الازهر يطبق الحد الادنى

[ايهاب حسين علام]

المشاركة الأصلية كتبت بواسطة أ/مصطفى محمود

و ما رأي حضرتك في تأخر المرتبات عن التربية و التعليم ( أقل من نظرائنا في التربية و التعليم)
طيب بلاش دي >>>طيب ايه رأي حضرتك>>في تأخر الترقيات عن التربية و التعليم
طيب طيب ايه رأي حضرتك لو انت معلم مواد غير ازهرية ( رياضيات - انجليزي-......) اخر ترقاياتك بعد طلوع الروح هو وكيل مدرسة ، و لو حصلت على اعلى الدرجات العلمية هتلاقي زميل لك شرعي هو رئيسك في العمل و قد لا يمتكل مهارة الادارة المدرسية...
طيب بلاش دي >>>طيب ايه رأي حضرتك في اننا لسة مخلصين امتحانات نقل الاعدادي و الثانوي و يدوب بنقول يارب طلعنا امتحانات شهادة الازهر ( يعني مفيش اجازة عندنا شغل في ساقية)
و مكافأة الامتحانات زيكم بالظبط....لا نسيت اقول حضرتك
انت هتاخد المكافأة السنة دي على اساسي 1/5 ( 200 يوم كاملة ) و احنا اخدنا 100 قبل كده على الاساسي القديم و مش هنحصل على الفروق...يعني حتى المكافأة السنة دي اقل
طيب بلاش دي >>> في امتحانات الثانوية العامة رجاءا قول بتاخد كام بدل سفر ، و كام مكافأة اليوم ( 14% ) و لا 7% زي حالتنا....
و كام يوم ( احنا ما شاء الله شهر و شوية ) و كل يوم بعيد عنك
و مش لجنة واحدة و ده ممكن يوصلوا لـ 3 لجان يعني تخلص على العصر كده
طيب بلاش دي >>>في التصحيح كيف يتم حساب ورقة الاجابة ( سعرها ؟)

ايه رأيك في المساواة؟؟؟

و لو عند رأيك انا مستعد ابدل معاك الدرجة
قول الحمد لله على االي حضرتك فيه ،،
و بعدين لو مشكلة الثانوية العامة اعتذر عنها عادي بدون مشكلة
لكن احنا عندنا عشان تلاقي جواب مراقبة تبقى مصيبة ، و لو نفسك تعتذر تبقى مصيبتين
لأن العملية ليست شفافة في القبول و الاعتذرات مثل التربية و التعليم التي حددت كل شئ
و لن أقول لك عن التعليم نفسه و مصيبة اداارت الازهر و تأخرها في كل شئ عن التطور
انت تستطيع ان تسحب بيان حالتك الالكتروني الذي يجدد بمجرد ترقيتك بسرعة ، اما نحن فلا يوجد شئ اسمه تطوير
كل شئ حجري يدوي ،، و لازم تحتفظ بكل ما ملفك منذ تعيينك ببيتك لأنه ممكن كل شئ يضيع في الازهر
و ممكن الادارة تطلب منك اشياء اليوم و غدا تطلبها هي هي لأنها ضاعت
للأسف احكي عن واقع اليم
لن يشعر به الا من هو فيه

وأضيف علي كلامك استاذ مصطفي ان زملاؤنا في التربية والتعليم اخذوا العلاوات علي الاساسي واحنا علي مربوط الدرجة واحنا متعينين بمسابقة رسمية وهم عقود من تحت الطرابيزة والله انا اعرف واحد اتعين ب3الاف جنيه وواحد جامل واحد بعقد في التربية والتعليم الخ