ملتقى طلاب الصف الثالث الثانوى (علمى علوم) 2014

[Ruins22]

المشاركة الأصلية كتبت بواسطة lally adel

حلو اوووى الحماس اللى بتتكلمى بيه ده .. و يا رب تفضلي محافظة عليه .. و على رايك هى سنة و خلاص .. احنا كنا سنتين ف الموضوع كان اصعب بالنسبة لنا شويه ..
بس الوحش اوووووى بقى و اللى ممكن يضيع حماسك دة كله ف وقت اسرع ما انتى ممكن تتخيلي .. هو لمحة التشاؤم اللى ف كلامك دى و مش هحل و مش عارف ايه ..
شيلي الكلام ده كله من دماغك خاااالص ف اسرع وقت .. ماتبدايش مذاكرة و انتى عندك الاحاسيس دى لانها كفيله انهل تدمر كل اللى هتحاولى تعمليه .. خلى دايما عندك امل و حلم اجري ورااااااه و ماتسيبيهوش و على قد ما هتتعبي على قد ما هيقرب منك ماتخفيش
اقري كلامى مع ياسمينا هتلاقينى قلتلها الثانويه العامة دى 50% منها توفيق من ربنل و 40% نصيب و 10% شغلك انتى و اجتهادك ف المذاكرة ..
صدقينى و الله هتلاقي تعبك ف الورقه و انتى بتجاوبي اخر السنة .. هتلاقي نفسك بتكتبي اجابة و تسيبي اجابه بتوفيق من ربنا انتى نفسك هتستغربيه و تقولى ايه ده انا ليه كتبت ده و سبت ده .. او ليه كتبت كل الاجابة الطويله دى .. دة بيبقى عشان ربنا عالم انك تعبانة ف المادة دى بجد ف بيديكى فيها اكتر ما انتى متوقعه .. و على العكس برضه لو ماتعبتيش ف ماده مش هتلاقى .. و حتى لو حليتى فيها كويس ف الامتحان ..
انا قلت لياسمينا قبل كده .. الدرجه اللى هتجيلك اخر السنة هى دى مقدار تعبك بالظبط زى ما ربنا شافه و اطلع عليه .. لو اجتهدتى ف المادة دى 90% هتجيبي فيها 90% لو اجتهدتى 95% هتجيبي 95% فيها و هكذا .. و ربنا بقى اعدل من الكل .. بيسخر المصححين عشان يحققوا عدله ده .. ممكن مصحح يتعمى عن غلط قدامه عشان انتى ربنا شاهد و مطلع على تعبك ف الماده دى .. و ممكن مصحح تانى يشوف الصح غلط عشان نفس السبب .. المصححين ما هم الا اداه
خلى ثقتك ف ربنا كبييييييرة اوووى و انتى مش عليكى اكتر من انك تتعبي و تتبهدلى و تبذلي قصاري جهدك و التوفيق من عنده هو بس .. و هتعرفي المعنى الحقيقي للتوفيق جوه اللجنة بجد ..
اما بقى عن اسئلتك ف زى ما قلتلك اللى ذاكر باخلاص و ضمير مذاكره صح هيدخل يقفل الامتحان مع توفيق ربنا ليه طبعا .. و كل ما درجه اجتهادك ف المذاكرة يقل كل ما دة هتطلع نتيجته ف الامتحان ..
امتحانات الثانويه العامة انتى مسيرك تشوفيها بعد ما تخلصي المناهج للطالب العاااااادى طبعا مش للطالب للفولاذى .. و ساعات بتبقي ف مستوى الطالب المعتوه .. ف ماتقلقيش من النقطة دى خااالص .. ولا للطالب المتميز ولا اى حاجة من الهبل ده .. اه بيبقى فيها مستويات طبعا ف الاسئله بس مش محتاج اكتر من واحد مذاكر و فاهم .. لان ساعات بيحيبو اسئلة يشوفوا بيها درجة الفهم عشان يميزو الفاهم من الحافظ ... فلازم تهتمى انك تفهمى و تستوعبي كويس اوووى من المدرس كل كلمة ف المتهج

ربنا معاكو و يوفقكو ان شاء الله .. و اى اسئله انا ف الخدمة .. يا رب اكون بفيدكو بس

