استطلاع: هل امتحان الرياضة 2 2013 أصعب من السنين السابقة

[سفنكس1]

المشاركة الأصلية كتبت بواسطة ehabelsapa

والله بص اقولك انا الفرق بين امتحان الرياضيات سنة 2008 و 2010 و 2012 و 2013.
2008 === فى السنة دى كانوا جايبين افكار جديدة --- فطبعا الطلاب تفاجئوا.
2010 === انا شايفه ان السنة دى كان الامتحان سهل مفيهاش حاجة صعبة ( يمكن انا بقول الامتحان فى السنة دى كان سهل لأننى طبعا بحل الامتحان فى البيت مع نفسى اما لو بحل الامتحان فى اللجان زي اصحابنا فى السنة دى كانت ممكن موقفى يختلف كتير ).
2012 === امتحان الرياضيات نفسه كان وسط لكن عيبه أنه كان محتاج وقت طويل لأن الاجابات كانت طويلة ودا بيعوز وقت أكتر من المحدد ( ويمكن يكون الوقت هو اللى جعل الطلاب يقولوا ان الامتحان صعب لأن الاجابات كانت طويلة )
2013 === فى السنة دى بقى بيخرفوا --- بيألفوا امتحانات من دماغهم --- المفروض يجيبوا الاسئلة بالترتيب زي كل سنة --- لأن الطالب اتعود على اسئلة الامتحانات وحفظ شكل الامتحان عامل ازاى --- اما الواحد جوه اللجنة لم يلاقى حاجات غريبة كدا موجودة فى ورقة الاسئلة فيتعصب والوقت قصير زى مانت شايف - ساعتين بس - ودا فى حد ذاته مشكلة


من الآخر ربنا ينتقم من كل ظالم ---- لأن زى مانتو شايفين الاحوال فى مصر بايظة والنعليم بايظ والطرق بايظة ومفيش كهربة وبالتالى مفيش مذاكرة الا وقت قليل فكان لابد ان الامتحانات كلها تيجي السنادي سهلة زى السنين السابقة اللى احنا اتعودنا عليها او كانو يجيبوا الامتحان من الامتحانات السابقة اللى احنا حلناها و مكنوش يفكروا انهم يجيبوا اسئلة الطالب المتميز ميعرفش يحلها --- وانا معرفش ايه حكاية الطالب المتميز دى والطالب الوسط والغبى ---

انا عاوز اقول للى بيحطوا الامتحان --- مفيش حاجة اسمها طالب متميز ووسط وغبى --- لأن ربنا خلق الناس كلهم سواسية فى الحقوق وانت جاي تميز بينهم -- فأنت كدا بتقضى على الطالب نفسه انه يعيش ويحقق حلمه اللى هو عاوزه

المفروض عندنا كتاب اسمه كتاب المدرسة --- المفروض الاسئلة متخرجش منه

انا بشكر حاطط امتحان الانجليزي -- لأن الامتحان كله موجود فى كتاب المدرسة فمفيش حد اشتكى من اامتحان الانجليزي والناس كلها فرحت وقعدت تدعيله --- دا حتى الترجمة فى كتاب المدرسة ---
اما اللى عاوز يندعى عليه اللى بيحطوا اسئلة خارج الكتاب و اللى بيقولك تميز الفائق من الفاشل


مادة العربي اللى الطلاب اللى بيذاكروا بيخش الامتحان حاطط في جيبه 29 لأنها بتعتمد على الحفظ وفهم النحو والبلاغة وخلاص
تخش العربي السنادي تلاقى حاجات غريبة واجابات النموذج بتاعت النحو غريب واصبح امتحان العربي مادة ذكاء
والمفروض الذكاء دا بيكون فى المواد العلمية فقط واضيف يجب ان يكون أسئلة الذكاء اللى موجودة فى الكتاب المدرسى ومتطلعش منه لأن الامتحان الصح انه ميخرجش ولا سؤال برة الكتاب

مادة الفلسفة اللى بيذاكر بيخش ويقول انا فى جيبي 50 درجة --- السنادي الامتحان جاي معتمد على الفهم والاسئلة معروفة بس طويلة وجابتها لا تقل عن صفحتين او تلاتة وفيه اسئلة اجابتها صفحة ودا اللى مبيسبش سطر --- والمنطق جاي حاجات غريبة كدا --- ( للعلم أنا الحمد لله حالل حلو فى الفلسفة وربنا يكرمنا )

امتحان المستوى رفيع بتاع الرياضيات ( انا معايا مستوى رفيع رياضيات ) كان جاي زى كل سنة وهى نفس الاسئلة اللى بتيجي كل سنة مع تغيير الارقام --- أنا معايا كتاب 100 % فيه فى الاخر 11 امتحان --- امتحان المستوى مخرجش من الكتاب -- حتى الاسئلة جايه بالترتيب والاختر جاي بالترتيب --- فكان امتحان حلو

امتحان الفيزيا --- جاي معتمد على الفهم --- واالاسئلة معظمها برة كتاب المدرسة


ربنا ينتفهم من كل ظالم

لا أختلف معك فى شئ إلا بخصوص اللغة العربية , فمن الذى قال : إن اللغة ليست مادة عقل وذكاء فالنحو على سبيل المثال يعتمد على العقل والتفكير وربط المعانى ذهنيا وكذا البلاغة وهذه المادة الشيقة التى لا ترقى إليها مادة أخرى يمكن أن تصاغ أسئلتها معتمدة على الذكاء و الحفظ والاسترجاع وعلى التعبير الدقيق وغير ذلك وهكذا فالبراهين كثيرة وعلى رأسها وأولها أن اللغة العربيةبإذن الله تعالى هى التى استوعبت كتاب الله تعالى ,لذلك اعلم أنها أكمل وأعظم اللغات لأنها أعدت لتستوعب كلام الخالق جل وعلا,
ولا ألومك بل أعزى رأيك هذا ورأى معظم الطلاب فى اللغة العربية إلى القائمين عليها من مدرسين لا يقدرونها أصلا بل يعملون على شحن الطلاب بأسئله عقيمةليفرغوها فى ورقة الأسئلة كما أرجع ذلك إلى واضعى الامتحانات الذين يرسخون هذه الطريقة أيضا... وأخيرا
أرجو المعذرة أيها الابن أو أيها الأخ الكريم فما قلت ذلك إلا من منطلق حبى لهذه اللغة التى لم ندرك مكانتها وقدرها أبدا بالرغم من أنها لغتنا شكرا لك