|
|
|
#1
28-06-2013, 05:23 PM
|
||||
|
||||
اقتباس:
بس انا عاوز اقول لك حاجة بالنسبة للمفروض المفروض ان الطالب عن طريق المدرس بتاعه يبقى عارف انه يوم لما يطلب مني سوال من غير ما يحدد عدد لو كان الجزئيات اصلا 5 انا بكتب الخمسة ولو 6 بكتب الستة ولو اكتر من كدة يبقى على الاقل انا بكتب 6 جزئيات وده بالنسبة للمدرسين معروف 100 %
__________________
التوووووووووووووووووقيع سقراااط اذا وعد اوفى بأكثر مما وعد 
|
|
#2
28-06-2013, 05:29 PM
|
|||
|
|||
|
اقتباس:
يعنى السؤال الى فوق السؤال دة مباشرة مكتوب فيه إنه عايز 3 أمثال يبقى خلاص 3 أمثلة و أكيد كل واحدة هاتبقى عليهم درجة إنما السؤال الى بعدها اذكر بالأمثلة بس ! و عدد المشكلات أصلاً 8 مشكلات دفعة يعنى أكثر من صفحة كتابة و دة هايستهلك وقت فى الامتحان التقيل أصلاً و ساعتها يا الطالب هايضيع وقت فى كتابة الـ 8 مشاكل بدل ما يوفرهم للتفكير فى سؤال آخر أصعب .. ياما هايكتب 3 مشكلات على أساس إن كل واحدة بدرجة يعنى .. و في بقى الى هايفكر يكتب 6 على أساس إن كل واحدة بنصف درجة .. يعنى هانلاقى الإجابات متعددة و كل واحد كاتب عدد كدة من المشكلات حسب الى جه فى دماغه ساعتها ! طيب يعنى حضرتك تفكير الطالب فى إنه ممكن يكون عايز 3 مشكلات و كل واحدة بدرجة دة مش منطقى مثلاً ؟! طيب ما هو ممكن برضة نخليها مشكلتين و تبقى كل واحدة بدرجة و نصف ! و برضة هايبقى السؤال كله عليه 3 درجات ! مليون تقسيمة لدرجات السؤال دة فقط لأنه محددش هو عايز كام مثال بالضبط طيب ليه بقى العشوائية دى ما يقول بالظبط هو عايز كام مثال و خلاص زى ما هو عملها فى السؤال الى فوقه ؟!
|
|
#3
28-06-2013, 05:32 PM
|
||||
|
||||
|
اقتباس:
انا اقصد اقول لك ان الامتحان والتصحيح والحاجات دي معروفة وما بتتغيرش يعني في نمط معين للاجابة والتصحيح وفي حاجات بديهية لكل المدرسين والمفروض ان كل الطلبة تبقى عارفاها على اعتبار ان دور المعلمين انهم يوضحوا للطالب ويفهموه ازاي يحل والدليل على كلامي ان اغلب الطلبة حلوا السوال مظبوط يعني ده دور معلم انه يدخلك الامتحان وانت عارف ازاي تحل والاجابة بتبقى اذاي
__________________
التوووووووووووووووووقيع سقراااط اذا وعد اوفى بأكثر مما وعد
|
|
#4
28-06-2013, 05:39 PM
|
|||
|
|||
|
اقتباس:
أنا مش بتكلم على مدرسين بصفة عامة .. أنا بتكلم على منطق واضع السؤال دة أنا ماحليتش السؤال دة زى ما قلت و دة بسبب العشوائية الى فيه فقلت بلاش أحسن .. لو كنت حليته كنت هاكتب الـ 8 فعلاً لكن دة هايستهلك وقت رهيب و الامتحان تقيل أصلاً و متحدد بوقت معين فكل ثانية فى وقت الامتحان الطالب بيبقى محتاجه الكلام دة لو أنا قاعد بحل فى امتحان درس أو فى البيت ابقى اكتب الـ 8 زى ما أحب .. إنما فى امتحان آخر سنة متحدد بوقت ماينفعش يجيب سؤال عشوائى إجابته الأصلية فى الكتاب تاخدلها صفحة إلا ربع ولا حاجة كتابة يعنى تضييع وقت رهيب و بعدها ييجى يقسمها هو فى نموذج الإجابة 6 مشكلات كل واحدة عليها نصف درجة ! طيب ما هو ممكن طالب تانى كدة يفتكر إنه عايز 3 مشكلات و كل واحدة عليها درجة على فكرة أنا كنت باخد عند الأستاذ محمد الجندى فى المنصورة و على ما أتذكر قال لنا أكثر من مرة لو محددش عدد الأمثلة يبقى غالباً هايبقوا 3 أمثلة بحيث كل مثال عليه درجة أنا هربت من السؤال دة علشان هو سؤال عشوائى و النمط دة ماينفعش فى امتحان آخر سنة تحياتى لحضرتك
|
|
#5
28-06-2013, 06:01 PM
|
||||
|
||||
|
انا اينعم دلوقتى ف اولى جامعه يعنى كنت 3 ثانوى السنه اللى فااتت بس انا متابع يعنى الامتحانات السنادى بجد بجد والله نموذج الاجابه سخيف جدا جدا جدا جدا جدا يعنى
