|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
23-05-2013, 11:44 PM
|
|||
|
|||
رداُ على قصيده هشام الجخ التى هاجم فيها الإخوان
رداُ على قصيده هشام الجخ التى هاجم فيها الإخوان ( مسيو / إسماعيل )
.................................................. ............ يا جخ يا اللى انت فى الشعر عاشق وولهـان بعت قلمك ليه بالرخيص ؟ وقولت عنى جبان خدعتنا بجحا والتأشيرة وبهرتنا بتلت خرفـان راح أقولها بأعلى صوت أنا إخوان كمان وكمان إسأل عنى السجـــون , والضرب والتعـــذيب ده الحرب لما نادت للجهاد ,عمرى ما كنت بغيب جاى انت يا إبن إمبارح , تقول كلام وتعيـب بتشتم فى اللى بيبنى وساكت عن التخريـــب عايم مع الموجه , وفرحان باللمه والهوجه خلاص شتيمتنا بقت نسخه للنشر والتعميم معذور يا جخ لأنك أعمى كمــان وصميم مشفتش إنت البنا برسايله وكلامه العظيـم ولا روحت يوم القدس مع كتائب عز الدين سمعت انت فى يوم عن شيخنا أحمد ياسيـن آخرك تقعد فى حفلة , وعن نانا تحكى بيتين عـن مرسى ححكى وأقـول أنه رئيسى ورئيسك مهما عليه حتقول, خلاص مبخدشى من تهجيصك ياللى انت كنت زمـان فى الشعر قالوا هاويسك لو يوم تفكر مره , تكتب عنى وعن أخوانــى خلاص يا جخ فضيتلك وفى الشعر حبقى حبيسك ما أنت لأدب الشعراء , قفلت خلاص بابـك وللوقاحة والشماتة , فتحـت يا عينى كيسك عمرى ما يوم فكرت أنى بشعرى أعدى عليك وأدوس ده الشعر عندى رسالة , تقدر تداوى نفوس لكن , لو قرش بدل كلمتى , أو حد غير فكرتى ساعتها ححرق صفحتى , ملعون أبوها فلوس حختم كلامى بأحلى كلمتين , كتبتهم عنــوان ودافعت عنهم سنين فى كل مكان وزمـــان بحب مصر كتير , كمثل حبى للإخوان أوعى فى يوم بشعرك تهين إنســان عشان ساعتها حأكتب وأقول ألحان زى ما قالوا زمان حكمة مكتوبة ع الجدران ما يهينشى أبدا كريم إلا شخص جبــان ... مسيو / إسماعيل خضر بتاريخ 14-5-2013 
|
|
#2
24-05-2013, 09:50 AM
|
|||
|
|||
جزاك الله خيراً
جخ مين ! الشعراء يتبعهم الغاوون جخ مين ! تلاقية فى كل حفلة وبرنامج المهم الشهرة والدولارات
|
|
#3
24-05-2013, 10:36 AM
|
||||
|
||||
|
بقا جاى تعيب الجخ وتقوله انه جبان
وتهتف للريس وتمجد فى الاخوان وعامل ان كل معارض للنظام جبان وجاى تحكى تاريخ من زمان ***** واهانة جوا سجون النظام يرحم الكتاتنى لم كان مذلول لعز ولا المرشد الى قال نعم لجمال ولا ايديكوا الملوثة بدماء السادات اتعذبتوا فى سجون العسكر لانكم جبناء ولو ناسى افكرك بالميدان فاكر يوم 27 لما قولتوا على اللى فى التحرير مجانين ولا فى محمد محمود ومجلس الوزراء تحبوا افكركوا بجبنكوا لو كنتوا ناسيين فاكرين دماء عفت اللى لدمه بايعين ولا علاء عبد الهادى وكل الراحلين سجلتهم فى الدفاتر مجرمين لو فعلا مرسى رئيسك بيصلح فى البلاد مكانش الشعب اتمرد واتخنق من الاخوان لو فعلا ماشى بما يرضى الله كان ربك حبب فيه العباد خلاص اجزمت انه خد فلوس وبكلامك اللى هو رسالة على سمعته بتدوس انته شفته بياخد فلوس هو لا عمره كان اخوان او حتى شيخ طول عمره ثورى يا سعدة البيه لو كانت المعارضة