علوم قاهره

[mohamed-mohsen]

المشاركة الأصلية كتبت بواسطة rana rory

السلام عليكم
انا مجموعى 95.24 و جالى علوم القاهره
و بصراحه اول ما عرفت اتصدمت و الدنيا قفلت ف وشى
لان حلمى كان صيدله و بسبب ظلم التصحيح
بس قلت الحمدلله اكيد ربنا كاتبلى الخير
بس المشكله بقى ابتدت لما الناس عرفت
و كلوا بقى يقولى علوم صعبه و مش هتشتغلى و المرتبات ضعيفه
انا مش عارفه اعمل ايه و حتى مش اعرف اى حاجه عن الكليه ولا اقسامها
و بقالى كتير جدا مش بنام من كتر التفكير
اى حد يقدر يساعدنى بالله عليكم لان دا مستقبل

كلية علوم صعبة بس عشان محتاجة مزاكرة وشغل عملى كتير مش أكتر موضوع الشغل ده سبيه على ربنا ......... موضوه المرتبات اعرف ناس خريجة علوم بتقبض ماشاء الله زى الفل xD اللهم لا حسد يعنى ............. وبما انك فى علوم القاهرة فساعدتك تنورينا وممكن تشوفى الموضوع ده فيه شرح للكلية
تعريف بنظام كلية العلوم جامعة القاهرة

المشاركة الأصلية كتبت بواسطة rana rory

طب انهى قسم احسن بترول ولا جيوفيزباء ولا كيميا حيوي ؟

بالنسبة لانهى احسن فمفيش وجه مقارنة بين القسمين اصلا ده شغل وده شغل تانى خالص ....... اما بما انك من شعبة علوم فمتهيألى هتمشى اكتر فى البيو

المشاركة الأصلية كتبت بواسطة Ehab Hegazy

بصي يا رنا انا داخل أولي علوم لسه يعني من دورك و سألت كل اللي اعرفه في علوم قالوا ان الكيميا هي أفضل قسم و هي تعتبر الأساس في الكليه و أعلي قسم كمان و مجالاته للشغل مفتوحه جداً و وظايفها في الشركات شبه مؤكده و انا فيه ناس ضامنين لي وظايف بعد ما اخلص بإذن الله

معلومة بس الكيمياء اكتر قسم بيلاقى شغل عشان ممكن يروح اى حتة بس هو مش افضل قسم ومش اعلى قسم ومش اساس الكلية نهائى يعنى xD

المشاركة الأصلية كتبت بواسطة rana rory

اها انا سمعت كده بس كمان بيقولوا ان قسم بترول بيتعينوا على طول ف شركات البترول لانه قسم خاص !!!
و الله انا بقيت تايهه و مش عارفه اخد قرار و المفروض انى اروح اقدم

كان من حوالى 3 او اربع سنين شركة شلمبرجير (متعهدة القسم) بتعين الاوائل عندها بس للأسف حاليا لأ |:

المشاركة الأصلية كتبت بواسطة Ehab Hegazy

اهااااااااا فيه علوم بترول قسم خاص

بس خريج الكيميا بيشتغل في البترول برضه و انا إن شاء الله هادخل كيميا و ليا قرايب في البترول الحمد لله قالولي خلص انت بس

خريج كيمياء ملهوش شغل تبع بترول غير لو دارس جيولوجيا لانها شيئ اساسى فى البترول (مع العلم ان شركات البترول بتشغل كيميائين برضوا بس ملهمش علاقة باستخراج البترول ولا وجوده فى الارض ولا اى حاجة من دى )