تعديلااااات خطيرة فنظام الثانوية العامة 2013\2014 :(

[دراكو مالفوى]

المشاركة الأصلية كتبت بواسطة ابوعمرة

انا كطالب من طلاب علمى علوم شايف ان احنا اكتر ناس اتظلمنا بقرار زى ده لان كده حرام اشمعنا احنا بس اللى ندرس جيولوجيا وطلاب علمى رياضة لا هما مش علمى بردو اما بالنسبة لادبى مش هتفرق معاهم لان علم النفس والفلسفة مفيش اسهل منهم غير كده هما درسوا نص المنهج بتاع المادتين فى سنة تانية وهياخدوا انصاف المناهج الباقية انما احنا عمرنا مادرسنا جيولوجيا وهناخدها لاول مرة وكمان منهج كامل مع الاحياء انا مش فاهم الناس ديه بتفكر ازاى انا لحد دلوقتى مبداتش دروس وهبدا بعد العيد ان شاء الله وبقرار زى ده انا بفكر احول علمى رياضة وخلاص امرى لله لان ربنا بيقول رحم الله امرؤ عرف قدر نفسه وانا مش قد الكم ده من المواد وبكره حاجة اسمهما جيولوجيا لانها اخت الجغرافيا بالظبط وانا فاشل فى الجغرافيا جبت فيها فى سنة اولى ثانوى 16.5 درجة مع ان بابا مستشار المادة بس فى الازهر بس انا مش داخل علمى عشان يجيبولنا مواد ادبية يرخموا بيها علينا مش ناقصة صراحة انا شايف ان رياضة اسهل ولو القرار ده اتطبق بشكل رسمى هاخد قرارى واحول علمى رياضة بعد ما اتفقت مع المدرسين وربنا يستر والحمدلله الواحد متفوق فى الرياضة بس كنت داخل علوم عشان عندى امل ونفسى احققه بس بالشكل ده هيبقى صعب اوى وحسبى الله ونعم الوكيل فى اللى بيخطط وبيجرب فينا !!!!!

ايه الاوفر ده .صلى على النبى مش كده
انتوا بتدرسوا نص المناهج يعنى سهلة جدا عليكوا انتوا مكبرين الموضوع اوى.يالهووووى

[ابوعمرة]

المشاركة الأصلية كتبت بواسطة دراكو مالفوى

ايه الاوفر ده .صلى على النبى مش كده
انتوا بتدرسوا نص المناهج يعنى سهلة جدا عليكوا انتوا مكبرين الموضوع اوى.يالهووووى

عليه الصلاة والسلام اوفر ايه بس ياريت تتكلم بصراحة اكتر ومتخافش لانه لا انا ولا انت هنغير حاجة فى القرار والمسئولين بيقرروا بمزاجهم ومحدش بياخد براينا غير كده انا معاك ان احنا درسنا نص المنهج بتاع الاحياء بس انت يرضيك يعنى انى اخد مادة زى الجيولوجيا ولا اعرف عنها حاجة ومنهج كامل وتعتبر زى الجغرافيا بالظبط يعنى رخمة نينتى فى حين انك درست نص الميكايكا ومش هيتضافلك اى حاجة تقدر تقولى فين بقى العدل فى الموضوع غير كده مين قالك انها سهلة لو سهلة ماكانت كل الناس دخلت علمى علوم بس مش اى حد يقدر على الاحياء حتى لو منهجها صغير يعنى مش اقصة عليه مادة رخمة كمان زى الجيولوجيا اللى هى عفريت الادبى يعنى حدث ولا حرج مفيش ارخم من كده ونص طلاب الادبى بيكرهوها وعارفين انها بتبقى اصعب مادة عندهم فى سنة 3 واسالهم وانت تعرف بعد كل ده تيجى تقول ان احنا مكبرين الموضوع طب ازاى اعقلها انت وتعرف ان العملية تستحتق ومتخافش على نفسك اوى وقول الصراحة لانى زى ماقولتلك القرار مش فى ايدينا والمسئولين شغالين يجربوا فينا وبيعملوا اللى عايزينه لمصلحتهم اولا وارضاءا للمدرسين ثانيا ونولع احنا ثالثا