بتاخد فلوس مكانش الشعب مات من الجوع اصحى وفوق وبلاش خداع قبلك مبارك عملها وباع باع الشعب وباع الحرية باع الاوهام للبيوت المصرية وانتوا بتبوع الاحلام الوردية بلاش تخَون او حتى تخُون لا انت احسن منى ولا فى يوم هتفوز كفاية تطبيل للسلطة وفوق مه لو كان ابنك ضحية عمرك ما تطبل للحرمية ربك حميك وكافيك من خبره اوعى فى يوم تخون عباده واوعى تقول عليا جبان كنت قبلك واقف فى الميدان واخر كلمه للنظام خان... يخون... هما الاخوان
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر
|
|
#4
24-05-2013, 01:57 PM
|
||||
|
||||
|
قال تعالى :
((لا يسخر قومٌ من قومٍ عسى أن يكونوا خيراً منهم ولا نساءٌ من نساءٍ عسى أن يكنَّ خيراً منهن)) صدق الله العظيم فالخلاف فالرأي لا يفسد للود قضيه وكل منا ينظر للأمور من وجهه نظره هو ومن زاويه تختلف عن الآخريين فلكل منا ارائه الخاصه ومعتقداته ووجهات نظره التي يؤمن بها ولكل منا الحق فالتعبير بحريه بشرط عدم التجريح في أحد إذا فلنحترم آراء الآخرين، فكما أننا نرى أنفسنا على صواب، فإنهم يرو أنفسهم أيضاعلى صواب تحياتي لك استاذ اسماعيل ولقلمك كل التقدير والاحترام تحياتي للمبدع منير ولكلماته الرائعه تقبلوا مروري
__________________
النار لاتحرق الا رجل واطيها اللهم انى اشكو اليك ضعف قوتى و قلة حيلتى و هوانى على الناس انت رب المستضعفين و انت ربى
آخر تعديل بواسطة مـــــلك ، 24-05-2013 الساعة 02:00 PM
|
|
#5
24-05-2013, 02:01 PM
|
|||
|
|||
|
اقتباس:
السلام عليكم
استاذنا الفاضل لا حجر فى الاسلام على الابداع واليك أهمس ان الاية التى ذكرتها تهدف نوعا واحدا من الشعر لا كل الشعر ولا كل الشعراء وانتظر تحيلا لقصيدة كعب فى هذا القسم تحياتى
__________________
إن طالت أو قصُرت ، إن زانت أو شانت ؛ هي دُنيا وستنتهي .. 
|
|
#6
24-05-2013, 02:01 PM
|
||||
|
||||
|
ياللى بتشتم فى الاخوان
واعمل فيها فنان يا اللى بتعيب فى ناس فى صدورها شايلة القرآن عايز تعرف قدرهم عايز تشوف سمعهم اسأل لو كنت زيهم اى واحد سجان كانت سياط الجبان فوق ظهره تغنى وانتى عاييش فى حلمك او عايش فى التوهان ياللى بتشتم فى الاخوان اعرف قدرك وقدرهم هتشوف حجمك وسطهم لكن علشان تكون مثلهم ده مش فى الامكان ناس اتعذبت كتير وات***ت كتير واتحملت الكتير وجاى تقول كلام من غير ضمير اسمع يا فنان الاخوان هم الاخوان مش بيقبولا التوهان ولا أحلام الصبيان دى ناس بتخدم دينها مش منتظرة كلامك لكن منتظرة عفو الرحمن سوف يبقى الاخوان لكل الناس أركان سوف يبقى الاخوان مهما مر الزمان كلامى بصيغة العام وليس موجه لشخص معين تحياتى آخر تعديل بواسطة أبوبسملة ياسر خليفة الطحاوى ، 24-05-2013 الساعة 02:04 PM
|
|
#7
24-05-2013, 02:50 PM
|
||||
|
||||
|
والمظلوم عمره ما هيبقى جبان
