إضراب إداريى التربية والتعليم يؤخر رواتب المعلمين بالغربية

[توفيق رفعت عجيز]

المشاركة الأصلية كتبت بواسطة وليد النجار2

العيب مش على الاداريين . العيب على النظام الحكومى اللى خلى ماهيات وماليات المعلمين فى ايد مجموعة مستهترة . الغريب ان أما تيجى تكلم الموظف من دول يقولك المعلم مثل الادارى
مع كل احترامنا لأ يا سيدى المعلم لم ولن، يكون مثل الادارى هو أصلا الوزارة دى كلها قائمة على مين مش المعلم
شيل المعلم تسقط الوزارة كلها
وهو ليه ما بنسمعشى ان موظف المحكمة مش زى القاضى وموظف الصحة مش زى الدكتور وغيره كتييييييييير
هذا مع كل احترامى للاداريين وأنا لست ضد الزيادة أو الخصم هذا شأنهم

ردا علي كلام حضرتك انا امين معمل وياريت احصل علي راتب يوازي نصف راتب اداري في محكمة ومش هدخل مع حضرتك في نغمة المعلم والاداري ؟

[وليد النجار2]

المشاركة الأصلية كتبت بواسطة توفيق رفعت عجيز

ردا علي كلام حضرتك انا امين معمل وياريت احصل علي راتب يوازي نصف راتب اداري في محكمة ومش هدخل مع حضرتك في نغمة المعلم والاداري ؟

طب ما الحال من بعضه . ما احنا المعلمين كمان نفسنا مرتبنا يبقى ربع مرتب اللى فى المحكمة أو اللى فى الكهربا أو ........................
انا بعترض على اللى أنا شوفته قدامى :
ـ معلم مسافر ورايح يمضى الاجازة من الادارة معلش أصل احنا عملين اضراب
ـ ورق الترقية يا جماعة عشان آخر يوم 1 / 8 معلش اصلنا عملين اضراب
ـ بخلاف بقى المرتبات والمكافأة واحنا فى أيام صعبة
يا أخى ضربه فى بطنهم . دا اللى انا بقول عليه لازم يبقى فيه احساس بالمسئولية اضرب زى ما انت عاوز لكن لا تعطل مصالح الناس
المعلمين لما عملوا اضراب كان الضرر الوحيد على الدولة ان ولى الأمر هياخد ابنه ويقعد فى البيت زى ما كان لمدة أسبوع أو أكثر يعنى مفيش ضرر لأن تأخير المنهج ممكن نعوضه سهل
لكن اللى انا ذكرته معظمه لا يمكن تعويضه
وعلى فكره انا سمعت ان المعلمين غدا الأحد هيروحوا يضربوا الاداريين فى ادارة شرق طنطا عشان يخلوهم يشتغلوا بالعافية
انت ازاى عاوزنى اتعاون معاك واساعدك وانت معطل كل الدنيا كده
الموضوع مش مرتب وبس واذا كنت انا او غيرى مش هتفرق معانا ففيه كتييييير مسنيين المرتب وخصوصا اليومين دول

[hazmanco]

معلمى مصر الشرفاء دعوه عامه أوجهها للجميع بالانتفاضه العادلة السلمية من أجل نيل حقوقنا المادية والمعنوية يا معلمى مصر الشرفاء لما لا يطبق الحد الأدنى للاجور ؟؟
الجيش الشرطه القضاء

حربيه وشرطه وحقوق

60% 55% 70%

3000 جنيه 2500 جنيه 4000 جنيه مع تمام احترامى للجميع


لذا أيها اشرفاء هل لا نستحق مثل هذا القانون ليضمن لنا حياة كريمة لا نهان به بين الناس لما نحن الوحيدون من بين العاملين بالدولة التى يتاجر الاعلام بشرفها وينعتها دائما بالجشع وتناست الكثير والكثير من الفئات هل صرنا كلأ مباح لكل ناعق بالهوى ؟؟؟؟؟؟




أحبتى أدعوكم لمسيرات ضخمه أمام كافة مديريات التربية والتعليم كلا فى محافظته حتى ننال حقوقنا وهى تتلخص:-
1- ميثاق شرف اعلامى يوقر المعلمون ويبرز دورهم فى بناء الأمه
2- تطبيق الحد الأدنى للاجور
3- حقوق المعلم المهنية والادارية التى صرنا فيها مماليك لا حقوق لنا فى الاعتراض والتضرر


موعدنا السبت 21/9/2013 م