الدولة الظالمة

[هويدااحمد76]

المشاركة الأصلية كتبت بواسطة mahmoudwafy

طيب انا لى صديق اخذ دبلو وبعد الدبلوم (صناعة) اتعين عسكرى شرطة وانا طالع عينى فى الكلية ومعايا ماجستير :
هو : 15 يوم شغل (8 ساعات فى اليوم مش اكتر) و15 يوم فى البيت
العبد لله: كل يوم
هو: 2500 مرتب بدون مبالغة
العبد لله: 500

هههههههههه شر البلية ما يضحك
كان معى زملاء من الاولاد فى تالتة اعدادى والله ما كانوا بيعرفوا يكتبوا جملة على بعضها على السبورة والاستاذ بتاع العربي عمل مسابقة بين الاولاد والبنات المهم البنات فازوا وطلب منى الاستاذ انى اضرب ال 3 ولاد اللى هزمناهم اضربهم بالقلم انا مرضتش وقلت له انهم إخواتى
المهم ظهرت نتيجة تالتة اعدادى انا طلعت الاولى ودخلت ثانوى عام ومنها لكلية التربية قسم اللغة الانجليزية واتعينت معلمة لغة انجليزية
المهم لفت الايام وركب معى احد الزملاء الفاشلين اللى من وجهة نظرى فاشل دخل صنايع ثم بواسطة احد قرايبه اتوظف فى الكهرباء بمرتب 2000 جنيه والله جنيه مش مليم هوه قالى بتاخدى كام مرتب قلت له 900 جنيه قالى انا باخد 3000 قلت له متهكمة 3000 مليم قالى لاء جنيه وهوه بيضحك
غاظنى بضحكه قلت هوه ده اللى كان مفروض أديله بالقلم على وشه
اهوه الايام دارت وهوه ادانى بالقلم على قفاى من غير ما يشعر والله حسيت انى فعلا انضربت قلم جامد قلت له وفلان اخباره ايه ضحك وقالى قصدك الفاشل التانى ههههههههه قالى عقبال عندك دخل دبلوم تجارة وبقى مأمور ضرايب ومرتبه عدى ال 4000
قالى بكل غرور يا أستاذة احنا بلد فلوس مش شهادات
شوفى انتى يا متفوقة بتاخدى كام واحنا الفاشلين بناخد كام
مين عنده احباط مثلى ؟؟؟؟؟؟؟؟؟؟؟؟؟؟؟؟؟؟؟؟
المهم بقوله انت جاى منين قالى كنت فى التأمين الصحى بركب اسنان وضروس على حساب التأمين هركبهم أغلى حاجة قلت له هتدفع كام قالى ولا مليم يا بنتى دى وزارة الكهرباء انتى فكراها التربية والتعليم !!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!