ايه الاخبار

[bahaaeldeen]

المشاركة الأصلية كتبت بواسطة jasminfarouk

بعد اذنك عندي استفسار وياريت تفيدني لاني تعبت
انا دلوقتي مش فاهمة ديكور بتقبل من ادبي ولا علمي ده اولا
ثانيا انا تالتة ثانوي ادبي جبت في تانية 57%
ياتري اقدر ادخل الكلية السنة دي مع العلم اني موهوبة الحمدلاه واقدر ارسم اي حاجة

فلو بعد اذنك تقولي هيقبلوني ولا لا وياتري لو دخلت قسم جرافيك كويس
مع العلم اني بحب المجال ده وبقدر اتعلم فيه بسهولة

ديكور بيقبل من علمى فى كل الكليات
وبيقبل ادبى فقط فى اسكندرية بتنسيق داخلى فوق مجموع الكلية على حسب العدد
انتى كدة تقدمى فى تربية فنية ومستواها زى فنون جميلة وتقدرى تشتغلى ديكور عادى بالكورسات بتاعت ثرى دى ماكس واوتوكاد وفوتوشوب وكمان نفس النقابة يعنى فنون زى تربية وكمان مش شرط تطلعى مدرسة رسم وكمان تربية فنية مستقبلها حلو انا شفت ناس خريجين تربية وشغالين مهندسين معمارى وديكور زى الفل ف متقلقيش اهم حاجة تقتنعى وانا تحت امرك فى اى استفسار

[jasminfarouk]

يعنى بجد مستقبلها كويس وهيقبلونى فيها
ومش لازم اشتغل مدرسة رسم وياترى حضرتك تعرف اى حاجة عن الامتحان معاده او اقدم ازاى او اعمل ايه عشان انا مش عارفة اى حاجة فى موضوع الامتحانات ولا التقديم ده

[bahaaeldeen]

المشاركة الأصلية كتبت بواسطة jasminfarouk

يعنى بجد مستقبلها كويس وهيقبلونى فيها
ومش لازم اشتغل مدرسة رسم وياترى حضرتك تعرف اى حاجة عن الامتحان معاده او اقدم ازاى او اعمل ايه عشان انا مش عارفة اى حاجة فى موضوع الامتحانات ولا التقديم ده

اة طبعا انا صحابى كتير خريجين تربية فنية وشغالين فى مجال معمارى وتصميمى وديكورى
ميعاده بيكون فى الاجازة زى تقديم قدرات بس تختارى قدرات تربية فنية والكلية اصلا جنب فنون جميلة فى الزمالك
تابعى الجرايد الرسمية عن مواعيد الامتحانات
والامتحان سهل هو رسم رصاص وحاجات بسيطة وربنا يوفقك ياااااااااارب

[بشمهندس احمد]

[QUOTE=bahaaeldeen;5114538][size="5"]
تربية فنية ومستواها زى فنون جميلة وتقدرى تشتغلى ديكور عادى بالكورسات بتاعت ثرى دى ماكس واوتوكاد وفوتوشوب

معلش انا عندى تعليق فنون جميلة مستواها اقوى بكتير من تربية فنية اضافة على كده ان ديكور دراسته فى الكلية 5 سنين لا يقارن باى واحد اخد كرسات وخلاص يعنى انا لسه اعدادى ديكور بس ان بجد مطمرمت فى المشريع الكتير و التهشير والتحبير وقلم الجدول والاسقاطات والبلانات وغيره كتير كفاية شيالة الشاسية والمسطرة T رايح جى من الكلية واكيد انت عارف الكلام ده
فمعلش متقلش ان اى واحد ممكن يقدر على الشغل ده ولو اشتغل هيكون مساعد مهندس ديكور واو فنى ديكور وده قاله الدكترة عندنا فى الكلية

[bahaaeldeen]

[quote=بشمهندس احمد;5135945]

المشاركة الأصلية كتبت بواسطة bahaaeldeen

[size="5"]

معلش انا عندى تعليق فنون جميلة مستواها اقوى بكتير من تربية فنية اضافة على كده ان ديكور دراسته فى الكلية 5 سنين لا يقارن باى واحد اخد كرسات وخلاص يعنى انا لسه اعدادى ديكور بس ان بجد مطمرمت فى المشريع الكتير و التهشير والتحبير وقلم الجدول والاسقاطات والبلانات وغيره كتير كفاية شيالة الشاسية والمسطرة t رايح جى من الكلية واكيد انت عارف الكلام ده
فمعلش متقلش ان اى واحد ممكن يقدر على الشغل ده ولو اشتغل هيكون مساعد مهندس ديكور واو فنى ديكور وده قاله الدكترة عندنا فى الكلية

بشمهنس احمد مع احترامى لرايك وكلامك الصح جدا
لكن رأيي الشخصى
لكن نقابة التشكليين هى اللى عملت فى خريجين ديكور كدة وخلت المهنة دى لأى تخصص تانى للاسف
برغم انى من اقوى مناصرين هندسية قسم الديكور من اجل فقط أن يأخذ حقوقه
وبعدين احنا بنحاول واولا لا لاقيين حد يساعدنا ولا حد بيسمع اصلا لان فيه شوية ناس مش حاسة باللى الخريجين بيحسوا دة حتى ملاقيناش طلبة تتطوع معانا وكله بيقول يلا نفسى
ف لما تيجى تتكلم عن ديكور فى الوقت الراهن وهو تحت نقابة التشكليين يبقى وضعه حرج جدا بغض النظر عن مكانته الكبيرة وشغلته الكويسة لكن برضو بتتسرق سواء من معماريين او اى حد تانى دون ذكر.
وجاء التعليق دة علشان ابعاث الامل من جديد ولما ناخد حقوقنا باذن الله يبقى مينفعش اى حد يشتغل شغلنا خارج القسم لكن للاسف الشديد دة اللى بيحصل.
اتمنى ان تعود الصورة من جديد

تحياتى