واللى داق الظلم عمره ما يظلم انسان كانوا فى السجون وشاهدين مش هنكر حقيقه شاهد عليها الملايين بس ازاى اللى داق الظلم يظلم لو مش شايف ظلم يبقى لازم تفوق انزل اسال فى الشارع العباد اسال اى واحده ابنه مات سواء فى قطر او حتى فى مظاهرة اسال فى كل البلاد على الاهمال اسال فى مصنع فين العمال لو لقيت عمال يبقى اتاكد ان دى احلام متقولش الاخوان باسم الاسلام وانهم جايين حافظين القران اللى فاهم القران هيحكم بيه مش يحلل ويحرم ويتحكم بيه الاخوان فاشلون وكاذبون ومجرمون مهما تقول او حتى تعيد فمكانهم الطبيعى فى السجون متزايدش على حبى لوطنى انا من زمان وانا شايل كفنى ودمى اللى سال بيرسم ارضى وبيحدد طريق الحرية فى وطنى انا لا اخوان ولا فلول ولا كنت لنظام دلدول حتى لو ايدت اشخاص فانا ايدت فكرة مش هتموت فكرة انى واحد من الشعوب اللى بتعانى من الظلم والضغوط وبيبعد عن السياسة بالهروب متفتكرش انى ناشط سياسى او حتى بفهم فى السياسة لا انا مش بهتم بالقذارة ايوه هى سياسة وقذارة مش انا اللى اشمت فى اخويا اللى مات مهما كان اختلاف الفكر والكلام انا مصرى حر عاشق ترابها حالف بحياتى لارجع شبابها ويشهد علىا اللى ماتوا فدائها لو انت اخوان او مؤيد لمرسى وفرحان ان الاخوان قاعدين ع الكرسى اعرف ان الكرسى لامثالك مش هيدوم لانا عبد ولاكنت في يوم مجنون ومهما قولت عليها او خونتنى او حللت دمى واهنتنى عمرك ماهتحب مصر زيي
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر
|
|
#8
24-05-2013, 02:57 PM
|
||||
|
||||
|
الناس دى عملت ايه
علشان الكل يهين الناس ده لسه جايه وراها هوم ملايين بتقول باعلى صوتهم مكانهم جوه سجون و حكم ده اللى بتقوله على اي اساس بنيته على اساس ان دول ناس حاملين القرآن بالكدب على اساس ان دول ناس همها الـــقــتـــل والجلد لو كنت بتحب مصر كنت سبهم يعملوا سيبهم ينتجوا سيبهم يخلصوا عمرك ما كنت مصرى زيهم ولا اتحملت نصفهم ولا تبقى مثلهم لانهم فعلا احرار مهما اشتد التيار هيفضل الاخوان فى وجه الظلم اعصار اسأل اللى كانوا قبلك اللى خلو مصر دمار اللى باعوا مصر ارضنا باعوها بابخس الاثمان لكن فى زمنك يا مرسي تعود كرامة الانسان فى زمنك يا مرسي وتحت رايه الايمان سنحلف ان مجدنا بدانا نعيده كلنا ولو مكونتش شايف الذنب مش ذنبنا آخر تعديل بواسطة أبوبسملة ياسر خليفة الطحاوى ، 24-05-2013 الساعة 03:00 PM
|
|
#9
24-05-2013, 03:10 PM
|
||||
|
||||
|
فعلا عملوا كرامة
اسال اللى اللى فى سجون فين الكرامة مه زى ما الاخوان شافوها لازم يوروا الشعب الاهانة انت بتقول انه بيصلح فى الكون وان الشعب معاه وربنا يعون لا صدقنى انا مش مجنون لو كنت ناسى افكرك بالهموم مسالتش نفسك كام طفل بيموتوا بسبب الكهرباء ولا سالت نفسك عن القطار واللى بيموتوا فيه ولا اللى مش لاقى لقمة حتى تكفيه وعمال يشحت من هنا وهناك وصورتنا كل يوم فى العالم بتتهان رئيس طرطور ووزير هيجان قولى عمل ايه للاسلام غير انه اهان صورتة وسط الاعلام وصورت مصر ماتت من زمان بدافع عن القاتل وبتتهم المقتول وبتتهم اللى بيصرخ انه عايش مذلول يبقى لازم تعرف الاول ايه هى الحقوق قبل ماتدافع عن شخص مهزوز بامر من المرشد بي*** فى الشعب اسال اللى متوا واباحوا الدم حقى فى البلد دى مش هسيبه غير لما كفنى من ع الارض تشيله
__________________
انا اللى لما بجوع بعنيكى بتصبر
