طلب ويريت الرد بسرعه

[Mr Mostafa Goda]

ازيك ياسارة .. بصى سهل جدا تلمى الانجلش فى اليوم ونص ان شاء الله بس بشرط تكونى مذاكراه قبل كده ..طبعا مش هيكفى اليوم ونص انى اذاكر الوحدات بالتفصيل زى ما اخدتيها فى الدرس قبل كده ..لكن النص يوم النهارده حاولى تلمى فيه القصة كويس جدا من خلال مراجعة نهائية .. اليوم التانى تصحى بدرى تراجعى على كلمات المنهج سريعا انا منزل مذكرة هنا على البوابه فيها الكلمات المهمة بتاعة كل وحدة او من مذكرة اى زميل او المدرس بتاعك المهم الكلمات تكون ملخصة فى ورقة او اتنين مش اكتر وكذلك القواعد هتلاقيها ملخصة هنا فى مذكرات الزملاء فى 3 او اربع ورقات .. يعنى لازم تكون مراجهة خفيفة وسريهة مش اقعد فى الوحدة اكتر من ساعة لا ..كل ده مثلا يخلص قبل الظهر .. وبعدين تجيبى مذكرة مراجهة نهائية تكون شاملة تمارين الورك بوك والكتاب والامتحانات السابقة .. وهنا فيه مذكرات جميلة جدا فى البوابة ممكن تفيدك ..هتراجعى كل التمارين دى وياريت تكون مذكرة محلولة ..لان مفيش وقت وبكده الانجليزى يكون خلص ان شاء الله.. متنسيش تنامى بدرى شويه يعنى على 11 كده مثلا وتصحى بدرى مع الفجر تراجعى على الاسئلة تانى والقصة وربنا يوفقك ان شاء الله ..يارب اكون قدرت اساعدك ..