الشهادات والكورسات التى يجب أن يحصل عليها معلم اللغة الإنجليزية واى معلم ناجح

[رضا عبد الحميد عبد الرازق]

نكمل من تانى
إبدأ اتكلم حتى لو مع نفسك تخيل أى موضوع وان فى حد بيكلمك وسجل لنفسك واسمع نفسك وشوف انت نطقت ازاى هتلاقى فى البداية غلطات مش هتصدق ان انت مدرس انجليزى اصلا بس ولا يهمك كل ده ولا حاجة لما توصل لنتيجة مرضية ان شاء الله المهم انك تسمع كثيييييير جدا وتتكلم بالطريقة اللى قلت عليها أما بالنسبة لشغلك فى الفصل حتى لو الطلاب مش فاهمين انجليزى اشرح بالأنجيزى وترجم اللى انت قلته مباشرة حتى يفهم الطلاب لدرجة ان الموجه دخل حصة ليا وكان فى نص استماع وقرأته مرتين بس بطريقتى الجديدة الحلوة قراءة أنجليزى على حق زى الفراشة مش الجماعة اللى بيضغطوا على كل كل لغاية ما يخرروها دم أسف على التعبير بس دى حقيقة مثل leave it حضرتك بلاش حضرتك لاحسن تزعل منى انا كنت بقول " لييف إإتت " وعايز اتنين يضغطوا معايا لالالالالا قل ورايا " ليفيت "

المهم بقى الخيبة الثقيلة لما تيجى تشرح بالإنجلزي مش هاتعرف قل ليه لأنك لازم تحضر جميع الجمل والمفردات اللى انت محتاجة وهتخدمك فى الناحية زى مثلا عايز تقول الفعل يتبع بــــ أو يسبق بــ مثلا فلازم تذاكر شوية جرامر من كتب انجليزية الأصل مش ملخص

على فكرة يا جماعة انا بتكلم بتلقائية واللى شايف ان الكلام ده احتمال يكون خايب وان ما فيش مدرس انجليزى بالمواصفات اللى انا بقولها يا ريت ما يثبتش همتنا ولعل وعسى يكون فى مدرس خايب زى حالتى ويستفيد منها

يتبع