ارجو المساعده (للفهم)

[احمد عبدالعال محمد]

المشاركة الأصلية كتبت بواسطة Mahmoud.Shaban

لو سمحتم انا نفسى اعرف ليه دايما القدرة (قدرة سياره مثلا ) بتكون ثابته يعنى ايه التفسير العلمى ان دايما حاصل ضرب اقصى قوة فى السرعه لسياره مثلا بيكون ثابت سواء كانت تسير على مستوى افقى او على منحدر

والله كلامك صح .. وانت إن شاء الله مشروع مهندس أو عالم كبير ( وابقى افتكر ! )، لو قدرة المحرك ثابتة ما كانش عملوا فى العربيات دواسة بنزين(accelatore) ، لكن للتسهيل فى الدراسة بنعتبر إن قائد السيارة داس على دواسة البنزين للآخر ، وأخذ من المحرك أقصى قدرته ، والقدرة هى معدل بذل الشغل بالنسبة للزمن أو حاصل ضرب القوة × السرعة ، والفرض بثبوت القدرة يقصد به أقصى قدرة ، ولكنك تستطيع أن تأخذ منه ما تحتاج فقط ولكن لن تزيد عن القيمة القصوى لقدرة المحرك
تقبل تحياتى .. احمد عبد العال