اقتباس:
|
السلام عليكم ورحمه الله وبركاته
|
وعليكم السلام ورحمة الله
من اربع سنين
اقتباس:
|
2- ياترى ايه الاخطاء الى عملتها وندمان عليها؟
|
مفيش اخطاء بارزة بس هو اهم خطأ انى كنت بدخل غرف شات عشان اتعرف على ناس بس عرفت ان الغرف دى معمولة عشان اغراض تانية فاتعلمت انى ما ادخلش الحاجات دى..كمان فى الاول كنت اصدق اى مواضيع فى المنتديات ..بس بعد كده اتعلمت ان اغلب - ام لم يكن كل - المنتديات مواضيعها تخاريف
اقتباس:
|
3- يا ترى ايه الى استفدته من النت عموما؟
|
استفدت كتير جدا جدا ؛ بقيت انسان مثقف نوعا ما..قريت كتب كتير جدا عمرى ما كان هتتاح ليا الفرصة انى اقراها...عرفت الناس ازاى بتفكر واتعلمت قبول الرأى الاخر مهما كان مخالف لرأيى..بقى بين ايدى معلومات وبيانات رهيبة عن علوم كتير صعب توافرها الا فى الكليات..ارتقت عندى اللغة الانجليزية شوية ...حاجات كتير جدا
اقتباس:
|
4-هل تعتبر صداقه النت صداقه حقيقه وممكن استمرارها؟
|
صعب اوى بس ممكن لو اتحولت لواقع...اصلا الصداقة لازم تكون متمثلة ع الواقع..مش هقول لصاحبى انا عيان وتعبان ويقولى قلبى معاك من ع المسنجر ..ازاى دى تبقى صداقة ؟
اقتباس:
|
5-هل يمكن ان يتزوج رجل وامراه عن طريق النت ويعيشوا حياه سعيده؟
|
طيب هتكلم على نقطتين:
1- لو تقصدى مواقع الزواج فده يكاد يكون مستحيل...ازاى الواحد يتجوز واحدة كانت عارضة نفسها للجواز يعنى؟ ممكن ناس تقبل بس دول قليلين اوى
2- لو تقصدى ان فيه معرفة تمت ع النت واتحولت بعد كده فهنا حكمها زى حكم الصداقة برده...ممكن لو اتحولت لواقع وماكنش فيه كدب فى الموضوع تستمر...بس فى الغالب لا اعتقد ( مش بعمم )
شكرا ع الاسئلة الجميلة
02-07-2008, 11:34 AM
العرض المتطور