ميغركيش العدد والله انا اكتر انا اللى مش اخوان وانا اللى مش عـســكر
|
|
#10
24-05-2013, 03:26 PM
|
||||
|
||||
|
اللى قطع الكهرباء كان مرسي
وهو قاعد الكرسي ونسينا ان الكهرباء اتباعت فى ايام الهالك حتى الكهربا والذل بقيت على دماغك يا مرسي الله يساعدك يا ريسنا على العقول اللى تعبتنا ميعرفوش ان المستشفيات جابت حاجة اسمها مولدات بتحارب يا مرسي ضد تيار لكن باذن ربك منصور منصور على ناس مهزوزة منصور على ناس لنفسها مش معزوزة منصور لانك بتنحت فى صخر لناس عشقت الذل طبلة وزمارة تلمهم ورفع عصايا تجريهم احنا عشقنا العصا لان الجبن عشش جواننا لكن نحب الكرامة ازاى ؟؟ دى تبقى اهانه يا مرسي يا ابو الادب انت شخص اصيل امشى فى طريق مشوارك كلنا معاك الا ذليل احنا قبلنا بيك وبروحنا هنفديك ومهما يحاول البشر يا مرسي حياتنا ليك يا مصر حياتنا ليكى خلى كفوفك متحنية خلى دموعك منسية جالك رئيس محترم لكن نفوس الذل غبية
|
|
#11
24-05-2013, 11:12 PM
|
||||
|
||||
|
احترامى لفكرة الشاعر و قوة القصيدة
لى تعليق اخر لبعض الافاضل الذين علقوا مع كل الاحتراااااااام للذين علقوا ولكن الشاعر يضع قصيدته و ينتظر تفاعل الجمهور مع القصيدة و حتى ان كانت وجهات النظر محتلفة فما كان لنا ان نترك القصيدة الاصلية لنتبادل السجال فى بيت اقصد مكان صاحب القصيدة اعتذر ان انا أسات التعبير للجميع تحياتى
__________________
حكمتُ بقلبى فما دلّنى سواء السبيل فكان الخطر
حكمتُ بعقلى فكنت الذى يحاول باليد قبضَ الشّرر
|
|
#12
24-05-2013, 11:56 PM
|
||||
|
||||
|
حلو النفاس ده
بس مش هبدي رأيي ( لأنه لن يفيد يشيء ) فالصمت سبيلي للتعبير عن رأيي بس بجد موضوع جميل وقصائد جميلة بغض النظر عن هدفها
__________________
The End
not receiving messages , The Membership disrupted
|
|
#13
25-05-2013, 02:29 AM
|
|||
|
|||
|
واضح ان قصيدتى أصابت بعض الأبدان
بمغص وألم ووجع مع بعض الغثيان لم أنتظر من ردودكم إلا شكر واستحسان أو نقد بناء , أشكر صاحبه بكل امتنان جاءنى شاعر هائم بالشعر وولهان شعره جميل , وأسلوبه عظيم الشان لكنه انتقدنى بل وانتقد كل الاخوان واتهمنى بالخيانه واتهم كل من كان مع احترامى لشعرك وأسلوب الشجعان فانت لم تعرف يوما ما معنى كلمه أخوان لم تذق يوما فى السجن تنام مهان وتتحمل العذاب ولا تنطق للحاكم بكلمه استحسان اقرأ عن سيد قطب كيف عدمه الطغيان من أجل الحق والشريعه ضحى بالأبدان وان كتبت الشعر أحكى عن حسن البنا أو عن رجال صرخوا عندما فضل غيرهم الكتمان لن تكفى سطور شعرى وصف وامتهان سأكتفى بما استقر فى قلبى واستكان فقد قطفوا للحياه زهره من كل بستان ولا أنسى أن أشكر أبو بسمله ياسر خليفه الطحاوى مع حفظ لقبه , وقدره على ما قدمه من حكاوى قص فيها جزء من الحقيقه وحاول بها أن يداوى جروحاً , وضوعها على الاخوان وأضافوا المساوىء كما أخص بالتعليق وكل الامتنان والترحيب والشكر الاستاذه كناره الحب الحزينه , وعضوتكم شيماء بكر ....................................... تحياتى مسيو / إسماعيل خضر ..
