تجمع طلاب الصف الثالث الثانوى - علمى علوم 2014

[ابانوب ايليا]

انا شايف ان احنا نساعد بعض من خلال النقاط التالية:
1- كل واحد يعمل جدول ويعرضه بحيث انه ممكن يعجب غيره ويمشى عليه.

2-كل واحد يشوف التانى وصل لحد فين فى المنهج واللى عنده استفسار يسأل زميله ولو يعرف الاجابة يساعده.

3- نقطة مهمة جدا يغفل عنها الكثير من الناس وهى كيفية التعامل مع الورقة الامتحانية يعنى مثلا نسبة نجاح الطالب (وانا اقصد النجاح الباهر) تتوقف على 50% مذاكرة و30% حالة نفسية و20% كيفية التعامل مع الورقة الامتحانية ودى مهمة جدا جدا يعنى مثلا لو طالب طول السنة مذاكر ومقطع الكتب ومسابش نقطة يدخل الامتحان اخر السنة وهو عارف الاجابة بس مش عارف يبتدى من فين او يعبر ازاى او الطريقة الصحيحة للكتابة فى ورقة الاجابة لذلك لازم نساعد بعضنا فى الموضوع ده ونعرف من بعض ازاى كل واحد بيتعامل مع ورقة الاسئلة وبيعمل ايه فى ورقة الاجابة.

4-نقطة مهمة هى الحالة النفسية وسبق وقلت انها 30% من التفوق واكيد ناس كتير خايفة واولهم واكترهم اخوكم.. فياريت كلنا نشجع بعضنا وندى لبعضنا دفعة معنوية وثقة بالنفس تساعدنا على استكمال مشوارنا

5- اخر نقطة واسف للاطالة هى ان كل واحد جواه حاجة كابسه على نفسه يطلعها ويفضض بيها هنا واحنا كلنا هنا اخوات فلو كانت عند اى واحد مشكلة تخص الدراسة او المنهج او الخوف كما ذكرنا مسبقا او حتى اى شئ بعيد عن الدراسة لو امكن ذلك فليخرج مابداخله من احزان هنا ونسعى جميعا لتشجيع بعضنا البعض

اسف للاطالة وفى الأخير اتمنى التوفيق لجميع الطلاب وربنا يحقق كل امنياتنا وكل واحد يشوف نفسه فى الكلية اللى هو عاوزها يــــــــــــــــــــــارب