تقيمك لامتحان اللغه الانجليزيه

[مستر محمد أيمن]

المشاركة الأصلية كتبت بواسطة amothman123

امتحان ممتاز
نفسى أفهم الامتحان لما بييجى صعب يقولوا مش عارفين نحل و شكاوى زى امتحان العربى
ولما ييجى سهل يقولوا بيساوى كله ببعضه
عايزين نثبت على رأى ؟!

الأعتراض فقط على الأمتحان لأنه يجب ان تكون هناك بعض الأجزاء الفنية والتى تميز الطالب المتفوق فى اللغة عن الطالب المتوسط.لكن للأسف الشديد لقد دأب واضعى أمتحانات السنين الأخيرة أما الى وضع أسئلة سهلة جدا ومكررة ومنقولة بالكربون تفتقر الى تحديد الطالب المتميز فى اللغة عن الطالب العادى أو أفتكاسات غريبة لا علاقة لها باللغة وفى الحالتين فأن الطالب المتميز هو الضحية والذى يتساوى معه الطالب العادى فى أكثر من 90% من أسئلة الأمتحان التى لا تميز بينهم. الأعتراض فقط هو اين الأجزاء الفنية التى نفتقدها فى أمتحانات اللغة الآنجليزبة فى السنوات الأخيرة.

[عبد الحميد عفيفى مصطفى]

الامتحان من صميم المنهج وبه نقاط للطالب المتفوق

[أ / محمد صالح الاخضر]

امتحان سهل جداااااااااااااااااااااااا

[بورغل]

الإمتحان فى مستوى الطالب الغبى رغم أننى فى الصف الثانى الثانوى

[مستر / طارق الديب]

بسم الله الرحمن الرحيم

انا مع كل المدرسين الذين يقولون ان الامتحان سهل بس انا ارى من وجهه نظرى ان هذا الامتحان هو امتحان متوازن وقيس ذلك على امتحانات الورك بوك لان الامتحان المفروض ياتى على غرار امتحانات الورك بوك ويا ريت تركز كل اسئلة الامتحان على المنهج زى كل المواد التانيه يعنى هو لازم الواحد يشرح فى ناحيه والامتحان ياتى فى جانب اخر اعتقد ان هذا الامتحان امتحان محترم ركز واضعه على المنهج وهذا هو المطلوب

[خالد حتحوت]

كنت اتوقع امتحان سهل مقارنة بالعربى فنحن فى زمن الاخوان
يعنى التهميش المتعمد للغات سوف يدأ
فهذا اسهل امتحان فى تاريخ الثانوية العامة
اعتقد انت امتحان اسودان اصعب منة (ودى اول مرة)
وتساوى الجميع فى النهاية الممتاز مع المتوسط

[محمد عبد العزيز محمد مرجا]

السلام عليكم
فعلا الامتحان متوسط أو أقل لكن أنا عندى تعليق بسيط علي سؤال الاقتباس
It's good to meet you, cousin! You
دى الجملة الصحيحة إللى تساعد الطالب على الحل بسهولة لكن مكتوبة فى ورقة الامتحان
........It's good to meet your cousin! You
واعتقد ان كده فيه لبس كبير للطالب لأن المعنى كده ممكن يشتت انتباه الطالب وكده فى رأيى ان الاقتباس فيه خطأ املائي خطير يؤثر علي اجابة الطالب
وشكراً لحضراتكم
أرجو التعليق من فضلكم

[محمد عبد العزيز محمد مرجا]

مش لاقى تعليق على كلامى من أساتذتنا الأفاضل

[محسن لبيب حنين]

الامتحان جميل وفي مستوى الطالب العادي المتوسط والضعيف والمتميز – هذه حقيقة لا يمكن تجاهلها – وأرجو بلاش كلمات تهميش وسهل جدا وضيع تعب المجتهدين – مش أحسن من أنه يكون جاب كلاكيع يحلها 10 % والباقي يلطم – يا جماعة الامتحان من الكتاب وهذا ما نريده – لا راح لأسئلة تويفل ولا أسئلة ما يحلاش إلا المدرس ومن في مستواه فقط من الطلبة ولا أي حاجة وحشة - اللي وضع أو ضعوا الامتحان ده أنا نفسي أبوسه وأحييه

الطالب ذاكر المنهج وجاله المنهج – هل ده مش كويس

[yassernour]

واضع الإمتحان لم يراعى فنيات الورقة الإمتحانية و كذلك تدرج مستوى اللأسئلة بحيث يقيس جميع المستويات لأن الطالب المتميز لم يجد نفسه فى هذا الإمتحان

[Mr.Nashaat Elhamaki]

تصدقوا الامتحان ده اسهل من امتحان السودان واسهل من امتحان الازهر مافيش ولا نقطه واحده تفرق بين الضعيف او المتوسط والمتميز اللى يستاهل على مجهوده وتعبه ان يكون فى فرق
يعنى اللغه العربيه مهمه جدا فعلا لكن دا مش معناه نضيع الناس فى العربى ونساوى بين كل الناس فى الانجليزى
شوفو الطلبه كانت مرعوبه ازاى امس هنا على المنتدى وكم الاسئله الصعبه اللى ذاكروها
وبعدين يجى الامتحان الطالب الضعيف ممكن يقرب من النهائيه فيه
لا ننكر ان فى جمل للمتوسط وفوق المتوسط
بس مافيش نقطه واحده للممتاز
بشكل عام كويس لكل الناس وبشكل خاص كان نقصه نقطه واحده او اتنين يعنى درجه واحده او اتنين تفرق بين المستويات
لكن بشك عام هو جميل وبصراحه انا كنت بتمنى ان ميبقاش فيه الالغاز اللى بتحير المدرسين نفسهم كل سنه والحمد لله ربنا استجاب

[english fan]

وداعا للاحداث الجارية

[اسامة الفيومى]

امتحان عادى من المنهج بعيد عن اى فلسفة فى الدروس الخصوصية

[eyad2009]

أمتحان جميل جدا
متوقع نصفه تقريبا

[sesamedo]

الطلبة اللي بتقول ان كدا مجهود الطلبة المجتهدة ضاع ، طب الطلبة المجتهدة ليه اشتكت من امتحان اللغة العربية !

يعني مش عاجب لا امتحان سهل ولا امتحان صعب ؟ انا شايف ان امتحان اللغة جاي سهل لآن لو كان زي العربي يبقي بجد بيضيعوا مجهود الطلبة سواء مجتهدين او غيره والآهالي طول السنة