انت ياقمر!!

[إليزابيث]

المشاركة الأصلية كتبت بواسطة 222ahmed222

انا اتفرجت من فتره كدا على فيديو ع الموبايل لبنت اسمها ايفون بس عجبتني جداااا

كانت شغاله ف حاجه اسمها الجمهوريه تي في انا ماعرفش دي قناه ولا قناه على اليو تيوب ولا ايه ماعرفش
بس المهم انهم شغالين شغل كويس وبيعملوا تقارير قويه جدا
منهم التقرير دا
طبعا مش هينفع اجيبلكم الفيديو لأنّ ف مشاكل مع الاداره حوالين فيديوهات اليو تيوب دي تقريباً فاكرينني بعمل دعايا لليوتيوب تالت اكبر موقع ف العالم
عموما
التقرير
بنت جميله مش محجبه واقفه ف الشارع قدام سور الجامعه تقريباً
وكل ما يعدي ولد قدامها تقعد تعاكسه وتقوله يا قمر بص علينا وايه الجمال دا وكدا
وبتجيب بقى ردود افعال الشباب على دا
ففي رد فعل لفت نظري جدا منهم
هي مجرد ما قالتله يا قمر الولد ما صدق ووقف بقى وقاعد يقولها انا ال قمر ولا انتي؟
ايه دا هو ف جمال كدا؟
فهي بقى بدأت تنفضله
وهو مصمم وواقف
فهي خافت يكون خد الحوار جد بقى فبدأت تدور على شاب تاني تعاكسه
وهو مصمم وواقف
قالتله خلاص انت عاوز ايه؟
قالها ولا حاجه
قالتله لا خلاص اتفضل ف طريقك بقى
قالها لا ما طريقي هو طريقك خلاص احن طريقنا واحد
المهم هي قالتله لا خلاص سيبني القط رزقي
وهو ما صدق بقى خلاص لزق فيها خلاص
المهم البنت ف اخر الفيديو بتقول للشباب
طيب انتم كل يوم بتوقفوا اي بنت جميله او مش جميله لبسها محترم او منتقبه حتى تعاكسوها
اشمعن يعني لما بتتعاكسوا بتستغربوا اوي كدا وممكن ماتصدقوا تشوفوا اي بنت بتعاكسكم عشان تعلقوها على طول؟
انا عجبني جداااااااااااااااااااااااااااا التقرير دا

ايه رأيكم انت فيه وفي الموضوع والفكره كلها؟؟؟

هي طبعا اللي غلطانة وبتستاهل اللي يجرالها دلوقت احنا بنمشي جنب الحيط عشان متحصلش معاكسات وبردو بنتعاكس هي رايحة علني تعاكس ومش عايزة الولد على الاقل يمشي معاها اغلب الشباب دلوقتي بقت اخلاقهم متدنية جدا مش شباب يتعمل عليهم دراسات؟!!!!!

المشاركة الأصلية كتبت بواسطة 222ahmed222

والجزء التاني من موضوعي

هي في النقيض البنات
كان في كدا على بيدج تافه ع الفيس بوك بيقعد يكتب مشاكل الاولاد والبنات بينهم وبين بعض ومشاكل عاطفيه وحب وكدا
المهم واحد كاتب مشكله بيقول فيها انه بيحب واحده وهي مريضه فمش عايزاه يخطبها عشان ميتظلمش معاها لأنّها احتمال كبير متقدرش تخلف
فهو مصمم انه يخطبها
المهم هو شكله فيلم هندي كدا اصلا بس المهم البيدج منزله
فتشوف بقى تعليقات الناس
في تعليقين منهم شدوني جداااااا
بنت ف الاول بتقول . والله دي هبله!! في بنت دلوقتي مش عاوزه ترتبط؟؟ طب انا بقى سنجل اهو ومش عندي مرض ف القلب زيها بس عندي برد
وكومنت تاني
واحده بتقول انا عجبني اوي دا بجد رجل ومفيش منه اليومين دول
وعلى فكره انا مش مرتبطه
طيب هو في الحال دا انا افهم ان الناس بيدخلوا على الفيس بوك على اساس انه موقع الخاطبه اون لاين؟
يعني البنات داخلين فعلا النت عشان يلقطوا عرسان؟؟!!!

والله انا ماقصدش بالكلام دا اي حاجه بس هل فعلا حد شاف حد بيفكر بالطريقه دي؟؟

يعني حضرتك داخل على بيدج رومانسية متوقع تلاقي فيه بنات منتقبات؟!!! اكيد دول احقر بنات ودول احقر شباب اللي مشتركين فيه توقع اي شئ منهم مش كده بس ده قليل عليهم
ومش كل البنات كده