بص يا دكتور انا من رايي دايما بلاش غربة
خليك مع اهلك و خليك على نظام الثانوي متغيرش حاجة روح كليتك و تعال كل يوم اتغدي و اقعد ذاكر مرتاح نفسيا مش تعبان هو دة احسن حاجة كدة ان شاء الله هتبقى من الاوائل و التعيين عندكم اعتقد 30 او 40 من 200 ففرصتك هتزيد ان شاء الله و التعيين احسن لانه بيفتحلك فرصة بعثات و كدة غير التدريب الكتير و المكثف في مستشفى الجامعة غير برده انك هتبقى مدرس مساعد في الجامعة
القاهرة نظام قديم و معروف و مستقر و الدكاترة شطار بس هتتغرب و تبعد متعرفش اللي هتقعد معاه سواء في المدينة او في شقة عامل ازاي حتى لو اعز اصحابك بس العشرة بتبين حجات تانية و ممكن تتغيروا على بعض في يوم من الايام و تفكر تسيب مثلا السكن دة او تتضايق و اهلك يوحشوك متعرفش تذاكر و احنا مش فاضيين لكدة احنا قدامنا هدف اننا نكون "دكتور شاطر" و الاحسن لكدة اننا نذاكر و نتعين
يبقى الاختيار الانسب ايه
من وجهة نظر العبد الفقير الي الله "الاسماعيلية ج قناة السويس"
و صل استخارة و اسأل ناس بس حتى لو الكلية و المستشفى مش قد كدة بس ايا كان احسن من كتير اوي من مستشفيات وزارة الصحة
|
21-07-2013, 07:59 PM
العرض المتطور
