جروب 3 ثانوى ( علمى علوم )

[عبدالخالق حمدى سلامة]

المشاركة الأصلية كتبت بواسطة ahmed ali12345

انا جيت ارد وامشى لانى اتنرفزت
اولا الامتحانات لسة متعملتش لامها بتتعمل فى شهر 4 وبتخلص على اخر اربعة
ثانيا الوزير قال ان الامتحانات متوازنة يعنى فيه للطالب الضعيف والمتوسط والمتفوق زى كل سنة وان حبوا يزودوا فى اسئلة المتفوقين هتبقى حاجة بسيطة مش زى 2008 فيزياء خالص
ثالثا مفيش حاجة اسمها اتحاد طلبة كله كلام فاضى يعنى ايه رئيس الاتحاد يعرف ان الامتحان صعب ولا سهل مكانوا عطولوا الامتحان وخلاص
رابعا..حضرتك بلاش تخوف الناس لان محدش عالم الغيب والمذاكر هيحل اى حاجة
خامسا..4 ايام قدام الفيزياء من وجهة نظرى فترة قليلة جداا لانها مادة كبيرة ومحتاجة مراجعة كويسة وكل واحد بيقول رأيه
سادسا...ومتزعلش من كلامى بلاش لو سمحت تفرد عضلات حضرتك بأنك واخد مش عارف ايه من امريكا وانت رئيس الاتحاد...الخبر اللى انت جايبه صحيح بس انت مزود الحتة الاخيرة بتاعة عبدالخالق حمدى سلامة
سابعا..حضرتك كاتب انك من محافظة الدقهلية وبتقول دلوقتى انك من اسوان ادفو...
ثامنا... مع احترامى الشديد لحضرتك واضح ان درجاتك لا تدل على كل الكلام اللى بنقراه من حضرتك ربنا يكرمك ويزيدك بس ده رأيى ومتزعلش



وكلمة اخيرة
الامتحانات بتقيش مجهودنا + تركيزنا فى اللجنة
ابزلوا مجهود كويس فى الشهرين دول وركزا فى اللجنة هتلاقوا الموضوع سهل جداااااا
لان مفيش فرق بين واحد يجيب 50 وواحد يجيب 48 الا التركيز حتى لو السؤال صعب ممكن تتفزلق عليه وتعمل نفسك اينشنين وتعدى من السؤال
مثال...
امتحان الاحياء السنة اللى فاتت كتير جابوا 49.5 علشان قناة قالوب...لو كانوا ركزوا شوية كانوا ممكن يكتبوها 2 على اساس انه بيقول التركبيب مش المكان او المنطقة...
وسؤال الجدول كان سهل جدا واتكررر قبل كده فى امتحان 2004 ..حتى لو واحد مخدش باله من امتحان 2004 ..كان سهل انه يجاوبه لو معقدش الموضوع وقعد يلطم

امتحان الفيزياء السنة اللى فاتت
فيه ناس غلطت فى الكهربية وكانت مسأله فيها حبه خدعة هو انهم قالوا التيار هيلف فى ال3 مقاومات بالتوازى علشان نجيب فرق الجهد...
والخدعة البسيطة انهم اما يمشوا التيار عكسى او التيار هيعدى على المقاومة 2.5 بس من غير لف ولا دوران....من سهولة السؤال فيه ناس غلطت وزميلى جايب 411 بالمستوى وغلط فى دى من تفاهتها فدايما خدوا الحل الاسهل مادام ماشيين صح
امتحان المستوى مثلا
اللى غلط فى اعراب مرحيا وناس غلطت فيها على اساس انها جديدة
فكروا بالراحة كده
ايه الحاجات اللى بتتنصب؟؟
المغعول به ومعه والمطلق والتمييز والحال و....
تنفع تمييز لالا...ولا حال
يبقى اما مفعول به او مطلق
طيب مفعول به ازاى.؟؟ فين الفاعل والفعل؟؟
طيب مفعول مطلق تعالى نجرب
رحب...ترحيبا....مرحبا....ااه ده مصدر ميمى
يبقى خلاص هى مفعول مطلق

وخدوا على كده كل الاسئلة اللى الناس بتشتكى منها ومتحاولوش تعقدوا الموضوع على انها ثانوية ولو السؤال جديد يبقى مستحيل والكلام العبيط ده
ربنا يوفقنا كلناااااااا

اولا سورى لو انا اللى نرفزتك بس احب اقولك انى الامتحانات اتحطت من شهر 2 معلش احنا دايما بنصحى فى الاخر ثانيا مش هقولك انا... المفروض ان أمين اتحاد الطلبة بيكون عارف مستوى الامتحان برضوا زيه زى الوزير ومن امتى الوزير ماقالش ان الامتحان فى مستوى الطالب المتوسط او الضعيف حتى وفى نقطة واحدة للطالب المتميز ارجوك بلاش ندى امل زيادة عن اللزوم ومين مابيذاكرش بس لما بنغلط بنعرف غلطنا بعد الامتحان يعنى الامتحان بعد مابيخلص بنفكر فى الكلام اللى سيادتك قولتوا وبعد كدة لسة نحن فى انتظار كلمة الوزير النهائية واخيرا كلامى اللى انت شايفه مايعجبش وطبعا كل واحد وليه وجهة نظر بس ده لأنى بحب اتكلم بصراحة وانا مواليد الدقهلية بس مقيم بمحافظة أسوان إدارة إدفو
تقبل كامل شكرى واحترامى لك

[Toqa Taha]