توزيع اجابته على هيئه نقط كل نقطه ب نص وخصوصا سؤال المشكله السكانيه تحس انه توزيعته لدرجه السؤال بيقول للناس عينى عينك " انا عايز انتتقم منكم " حضرتك حترد عليا تقولى احنا فى التصحيح بنعلم فى صالح الطالب .. عارف كده بس فيه مدرسين ربنا يهديهم مفكرين ان النموذج قرآن أنزل من السما (( ده بالنسبه للمدرسين اللى ايدهم مش فى الماده طول السنه )) واساسا ليه النموذج ييجى بالاسلوب السخيف ده بطريقته دى بتقروا ان الماده ما هى الا مجرد حفظ من الكتاب وكوبى باست فى الامتحان رغم انه المفروض يعنى يحط الاجابه على بعضها كلها ويكتب مثلا 3 درجات عشان اللى ينسى نقطه مش حتأثر من ضمن 6 نقط فى سؤال المشكله السكانيه اللى هى اصلا فى الكتاب على ما اتذكر يعنى كانوا 8 نقط بجد مبقاش فيه اى اهتمام بالثانويه لا امتحانات ولا نماذج اجابه ولا رقابه بدليل تسريب الامتحانات لتانى سنه على التوالى
__________________
<( If You Can Dream It ,, You Can Do It )>
|
|
#6
28-06-2013, 06:09 PM
|
|||
|
|||
|
اقتباس:
نفسى أفهم أية لازمة نموذج الإجابة دة ؟! أية أهميته ؟! هو مين الى بيصحح الامتحان ؟! مش مدرس المادة ؟! عاملينله نموذج إجابة ليه نفسى أفهم ؟! السنة الى فاتت فى درس الأحياء كان مدرس الأحياء بيقولنا فى 2007 نموذج الإجابة كان جاى فى إجابات غلط علشان كدة سنتها محدش قفل الامتحان كانت سنة سواسية على كل .. سألته نفس السؤال : أية لازمة نموذج الإجابة دة ؟! هو مين الى بيصحح مدرس أحياء و لا سواق تاكسى ؟! ما هو مدرس و المفروض عارف الصح من الغلط .. قام هو قالى فى نماذج الإجابة فى التعليم برة بيكتبله " كلمة " واحدة بس فى الإجابة لو المصحح لقاها فى إجابة يعرف إنه ماشى مية مية و يديله الدرجة .. إنما عندنا أحنا هنا اسطمبة .. فبتبقى على حسب .. لو مدرس فاهم و لقى الطالب كاتب إجابة سليمة بس مش بنفس نص النموذج يديله الدرجة .. واحد تانى لو لقاه فى امتحان أحياء إنجليزى نسى يكتب " the " قبل كلمة يقوم منقصه نص درجة !! و قبل كدة سألت مدرسة الفرنساوى نفس السؤال : أية لازمة نموذج الإجابة ؟! قامت قالتلى علشان لو المدرس مش عارف إجابة سؤال يشوفه فى نموذج الإجابة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!! يعنى المدرس الى بيصحح مش عارف الإجابة يبقى الطالب العبقرى هو الى هايعرف ؟! الواحد كره التعليم فى مصر بسبب نماذج الإجابة العقيمة الى بيعملوها للامتحانات و وضع مستقبل الطالب تحت رحمة المصحح !!
|
|
#7
28-06-2013, 06:20 PM
|
||||
|
||||
|
اقتباس:
وجايب/ه فى القصه كوتيشن اصلا مش كوتيشن قالك اللى عملها من الكاتب للقارئ اخد الدرجه واللى عملها من عم ايمن لايمن اخد الدرجه واللى عملها من اى حد لاى حد تانى اخد الدرجه ولجان تصحيح يمشوا اى حاجه ولجان تانيه يقولك لأ اجابه واحده وشيل يا طالب الليله واتحرق دمك عادى وقعد اشتم فى نفسك وفى مدرسك ( اللى كنت مفكر اللى العيب منهم وفيهم ) رغم ان العيب فى ناس بيسموهم مستشارين الماده !!!.... نعم !!!! .. ليه يعنى هو اللى بيحط الامتحان كان وضعه ايه ولا بيفكر فى ايه عشان يجيب امتحان فيه غلطات .. طبعا غير ان نموذج الاجايه ساعتها كان فيه غلطات اصلا يا اخى متتفلحسش على كام سؤال جايبهم فى امتحان انت اصلا مش عارف اجابتهم بجد واقسم بالله بعد ما طلعت من الثانويه العقيمه بكل اللى حصل فيها ادركت ان فعلا تعليمنا زى الزفت المنظومه عايزه تولع بجاز اقسم بالله احنا مغيبين والله والله تعليم فاشل لاقصى الحدود والطالب الغلبان واهله بيدفعوا التمن لعد كل امتحان بيروحوا وبعد كل نموذج اجابه بيشوفوا ... حسبى الله ونعم الوكيل بجد !
__________________
<( If You Can Dream It ,, You Can Do It )>
|
 |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:50 PM.
