كل سنه وإنتم طيبين :) :)

[مستر محمد سلام]

المشاركة الأصلية كتبت بواسطة eng khaled zakareya

السلام عليكم ورحمه الله وبركاته

أولا : كل سنه وإنتم طيبين .. خلاص التيرم التانى حيبدأ من بكره إن شاء الله (( بالنسبه للجامعات )) أما بالنسبه لطلبه الثانويه (( المعذبون فى الأرض )) فدول أساسا معندهمش لا تيرم أول ولا تانى .. ولا بيروحوا مدرسه أصلا

فــ المهم : بالنسبه للجامعات : طبعا فينا كتير من اللى حلوا أى كلام فى التيرم الأول (( أنا واحد منهم )) .. إن شاء الله ندخل التيرم التانى بعزيمه أقوى وإصرار أكبر على تحقيق هدفنا إللى حطيناه من يوم ما حطينا رجلنا فى الجامعه

هو طبعا جمله حنعوض التيرم التانى أو حنعوض فى الفاينال بقت لبانه فى بوقنا أكيد قولناها أكتر ما بنقول صباح الخير لبعض
بس إن شاء الله نكون بنقولها وإحنا مؤمنين بيها وواثقين إننا حنعمل بيها وحنصرّ على إننا نعوض كل إللى فات وكل إللى ضيعناه فى التيرم الأول وإن شاء الله آخر التيرم ده كل واحد يكون فى المكان إللى هو عايزه فى كليته ويكون حقق الحلم إللى نفسه فيه ويكون جاب التقدير إللى كان حاطه لنفسه من بدايه التيرم الأول

بالنسبه لطلبه ثانوى : الله يكون فى عونكم والله .. طبعا شهر 2 بدأ وبدأ معاه الخوف والرعب وبدأت الناس تسمع الإمتحانات حتيجى صعبه ويبدأ المدرسين يألفوا قصصلا وروايات وحكايات عليكم ويقعدوا يقولولكم الإمتحانات حتيجى صعبه ومش عارف إيه ؟
على فكره إمتحانات الثانويه مش بتيجى صعبه خالص فقط عايزه واحد مذاكر منهج وحالل إمتحانات سابقه ودليل وكتاب المدرسه وشكرا جدا على ذلك

وبالنسبه للناس إللى لسه مبدأتش فى أى حاجه فى المنهج .. لو حطيت قدامك هدف وبدأت تنظم نفسك وتشوف ناقصك إيه أو لو حتى حتبدأ من الأول ... صدقنى حتلحق تذاكر وتراجع كمان وتخلص إن شاء الله المناهج بتاعتك مستريح

المستوى الرفيع : خدوا بالكم منه أوى .. زاكروه من بدرى عشان تبقوا خلصتوه وتراجعوا براحتكم المواد .. بس إهتموا بيه ... المستوى بيفرق مع ناس كتير أوى وبيغير مسار حياتهم كل نص درجه من المستوى إنتوا أولى بيها ... محدش ضامن يمكن المستوى يكون سبب فى دخولكم الكليه إللى نفسكم فيها إن شاء الله

( كتاب المدرسه + دليل التقويم + إمتحانات سنوات سابقه )
هما دول تركيزك فـ الفتره إللى جايه .. الإمتحان بإذن الله مش حيخرج منهم
ربنا يوفقكم إن شاء الله وتكون نهايه السنادى كل واحد فى الكليه إللى نفسه فيها وإللى كان بيحلم بيها وتحققوا آمالكم وآمال والديكم إن شاء الله

كل سنه وإنتم طيبين جميعا ... وتيرم جديد سعيد علينا إن شاء الله
ربنا يوفق الجميع

شكرا لحضرتك

------------------
حفظ الله مصر واهلها وبارك في شعبها الكريم
--------------

[To Be Is To Do]

المشاركة الأصلية كتبت بواسطة Yes We Can

و انت طيـب يا خالووووووود
طبعا كلمه ترم دى مش عندنا ف منهج الثانويه
احنا عندنا حاجات تانيه خاااااااالص .. نحن نختلف عن الاخرون
ربنـا يوفقكـم فـ الترم الثانـى
و معانا " يـارب " نحن طلاب الثانـويه المطحونيين
و هااه عاوزين كدا تشجيع من طلاب الجامعات
و شغل عاااالى كده منكـم

لا طبعا تيرم إيه بس إنتوا تاخدوا السنه كده على بعضها لوكشه واحده
يلا ربنا يوفقك ومعاك إن شاء الله
وشد حيلك وإن شاء الله آخر السنادى تكون فى الكليه إللى نفسك فيها بإذن الله

المشاركة الأصلية كتبت بواسطة مستر محمد سلام

شكرا لحضرتك

------------------
حفظ الله مصر واهلها وبارك في شعبها الكريم
--------------

الشكر لله
اللهم آمين
جزاك الله خيرا