المشاركة الأصلية كتبت بواسطة عبدالخالق حمدى سلامة

اولا سورى لو انا اللى نرفزتك بس احب اقولك انى الامتحانات اتحطت من شهر 2 معلش احنا دايما بنصحى فى الاخر ثانيا مش هقولك انا... المفروض ان أمين اتحاد الطلبة بيكون عارف مستوى الامتحان برضوا زيه زى الوزير ومن امتى الوزير ماقالش ان الامتحان فى مستوى الطالب المتوسط او الضعيف حتى وفى نقطة واحدة للطالب المتميز ارجوك بلاش ندى امل زيادة عن اللزوم ومين مابيذاكرش بس لما بنغلط بنعرف غلطنا بعد الامتحان يعنى الامتحان بعد مابيخلص بنفكر فى الكلام اللى سيادتك قولتوا وبعد كدة لسة نحن فى انتظار كلمة الوزير النهائية واخيرا كلامى اللى انت شايفه مايعجبش وطبعا كل واحد وليه وجهة نظر بس ده لأنى بحب اتكلم بصراحة وانا مواليد الدقهلية بس مقيم بمحافظة أسوان إدارة إدفو
تقبل كامل شكرى واحترامى لك

طيب اقول حاجة بس الوزير بيقول كده والامتحان بيجى كده فعلا ولا انا مش فاهمة
لو مش فاهمة وضحىلى
طبيعى انه يكون فيه ال3 مستويات لانك بتتعامل مع مستويات كتيرة جدا ع مستوى الجمهورية لازم تدى لهم ع الاقل درجة النجاح ولا انت ايه رايك؟؟؟؟؟
واحب اقولك حاجة ودى وجهة نظر تقبلتها يبقى شئ كويس لم تتقبلها برده شئ كويس
اولا انا من راي ان التةقعات بتضر الطلبة لانه هيركز عليها بس وهى فيها نسبة كبيرة انها متجيش خالص وده حصل السنة اللى فاتت ان انا وكل المدرسين ف البلد بتاعتى كنا بنتعامل ان ادب الاندلس هو اللى هيجى ومفيش غيره وكل مرة مدرس يقول كده فيزيد تاكدنا وف الاخر جه حاجة م الشعر العباسى جملة واحدة بس او جملتين تقريبا الاجابة هو صحيح اجه من ادب الاندلس ولكن مش المتوقع خالص
ثانيامع احترامى لا يعلم الامتحان الا واضع الامتحان فما بالك بقى بامتحان ع مستوى الجمهورية كلها

[عبدالخالق حمدى سلامة]

المشاركة الأصلية كتبت بواسطة toqa taha

طيب اقول حاجة بس الوزير بيقول كده والامتحان بيجى كده فعلا ولا انا مش فاهمة
لو مش فاهمة وضحىلى
طبيعى انه يكون فيه ال3 مستويات لانك بتتعامل مع مستويات كتيرة جدا ع مستوى الجمهورية لازم تدى لهم ع الاقل درجة النجاح ولا انت ايه رايك؟؟؟؟؟
واحب اقولك حاجة ودى وجهة نظر تقبلتها يبقى شئ كويس لم تتقبلها برده شئ كويس
اولا انا من راي ان التةقعات بتضر الطلبة لانه هيركز عليها بس وهى فيها نسبة كبيرة انها متجيش خالص وده حصل السنة اللى فاتت ان انا وكل المدرسين ف البلد بتاعتى كنا بنتعامل ان ادب الاندلس هو اللى هيجى ومفيش غيره وكل مرة مدرس يقول كده فيزيد تاكدنا وف الاخر جه حاجة م الشعر العباسى جملة واحدة بس او جملتين تقريبا الاجابة هو صحيح اجه من ادب الاندلس ولكن مش المتوقع خالص
ثانيامع احترامى لا يعلم الامتحان الا واضع الامتحان فما بالك بقى بامتحان ع مستوى الجمهورية كلها

الله ينور على سيادتك
اولا انا بقول توقعات علشان ماحدش يركز عليها اوى ويسيب المذاكرة دى مجرد توقعات ثانيا كلامك كله مظبوط وانا معاك فيه ثالثا انا بقول انى عارف مستوى الامتحان مش الامتحان بس المشكلة انى عارفه قبل مالوزير هيقولوا ياريت تكون المعلومة وصلت للجميع
مشكور سيادتك على ردك الذى كان له قيمة فى نفسى

[Toqa Taha]

المشاركة الأصلية كتبت بواسطة عبدالخالق حمدى سلامة

الله ينور على سيادتك
اولا انا بقول توقعات علشان ماحدش يركز عليها اوى ويسيب المذاكرة دى مجرد توقعات ثانيا كلامك كله مظبوط وانا معاك فيه ثالثا انا بقول انى عارف مستوى الامتحان مش الامتحان بس المشكلة انى عارفه قبل مالوزير هيقولوا ياريت تكون المعلومة وصلت للجميع
مشكور سيادتك على ردك الذى كان له قيمة فى نفسى

طيب لو ع مستوى الامتحان صدقنى كل طلبة مصر عارفة مستوى الامتحان جزء منه للطالب الضعيف وجزء للمتوسط وجزء للمتفوق ولكن تختلف النسب بس

[عبدالخالق حمدى سلامة]

المشاركة الأصلية كتبت بواسطة toqa taha

طيب لو ع مستوى الامتحان صدقنى كل طلبة مصر عارفة مستوى الامتحان جزء منه للطالب الضعيف وجزء للمتوسط وجزء للمتفوق ولكن تختلف النسب بس

بس هو ده اللى انا بقوله مش اكتر ان فى اسئلة هتكون ممتعة للطالب المتميز اما التوقعات فدى هتكون من مستشارين المواد واهى مساعدة برضو
اسعدنى ردك