هو مرسي عمل ايه !!!

[مستر الادهم]

لمحبي نظريات المؤامرة الكونية والهري السياسي ... نقدم لكم:
سيناريوهات تعيين بجاتو وزيرًا
سيناريو 1 : مرسي حب يدي شلوت لفوق لبجاتو ويخرجه من مفوضية المحكمة الدستورية
سيناريو 2: مرسي عمل صفقة مع القضاة وبموجبها عين واحد من رجالتهم في الحكومة عشان ميطلعش إلا القوانين اللي ترضيهم
سيناريو 3: مرسي عين بجاتو عشان يظبط القوانين اللي خارجة من الحكومة عشان المحكمة الدستورية متقدرش ترفضها تاني
سيناريو 4: مرسي عرف يفرق بين القضاة ودلوقتي بيكافئ جزء منهم ويعادي جزء منهم بسياسة فرق تسد ..
سيناريو 5: بجاتو ربنا هداه وبقى أخوان ومرسي عايز يستعين بكفاءته سيرًا على السنة زي ما حصل مع سيدنا خالد بن الوليد
سيناريو 6: وده السيناريو المفتكس بتاع حازء عبد العظيم أن بجاتو أصلا أصلا ... أخوان ))) بس كان عامل حركات وكده
سيناريو 8: ده أصلا مش بجاتو. ده المستنسخ بتاعه بعد ما الأخوان ***وا بجاتو وعملوا منه نسخة وبيفكروا دلوقتي يستنسخوا البرادعي
سيناريو9:بجاتو الكائنات الفضائية خطفته ودخل دوامة زمنية ورجع بعد ما شاف أن الأخوان هم اللي هيكسبوا في النهاية فقال أبقى معاهم
مع ملاحظة أنه يمكن خلط سيناريوهين أو أكتر حسب رغبتك ) يعني ممكن الكائنات الفضائية خطفته وربنا هداه في نفس الوقت
واللي بيسأل عن السيناريو رقم 7 .... دا السيناريو الخفي ومكتوب بالحبر السري عشان السرية وكده
وإلى اللقاء مع تعيينات وقرارات جديدة للرئيس مرسي تُدخل المعارضة والمؤيدين على السواء في دائرة الهري والولولة ورد الفعل حتى ينتهي الرئيس من خطوته