كيفية النجاح في اختبار المقابلة بالمدارس الخاصة

smart4u · #3 13-06-2013, 04:49 PM

اقتباس:

المشاركة الأصلية كتبت بواسطة hazem_hiza

فى الغالب كل لجنة أو كل دولة بيكون ليها جانب بتركز عليه أكتر من غيره
بس فى خطوط عريضة لازم الواحد يحطها فى دماغه و هو داخل المقابلة أهمها هو " الثقة بالنفس"
التدرب على التحدث باللغة الانجليزية بشكل أو لكنة جيدة
على سبيل المثال لجنة الكويت بتحب المدرس الى بينطق صح ... وده بيبان فى التحدث معه و قراءته لأنهم بيخلوكى تقرأى
الجانب التربوى أكيد بيتسأل عنه بس مش بالشكل الأكاديمى النظرى البحت"نظريات و مداخل و كده" لا اللجنة بتسأل بس عن مواقف تعليمية ممكن تحصل جوة الفصل .. و تشوف أنت ممكن تتصرف فيها ازاى .. يعنى شوية ذكاء و لباقة فى الكلام ممكن تعدى منها حتى بدون دراسة تربوى
بالنسبة للجانب العلمى التركيز طبعا بيكون على الجرامر و أشهر القواعد الى بيحبوها هى " Passive voice - If- Modals" طبعا مع التركيز على الحالات الخاصة و الشواذ
ممكن كمان جدا خاصة فى لجان السعودية يطلبوا منك أنك تشرحى درس على السبورة .. اختارى درس بسيط تكونى متمكنه من شرحه و أهم شيىء الثقة و أنتى بتشرحى و تشاركى اللجنة معاكى فى الشرح و كأنهم طلبة عندك فى الفصل و بتشاركيهم معاكى ده بيترك انطباع جيد
كمان أحيانا بيطلبوا منك كتابة بعض الكلمات عالسبورة للتأكد من قوة ال"spelling" عندك
و فى النهاية الموضوع ده موش شطارة و لا نصاحة أو تمكن و بس لالالالالالالالالالالالالالالالالالالالالالالا
قبل ده كله هو توفيق من الله و رزق قبل أى شيىء فالواحد يتوكل على الله و يعمل الى عليه و التوفيق بتاع ربنا و ما يزعلش لو ما اتوفقش مره و يعرف أن ربنا أكيد مقدرله الأحسن بس مش هيعرف غير بعدين
و تمانياتى بالتوفيق للجميع

جزاك الله خيراً