تحية واجبة للإنسان المحترم الواعى واضع إمتحان الدور الأول 2013

[محسن لبيب حنين]

الحقيقة مستر أسامة قال اللي انا قلته وعايز أقوله وهاقوله - يا جماعة الموضوع مش استعراض الممتحن لعلمه على طالب غلبان علشان المدرسين والناس يقولوا عليه ده جامد - اللي عاوز يستعرض ما لديه من علم يشوف حد ند له وليس الطالب الغلبان وولي الأمر اللي طافح الدم (فلوس وقلق) طول السنة

على فكرة أنا أضع امتحانات لمدرستي - لو انا عايز أجيب جمل وأسئلة ما يحلاش (حتى) المدرس انا أقدر على ذلك - ولكن في النهاية انا أضع امتحان لطالب - فتراني أضع امتحان يقيس ما تعلمه الطالب طول الترم وليس أي شئ آخر

في ناس يهيأ لها أن الامتحان لازم يكون صعب علشان محدش يلومهم - علمونا زمان أن تختبر الطالب كما علمته - يعني ايه - أن تختبره في النقاط التي علمته إياها - مش نعلمه حاجة ويفاجأ بأخرى - زي اللي كان حاطط جمل من امتحان التويفل في سنة من السنين - واستطاع مدرس جدع أن يكشفه وبالدليل - ولا مدرس إعدادي مرة جاب جملة للطلبة يطلب منهم اختيار what كضمير وصل وهما عليهم which - who - that - where فقط

الامتحان جميل ويقيس كل الطلبة وفرّح الجميع - طالب وولي أمر ومدرس