نصيحة

[طالبه مجتهده جدا]

المشاركة الأصلية كتبت بواسطة احمد ميدو ميدو ميدو

ربنا يخليكى وربنا يوفقنا كلنا ان شاء الله بس بالمرة بقى وانا عارف ان كدة انا بتقل على حضرتك نصيحة بقى للانجليزى والعربى ودية اخر حاجة بقى بعد اذنك لو تساعدينى

لا عادي انا بفرح لما بحس اني بساعد حد كنت في وقت محتاجه المساعده زيه
بالنسبه للانجلش بجد انجلش 3 سهل جدااااااااااااااا ولذيذ مفيهوش اي مشاكل والجرامر معظمه قديم
بس حاول تحفظ كلمااااااااااااات كتيييييييييييييييييييييييير يعني تخلص كلمات اليونت وتحفظ كلمات زياده يعني تجيب ورق في كلمات ترجمه من المستر وتخلي كل يوم ليك 10 كلمات جديده تحفظهم مش هياخدوا منك ربع ساعه بس وكل يوم تراجع ع كلمات اليوم اللي قبله عشان متنساش وتيجي اخر الاسبوع تراجع الكلمات بتاعت الاسبوع هتكون 70 كلمه مش هتاخد منك نص ساعه عشان هتكون راجعت عليهم قبل كده
واهتم بالواجب جداااااا وحاول تعلم ع الاخطاء عشان ترجعلها تاني اخر الاسبوع
والستوري حلوه جدا تتقري بتركيز وبعدين الاسئله المجابة وبعدين حل الواجب وبس وانا جبت في الانجلش senior معرفش بقي المستر بتاعك هيختار ايه

اما العربي فاعتقد اني اخر واحده تسالني عن العربي
بص هو عربي 3 مش صعب خالص بس امشي مع المستر بتاعك وذاكر معاه اول باول المهم تبقي داخل المراجعه قاري الدروس ع الاقل مره وفي المراجعه تبدا تشد في العربي شويه وتذاكر كوييييييييييييييييس المهم متخليش حاجه الايام اللي قبل الامتحان تتذاكر لاول مره عشان من التوتر ممكن متتثبتش اوي
وقصة الايام سهله بس لازم ع مدار السنه تقراها اكثر من مره يعني انا رايي للقصه انها بتقري بتركيز كزا مره وتحل عليها عشان تشوف الجزئيات اللي بتكون محل اسئله
ركززززززززززززززززززززز جدا في النحو وحل قطع ع اد ما تقدر انا كنت داخله الامتحان حله 500 قطعة نحو ده بيخليك تطمن انه استحاله يجيب حاجه مشوفتهاش قبل كده
والادب في 3 اعتقد انه اسهل من 2 بس ذاكره كدا من اول السنه ومتراكمش حاجه عليك عشان الموضوع ميتعقدش
يارب اكون افدتك ع قد ما قدرت