|
|
#14
25-05-2013, 10:32 AM
|
||||
|
||||
|
أشتم وألعن في الإخوان
قول لرئبسك إنه جبان خون أهلك .. عذب نفسك .. عمر العاصي ما يبقى إمام أعمل شلة .. وجهز قعده .. يمكن بكرا تكون قبطان أو قضبان !! يمشي عليك الشعب الحافي يقطع برجوله الأحبال .. أحبال صوتك اللي بتنده عالصلبان منتش عارف .. حكمة ربك فين هتبان أشتم مرسي .. وأعمل ثوري .. مش معناها إنك إنسان قول يا مبارك قول يا جمال قبل الثورة كنت أنا ساكن .. لافف داير كل مكان عمرك ما سمعنالك صوت .. أو حتى قلت أنا تعبان لما يجيلك حاكم عادل حافظ ربه بالقرآن تيجي تهرتل .. تسخر منه .. وعامل فيها أنك سكران أيوا يا صاحبي أنت المتهان كل العالم عارفك حافظك .. كنت بحبك .. بس خلاص أصبحت جبان أوعاك تزعل .. كنت بهزر .. هفضل أقولها في كل مكان أنا عمري ما هجيت أخوان أو حتى بقيت أخوان !! أنا مسلم بالعدل أنا بكتب .. بكره حاجة أسمها طغيان إسأل عني قبل الثورة وبعد الثورة في كل مكان بص يا صاحبي توك فايق كنت بقولك أنت حمار !! لمؤغذا إن خرج اللفظ من الإنسان بس أديك مسلم ومُسالم عارف ربك لما شبه كل جبان أيوا ذكرها في القرآن لما كلام الحق يقولك كمثل الحمار يحمل أسفار معنى يهودي حامل دينه جوا القلب ورغم العز عامل سكران أو مش فاهم معنى رسالة .. يبقى بجد حمار .. أه حمار تيجي يا مسلم تعمل زيه وتنسى صلاتك .. تشتم ربعك.. وتقولي بتلعب في ؟؟؟؟ك عمر النار ما هتحرق مؤمن صلى وذكى .. وضحى بروحه عشان نتصان أفتح حضنك للسجان ولا أقولك أطلع فوق المدنه وأنده قول يا مباااااااااااااااااارك قول يا سوزاااااااااااااان يمكن فل بمطوة يغزك وساعتها هقول أنا حمار أسف على الأسلوب ولكن هذا ما إستدعانا إليه من أساءوا شاعرنا العظيم كتب فعبرت ولكل منا وجهة نظره ولكل منا أسلوبه في إنتظار جديدك تقبل مروري ولك خالص تحياتي
__________________
عندما تنتحر الحريات تعجز الديمقراطية عن عمل عزاء للشرف .
|
|
#15
25-05-2013, 10:57 AM
|
|||
|
|||
|
فعلا عملوا كرامة
اسال اللى اللى فى سجون فين الكرامة مه زى ما الاخوان شافوها لازم يوروا الشعب الاهانة انت بتقول انه بيصلح فى الكون وان الشعب معاه وربنا يعون لا صدقنى انا مش مجنون لو كنت ناسى افكرك بالهموم مسالتش نفسك كام طفل بيموتوا بسبب الكهرباء ولا سالت نفسك عن القطار واللى بيموتوا فيه ولا اللى مش لاقى لقمة حتى تكفيه وعمال يشحت من هنا وهناك وصورتنا كل يوم فى العالم بتتهان رئيس طرطور ووزير هيجان قولى عمل ايه للاسلام غير انه اهان صورتة وسط الاعلام وصورت مصر ماتت من زمان بدافع عن القاتل وبتتهم المقتول وبتتهم اللى بيصرخ انه عايش مذلول يبقى لازم تعرف الاول ايه هى الحقوق قبل ماتدافع عن شخص مهزوز بامر من المرشد بي*** فى الشعب اسال اللى متوا واباحوا الدم حقى فى البلد دى مش هسيبه غير لما كفنى من ع الارض تشيله بجد روعه ياغالى استمر وابدع
__________________
 ولما قلبى إداكى قلبى ياحته منىرجعتلى بسمه كانت رقيقه ضايعه منى 
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:35 PM.
