مضغوط نفسيا جدا وارجو الحل(هام وعاجل)

[aleman]

المشاركة الأصلية كتبت بواسطة mando2free

انا بقى روحت اول امبارح اخطب واحدة تبقى بنت بنت خالى بعد ضغط من اهلى وكل دة وانا رافض وعمرى ما شفتها قبل كدةلحد ماقلت اصلى استخارة وقولتلهم روحو شوفوها وان كان خير هيمشى مش خير يبقى مافيش نصيب. ماصدقو وراحو خطبوها وبالنسبة ليا رايح اول مرة علشان اشوف دة مفهومى وكانو قايلينلى عجبتك ما عجبتكش حط فلوس فى الصينية وبعد مااختى قعدت تغمزلى كتير حطيت المبلغ سمعت بقى فاتحة وزغاريط وكل دة خايف اكسر بخاطرهم ولما روحت لقيت نفسى مخنوق ومتضايق ومش عاوز اكمل وقفلت بابى على وقلت اراجع نفسى يمكن لكن صحيت الصبح لقتنى بقوللهم انا مش هاكمل
المهم اضطرونى وقالولى كمل دا يبقى غدر..رديت وقولت من اولها احسن مانمشى شهر ولا شهرين ونيجى على اى حاجة ونفركشها
انتو شايفين اية انة يبقى غدر
وهل فى الجواز خواطر
ارجو الرد السريع
وشكرا

اخى الفاضل:
اولا اعتذر عن تاخر ردى وذلك لانى لم ادخل المنتدى الا اليوم الان تحديدا
ثانيا : بالنسبة لموضوع حضرتك
الزواج ليس به جبر خواطر لانك انت من ستعيش حياتك مع الطرف الاخر وليس الناس
ولكن ايضا التروى مطلوب
كم منا يرى فى حياته وحياة غيره من الافراد مثل هذه الزيجات التى تحدث كل يوم بنفس هذه الطريقة
ومنها الصالح ومنها الطالح كما يقولون
فممكن انت قلق نتيجة للضغط وما حدث فقط ولكن هذه الانسانة قد تكون خير لك
فاعطى لها فرصة
وقد تكون لاخير لك فيها وتكون انسانى غير صالحة ووقتها اتركها بالطبع بدون اى اعتبار لاحد
لانك انت من ستعيش معها بطباعها
فالزواج علاقة اجتماعية مشتركة من المفترض ان يعيشها الانسان كاملة لنهاية اجله مع شريك الحياة

لذا نصيحتى لك
صلى استخارة بتروى مرة اخرى الان
واعطى لهذه الانسانة ولنفسك فرصة صافية لتتعرف عليها عن قرب
قد تكون خير زوجة لك وتجد فيها الصفات التى تنشدها فى شريكة حياتك
اما اذا وجدت عكس ذلك يبقى ربنا مقدر انك تتركها بدون مراعاة لاى شخص
واولا واخيرا اعلم ان لا خاب من استشار واستخار
بالتوفيق باذن الله
وابقى طمنا دائما