[mido.uwk07]

المشاركة الأصلية كتبت بواسطة دراكو مالفوى

ايه الاوفر ده .صلى على النبى مش كده
انتوا بتدرسوا نص المناهج يعنى سهلة جدا عليكوا انتوا مكبرين الموضوع اوى.يالهووووى

يا بنى دا انت من كومنتاتك باين انك اسود اوى من جوا هدى نفسك شوية و ان شاء الله علوم مش هيخدوا جيولوجيا و على فكره انا رياضه

[دراكو مالفوى]

يا جماعة انتوا فهمتونى غلط

انا اصلا مخلص ثانوية عامة
وبحاول اهديكوا واظبطكوا
بس انتوا مش عارف كده مش على بعضكوا
بصوا انا قولت قبل كده علشان تتفادوا اى قرارات غريبة تحصل من الوزارة استغلوا 2 فى مذاكرة 3
انا اقنعت ابن عمتى يعمل كده وكان بياخد معايا دروس 3 وبيذاكر هو 2
ابن الايه خلص الاحياء والفيزياء والكيمياء وقصة العربى والنحو والبلاغة وهو مأسس نفسه فى الانجليزى
يعنى الواد ضامن الترتيب ع الجمهورية

على العموم اى استفسارات ...خناقات ..اشتغالات..ان شاء الله احاول اساعدكوا

[راجى طاعة الرحمن]

المشاركة الأصلية كتبت بواسطة دراكو مالفوى

يا جماعة انتوا فهمتونى غلط

انا اصلا مخلص ثانوية عامة
وبحاول اهديكوا واظبطكوا
بس انتوا مش عارف كده مش على بعضكوا
بصوا انا قولت قبل كده علشان تتفادوا اى قرارات غريبة تحصل من الوزارة استغلوا 2 فى مذاكرة 3
انا اقنعت ابن عمتى يعمل كده وكان بياخد معايا دروس 3 وبيذاكر هو 2
ابن الايه خلص الاحياء والفيزياء والكيمياء وقصة العربى والنحو والبلاغة وهو مأسس نفسه فى الانجليزى
يعنى الواد ضامن الترتيب ع الجمهورية

على العموم اى استفسارات ...خناقات ..اشتغالات..ان شاء الله احاول اساعدكوا

الثانوية العامة هاتفضل ثانوية عامة ولو خدها قبل كدة مليوووووون مرة هاتفضل قلقان وأعصابك متوترة..

وتسمع كل شوية كلام شكل شوية عن تغيير النظام وشوية عن تغيير المناهج يعنى ممكن تعب قريبك دة يروح هدر لاقدرالله بجرة قلم!

كدة كدة هانذاكر أياً كان النظام...لكن المشكلة فى التأقلم النفسى...

ومشكلة الدروس الخصوصية العويصة اللى موجودة وبكثرة..

المفروض إنى هابدأ دروس من الأسبوع اللى جاى..هابدأ إزاى وأنا مش عارف!

ومحدش يقول إن الوزير كدة بيضرب الدروس الخصوصية كدة كدة هاناخد دروس حتى لو اتغير النظام قبل الإمتحان بشهر...فمحدش يتنطط ويعمل نفسه برم ويبدأ بحل مشكلة الدروس لإن المشكلة دى محتاجة سنين...كدة زود الحمل علينا!

فى نظام السنتين كان طالب علمى علوم معاه 50 مضمونة فى علم النفس و10 مستوى مضمونين ممكن يشقلبوا الدنيا...ومكنش بيذاكر غير الفيزياء طول السنة...إحنا بقى شايلين الشيلة كلها حتى الفرنساوى خلوه فى تالتة طب لزمته إيه؟...ولزمتها إيه الإقتصاد والإحصاء مادام مش هاتنضاف على المجموع وهايبقى امتحانها على مستوى المحافظة...ليه التخلف!