منع توكل كرمان من دخول البلاد وترحيلها على نفس الرحلة

[طالب التوفيق]

منعت سلطات مطار القاهرة الدولى اليوم الأحد، دخول الناشطة اليمنية توكل كرمان وصديقتها بشرى حسن الثرابى، واللتان وصلتا المطار على متن طائرة الخطوط اليمنية القادمة من صنعاء.
وأكد مصدر أمنى بالمطار أنه تم ترحيلها على نفس الرحلة وذلك لكونها مدرجة على قوائم منع دخول البلاد بناء على طلب إحدى الجهات الأمنية.

المصدر:اليوم السابع

[أ / طارق عتمان]

جزاكم الله خيرا

أرجو تفعيل الرابط ، وإلا حذف الموضوع

[المصري أشرف]

جاية تنيل إيه .. ومين هي توكل كرمان .. ناشطة يمنية
إسم النبي حارسها وصاينها .. كانت ناقصاها
خلها تتوكل .. علي الله

[محمد محمود بدر]

حفظ الله مصر والمصريين

[Mr.Optimistic]

شكرا ع الخبر

[الفيلسوف]

أحسن البلد مش ناقصة مشاكل

[هامييس]

تعليق منقول



على فكرة الكهرباء بتقطع
والمايه برضو
و اللحمة زادت 20 جنيه
و البيضة بقت بجنيه
و مفيش حد فى مطار القاهرة
و السياحة نزلت لادنى مستوي من عشرين سنة
والبورصة بتخسر
و الزيادات بتاعت المرتبات اتلغت
و مفيش فى امان
و البلطحيه فى كل حته
والاحتياطي النقدي قل 4 مليار دولار
وكادر الاطباء اتلغى
والحد الادنى للاجور طار
ومشروع قناة السويس اتصرف عنه النظر
ومشروع تطوير سينا الجيش كبر دماغه منه
واوروبا حثت رعاياها انهم ميجوش مصر

وصلاة التراويح في القائد ابراهيم اتلغت بقالها يومين وانهارده الثالث
وناس متصدره المشهد بتقولك لازم نعلنها صريحه ان مصر علمانيه
ومات 500 واحد ومعقل 1500 ومتصاب حوالي 10 الاف
والتهم الهبلة وتلفيق القواضي شغال الله ينور
والمنقبات والملتحين لسه بيتهزؤوا وبيتشتموا
وسينا والعريش لسه الجنود بيت***و فيهم
وتفويضك السيسي محاربش بيه اي ارهابيين
والفلول ماسكين وزارات
والاعلام بيشوه في 25 يناير
والفلول ماليين القنوات وبيتكلمو باسم الشعب
وفي مقالات بتتمنع
وفي قنوات لسه مقفوله
وجنازة الظابط اللي مات يوم الحرس الجمهوري راحت فين؟
وفين ال 42 واحد اللي اتصابو؟
طب والعصابه الارهابيه المسلحه اللي هجمت ع الحرس طلعت تبع مين؟
ومحدش بيجيب سيرة حقوق الشهدا والقصاص
ومفيش كلام عن سد النهضه والنيل اللي هينشف
ومش معترف بالانقلاب غير 4 دول
وكل اللصحف العالميه عارفه ان اللي عندك انقلاب
والسيسي في نظر نص بلدك سفاح وقاتل
والاعتقلات السياسيه الله ينور
والبرادعي لسه مستقالش ومقالش هل هناك دولة؟
وفي 16 جندي ماتو في حادثه والاعلام متكلمش وعمل حداد
والشيوخ بتوع احنا هنهد ابو الهول والاهرامات مبقوش يظهرو
وهيئة الامر بالمعروف والنهي عن المنكر اختفت
ومحدش بيقص ودان المسيحيين او بيحاول يحجبهم بالعافيه
وملف ال 13 الف منصب اخواني في البلالا
واخونة الدولة بح خلاص
والجيزاوي اللي اهان الذات الملكية راح فين؟
وحماس مفتحتش السجن وطلعت مرسي والشاطر
ومبارك بطل يموت
والبنزين بقى مرطرط
ووزير الكهربا والبترول والداخلبيه لسه في مناصبهم
وفي 12 وزير من تيار واحد -جبهة الانقاذ-
و 10 وزراء من حكومة قنديل الفاشله مازالو مستمرين
والعيش ياترى بقى كبير وحلو ولا رجع معفن؟
والقطارات بطلت تعمل حوادث
والمزلقانات اخبارها ايه؟
والتوافق ع الدستور ايه نظامه؟
والشرخ المجتمعي والانقسام صغر ولا زاد؟
وقولتلي مين قسم الشعب؟ مرسي؟
وطنطاوي وعنان هيتحاكموا ولا هتسيبوهم؟
والارهابيين اللي في رابعه لما مات منهم 200 مموتوش واحد حتى؟
والسياحه في الاقصر واسوان بعد الوزير اللي استقال عامله ازاي؟
وفاكر العيش والحرية والكرامه الانسانيه؟ ولا نسيتهم؟
طب وازمة المرور اتحلت ولا لا؟
وايه اخبار قانون العزل السياسي؟
وفين طول ما الدم المصري رخيص يسقط يسقط اي رئيس؟
وراحت فين حملة عسكر كاذبون؟ ويسقط يسقط حكم العسكر؟
الببلاوي ده شغال ايه في البلد؟
انت لسه مقتنع انها ثورة؟

[mr/Guirguis George]

توكل
روحى العبى بعيد
لو ضحكتى على بتوع نوبل
مش هتقدرى تضحكى على المصريين
واحده واخده نوبل للسلام
و جايه تدعم الارهاب