مشكله معظم اللى رايحين 3 ثانوى

[Bianka]

السلام عليكم ورحمه الله وبركاته

اولا : كل سنه وانتو طيبين
والف مليووووووووووووووون مبروووووووووووك للناجحين


انا بقى ان شاء الله داخله على 3 ثانوى ربنا معانا كلنا يارب

انا الحمد لله دايما شاطره ودرجااتى كويسه وكده الحمدلله بس انا مش بعرف انظم وقتى نهااائى
جربت كذا مره قبل كده ف السنين اللى فاتت اعمل جدوال مزاكره وكده وبتبوظ منى

وطبعا الكلام ده السنه اللى جايه مش هينفع خاااالص لان انا اعرف ان التنظيم سر من اسرار التفووق

فياريت اخواتنا الكبار واللى مروا بالتجربه دى قبل كده يساعدونا ويقولنا ازاى ننظم وقتنا واتجنب ازاى ان جدولى يبوظ وكده ويعنى نصاائح عامه


بصرااحه انا طماعه ف انكم تساعدونى وربنا يجلعه ف ميزاان حسناتكم وعارفه انكم مش بتبخلوه على حد بحااجه

[Bahy_Ahmed]

احب ابشرك انا حاصل علي ماجستير في وضع الجداول والجدول مش بيكمل يومين ويبوظ حتي قبل امتحان العربي الاستاذ كان عملنا جدول معرفتش امشي عليه يعني انا مش بذاكر بجداول خاالص والحمد لله 99.2 وانا حنزل موضوع فيه نصايح ان شاء الله

[NeVeR CoMe BacK]

المشاركة الأصلية كتبت بواسطة Bahy_Ahmed

احب ابشرك انا حاصل علي ماجستير في وضع الجداول والجدول مش بيكمل يومين ويبوظ حتي قبل امتحان العربي الاستاذ كان عملنا جدول معرفتش امشي عليه يعني انا مش بذاكر بجداول خاالص والحمد لله 99.2 وانا حنزل موضوع فيه نصايح ان شاء الله

:f riendsxs3:
انا عملت بتاع 100 جدول فى الثانوية دى والحمد لله ولا واحد نفع معايا

[Wise..Brain]

أنا بردة داخلة ان شاء الله 3 ثانوى علوم
وطمعانة بردة فى نصاحيكم
وعمرى مفكرت اعمل جدول لانى عارفة انى مش همشى عليه وانا مش بتاعة جداول
والف مبروووووووك لكم كلكم ربنا يوفقكم

[Eng. Ahmed Hekal]

أنا زيكووو آلاف الجداول ولا جدول ينفع

بس الحل الوحيد ان يبقا في رقيب او حاجة تحفيز على تطبيق الجدول خصوصا ان السنة الجاية الي هتحدد مستقبل الواحد

[Lyonenyo]

المشاركة الأصلية كتبت بواسطة never come back

:f riendsxs3:
انا عملت بتاع 100 جدول فى الثانوية دى والحمد لله ولا واحد نفع معايا

انا عندي حوالي 30 او 40 دفتر كل واحد فيه لا يقل عن 20 جدول
انا اكتر حاجة عملتها السنادي الجداول

واللي نجحت في تنفيذه منه وبلا فخر ( صفر )

[amothman123]

أنا عملت جدولين فى المراجعة بس واحد للعربى و التانى للإنجليزى
الكيمياء المدرس كان مقسم المراجعة بمعرفته على شهرين و الفيزياء المدرس قسمها بمعرفته برضة
إنما طول السنة مش مستهلة جداول بصراحة .. هو بس ليلاً الواحد يجيب نوتة صغيرة كدة و يخطط فيها هايذاكر أية بكرة إن شاء الله و خلاص
و دائماً الجداول ماتبقاش ثقيلة بقدر الإمكان علشان مايبقاش في ضغط إلا بقى لو حكمت الضرورة
نصيحتى لبتوع النظام القديم انتهز ثانية ثانوى .. لأن ثالثة ثانوى هاتشيل غالباً و عن تجربة

[Mustafa Aboalwafa]

اممم بصى انا مش شايف انها بالجداول خالص انا عن نفسى عملت هبروووميت جدووول ولا واحد مشيت عليه حتى ايام الامتحانات وفى الاخر الحمدلله جبت 98.6


ان شاء الله هحاول انزل موضوعات تفيدكم عن 3 ث وهابقى متواصل معاكم طول السنه ان شاء الله

[asmaa232]

أنـا داخلة تالتة بردو وحكاية الجداول دى كنت بعملها تقريبا كل أسبرع وبجد كانت حاجة ممتعة اوى وبعد ما اخلص الجدول أحس إنى زاكرت المنهج كله وتعبت كمان وبالتالى منفذش أى حاجة منه :/
بس أحسن حل للموضوع دا إنك تحدد لنفسك كل يوم الصبح لما تقوم من النوم هتزاكر مواد إيه وإمتى وكدا وف نفس الوقت لازم طبعا متبقاش حاجة تقيلة جدا عشن متتعقدش

[Bianka]

شكرا جداا يا جماعه انتو دايما عند حسن الظن
ربنـــــــــــــــــا يكرمكم

[Mr.Optimistic]

ربنا معاكوا في السنة الجاية

[روفانا]

انا داخله 3 بردوووو بس مبعرفش امشي على جدول خاااااالص المهم انك تكوني رقيب نفسك ومتقصريش فى اى ماده

[دموع التمساح]

انا داخله 3 بردوووو بس مبعرفش امشي على جدول خاااااالص المهم انك تكوني رقيب نفسك ومتقصريش فى اى ماده

[hokihoki]

انا من رائى ان تنظيم الوقت يو فر كتير جدا لان الطالب بطبعه يميل لمواد معينه فيعطيها اكثر من الاخرى فالجداوال ستجعل الطالب يعطى كل ماده حقها

مش هتخليك تكسل او تاجل مذاكره ماده رخمه

و ربنا يوفقكم جميعا و تدخلوا الكليه الى تحبوها

[THE CodeR]

كتر الممارسة ممكن يجيب نتيجة

انا كنت بعمل جداول كلها في دماغي وكنت بفشل فيها من أول يوم

عملت جدول في ثانوي بس الحمد لله نجحت اني يبقى عندي عجز يومين في كل مادة بس

أظن انك لازم تتخلصي من الملهيات اللي حواليكي ، مثلاً زي الكمبيوتر والتلفزيون وتكوني صارمة مع نفسك وقتها

بعدها تفكري في جدول