الكترونيات او زراعة او غيرها انة يبقى مهندس بشرط انة يكون حاصل على 10 سنين خبرة .
مع العلم ان المؤهل المتوسط " الفنى " بيدرس هندسة و لكن بقيمة و بكم و بكيف و بفترات زمنية أقل من المؤهل العالى" المهندس "


و فى كل الأحوال هناك نقابتين مهنيتين فى مصر لتنظيم المهندسين و كل منهم لة طريقتة فى تنظيم المهنة و القائمين عليها و بالتالى هذا وضع قائم و يظل معتمد و معترف بة طالما قائم ما لم يحدث العكس.