جروب 3 ثانوى ( علمى علوم )

[shymaa mouhamed shoman]

المشاركة الأصلية كتبت بواسطة yolanda

علي فكرة أنا عملت جدول و مشيت عليه فترة كان المفروض انه يخلص علي نص خمسة أو قبل كدة بس بعد كدة أكتشفت إن أحسن طريقة للمراجعة حل أمتحانات السنوات السابقة بس مش مجرد حل : هيكون حل و مراجعة في نفس الوقت

يعني كل سؤال مثلاً تراجع الجزء الخاص بيه في كتاب المدرسة (حوالي نص صفحة أو حسب الحاجة )

و بالطريقة دي هتحل أمتحانات و تراجع النظري و المسائل و الرسومات و التجارب و في النهاية ممكن تخلي يوم لكل مادة تلم فيه المادة بعد لما تكون شربتها تماما لأن كل أمتحان بيعدي علي لمنهج كله و في حاجات كتير بتتكرر و هي دي أحسن حاجة!

ملحوظة :

1_حاول تخصص لكل مادة ساعة أو ساعتين في اليوم حسب كمية المادة أو حتي ثلاث ساعات للفزياء مثلاً عشان حل المسائل و تذاكرة حوالي خمس أو ست مواد في اليوم

2_بعد لما يخلص الوقت المخصص للمادة اتأكد إنك راجعت خمس صفحات في الفزياء و الأحياء مثلاُ و صفحة واحدة في الفلسفة و المنطق و ثمانية صفحات في الأدب و النصوص علي بعض و هكذا

3_طبعاً النجليزي بره الموضوع بس أنا براجع يونت يوم و يوم و ممكن تاخد مني ساعتين مثلاُ (القواعد و الكلمات و حل التمارين المهمة من كتاب الوزارة و الورك بوك و أي كتاب تاني تثق فيه غير الإضافات الموجودة في الكتاب الخارجي طبعاً)

4_قصة الأيام مينفعش تتراجع بالطريقة دي عشان لو حليت كل الامتحانات هتلاقي الجزء الثاني و الثالث نادرين جدا غير ان فيه فصول عمرها ما جت في الامتحانات السابقة عشان كدة من الأفضل تراجعها لوحدها (أنا براجع حوالي فصل أو سبع صفحات عموما كل يومين يعني يوم و يوم لأ)


5_أهم حاجة في الموضوع إن الامتحان يكون معه إجابته النوذجية و تقريبا كل المواد امتحاناتها متوفرة بالاجابات ماعدا الانجليزي و الفلسفة بالنسبة و حاليا بدور علي أي كتاب أو موقع فيه الاجابات النموذجية

6_و حاجة أخيرة أنا مكنتش مقتنعة بحل الأمتحانات إلا بعد المراجعة خصوصا إن أنا مكنتش براجع طول السنة و مش فاكرة أي حاجة من المنهج و النص الأول بالذات بس بعد لما بدأت مراجعة بأسبوعين كدة يمكن أقل أو أكتر حسيت إن حل الأمتحانات هو أحسن طريقة للمراجعة و تثبيت المعلومات غير إنه أقل ملل و أكثر متعة و تمرين علي إمتحان أخر السنة

معلش عشان أنا طولت أوي بس هي ده وجهة نظري و طريقتي في المذاكرة و كمان لما بدأت أحل امتحانات خوفي قل جداً عن الأول و اطمنت إن الامتحانات حقيقي في مستوي الطلاب و مفيهاش أي حاجة زي ما بيقولوا ( مع العلم إننا لسه في أول أو تاني أمتحان في كل المواد لأن المراجعة أثناء الحل بتاخد وقت بس بعد وقت طويل أو قصير هيكون الحل أسرع و هكون خلاص راجعت معظم المنهج )

يا ريت تقول لو فيه أي ملاحظات مفيدة أو رأي أخر
و يارين الناس الي أخدوا السنه الي فاتت أحياء يقولوا لنا رأيهم و نصايحهم ...!

تسلمى بجد على الكلام ده انا اشتغلت النظام ده السنة اللى فاتت فى العربى وكان حلو جدا
بس الاحياء كنت براجع الفصول اكتر و برضو كنت بحل امتحانات واللى يقف قدامى ارجعله فى الكتاب
الطريقة دى جميلة بس مش تنفع فى الفيزيا على ما اظن لان الفيزيا فيها جزئيات كتيرة محتاجة تتراجع الاول ولا ايه رايكم

[yolanda]

المشاركة الأصلية كتبت بواسطة shosho shoman

تسلمى بجد على الكلام ده انا اشتغلت النظام ده السنة اللى فاتت فى العربى وكان حلو جدا
بس الاحياء كنت براجع الفصول اكتر و برضو كنت بحل امتحانات واللى يقف قدامى ارجعله فى الكتاب
الطريقة دى جميلة بس مش تنفع فى الفيزيا على ما اظن لان الفيزيا فيها جزئيات كتيرة محتاجة تتراجع الاول ولا ايه رايكم

حتي الفزياء ممكن تمشي بالنظام دة

أنا في الأول كنت براجع عادي و محلتش أي امتحانات بس بعد لم خلصت الجزء الأول من الفزياء (أكتر جزء منسي) أطمنت إني أحل أمتحانات و كل سؤال عادي هراجع النظري بتاعه و في نفس الوقت هحل مسائل الامتحانات الي تعدي عليا صعبها و سهلها و بعد لما أخلص حل قررت إني أحل مسائل كتاب المدرسة عشان مهمة و بتيجي في الامتحانات أغلبها ...

و ربنا معك ...