إلى معلمى المنيا : أين أنتم من ضم المدة ؟

[Azhar Aly]

السلام عليكم .. انا سالت ف التنظيم والادارة بالمنيا قالوا لى ان تأخير الدرجة جاى من الفرع الرئيسى للتنظيم والادارة بالقاهرة ...وسألت ف التسويات بالمديرية فقالوا ان طالما وصلت ملازم التعيين للادارات ف 2011 كان المفروض ان الادارات تعملكم كارتة تسوية _بس للاسف الادارة رفضت بحجة عدم وجود درجة_ ولما توصل الدرجة نقدم طلب للتسويات ف المديرية بضم المدة وهناك يا اما يتم قبول الطلب ويكون الضم بشكل تلقائى يا اما يترفض الطلب وف الحالة دى نلجأ للقضاء وع ذكر القضاء والمحامين .. فانا اتصلت بمحامى وقالى ان الضم ع شقين :-
* جزء واجب الضم وهو عقد المعلم المساعد لانه من اساسيات التعيين
*جزء تانى ممكن فيه نرفع القضية وهو عقود ما قبل المعلم المساعد بتاع 15/3/2008 وعشان نرفع قضية بنعمل توكيل للمحامى ونحضر صور العقود السابقة وصحيفة حالة ورقية او اليكترونية مكتوب فيها الدرجة المالية وصور طبق الاصل من اواراق التعيين خصوصا استمارة 103 ع ح وصورة البطاقة الشخصية ومن الافضل تكون القضية فردية عشان اختلاف العقود وعشان لو كانت جماعية ولا قدر الله اترفضت الدعوى بسبب احد افرادها مش من حق باقى الافراد رفع القضية مرة تانى
هو كل المشكلة دلوقتى عندنا ف الدرجة اللى بسببها اتحرمنا من ضم المدة وكمان اتحرمنا من العلاوة الدورية اللى بتضاف بعد مرور سنة ع التعيين وللاسف مفيش حد من زمايلى راضى يتحرك كله بيستنى غيره
اسف ع الاطالة