شكراً على النصائح ديه و أنا فعلاً بقول لنفسى دايماً بدام عملت إلى عليا و خلاص، وبعدين هتعب إنشاء الله هما كام شهر مش سنه أصلاً، شكراً جده و أدعيلى انا داخل دروس الأسبوع الجاى
و على فكره أنا ولد مش بنت

أدعيلى أجيلك طب بقى

[lally adel]

1. المشاركة الأصلية كتبت بواسطة ruins22

   شكراً على النصائح ديه و أنا فعلاً بقول لنفسى دايماً بدام عملت إلى عليا و خلاص، وبعدين هتعب إنشاء الله هما كام شهر مش سنه أصلاً، شكراً جده و أدعيلى انا داخل دروس الأسبوع الجاى

   و على فكره أنا ولد مش بنت
   

   أدعيلى أجيلك طب بقى

2. اولا العفو و ماتشكرنيش لان ده واجبي
3. ثانيا انا اسفة انى كلمتك على انك بنت .. بس عشان معظم اللى ع الجروب هنا بنات و انت اسمك مش باين كلمتك على انك بنت .. سورى
4. ربنا معاك يااااارب و تحقق امانيك و تنور الكليه كده يااااارب
   
5. ربنا يوفقكو ♥

[Ruins22]

المشاركة الأصلية كتبت بواسطة lally adel

1. اولا العفو و ماتشكرنيش لان ده واجبي
2. ثانيا انا اسفة انى كلمتك على انك بنت .. بس عشان معظم اللى ع الجروب هنا بنات و انت اسمك مش باين كلمتك على انك بنت .. سورى
3. ربنا معاك يااااارب و تحقق امانيك و تنور الكليه كده يااااارب
4. ربنا يوفقكو ♥

معلش كنت عايز سؤال أخير، أنا عايز ترشيحات لكتب خارجيه فيزيا و كيميا و أحياء بس إنجليش، علشان أنا لغات، و تقريباً معرفش أى كتاب خارجى بينزل الحاجات ديه

[lally adel]

المشاركة الأصلية كتبت بواسطة ruins22

معلش كنت عايز سؤال أخير، أنا عايز ترشيحات لكتب خارجيه فيزيا و كيميا و أحياء بس إنجليش، علشان أنا لغات، و تقريباً معرفش أى كتاب خارجى بينزل الحاجات ديه

لا و الله انا كنت عربي معرفش ايه اللى فى السوق للغات ..
انت ممكن تنزل الفجالة و تسال و شوف ايه اسامى الكتب و انا اقلك ايه الافضل بينهم لان اكيد لو كتاب الامتحان مثلا بينزل لغات هيبقى افضل ف اكتر من مادة

[Ruins22]

المشاركة الأصلية كتبت بواسطة lally adel

لا و الله انا كنت عربي معرفش ايه اللى فى السوق للغات ..
انت ممكن تنزل الفجالة و تسال و شوف ايه اسامى الكتب و انا اقلك ايه الافضل بينهم لان اكيد لو كتاب الامتحان مثلا بينزل لغات هيبقى افضل ف اكتر من مادة

معلش طيب، علشان القرار الجديد إن الجولجيا نزلت فى المجموع، المفروض نذاكر الجلوجيا ديه من كتاب خارجى ؟ و ديه بيتاخد فيها دروس أصلاً ولا إيه ؟؟ أنا معرفش أى حاجه عنها

[lally adel]

المشاركة الأصلية كتبت بواسطة ruins22

معلش طيب، علشان القرار الجديد إن الجولجيا نزلت فى المجموع، المفروض نذاكر الجلوجيا ديه من كتاب خارجى ؟ و ديه بيتاخد فيها دروس أصلاً ولا إيه ؟؟ أنا معرفش أى حاجه عنها

بص انا برضه معنديش معلومات كتير عن الجيولوجيا غير انها كانت مادة صحابي ف ادبي بياخدوها ف تالتة .. موازية للفزيا كدة عندنا .. لانها كانت تعتبر اتقل ماده عندهم ..
طبعا هتاخد فيها درس لانها بتضاف للمجموع عندكو .. و فيها رسم و فيها تفاصيل كتيييييير جدا محتاجة تركيز و فهم ..
هتذذاكرها زى الاحياء بالظبط من مذكرات استاذك من كتاب خارجى من كتاب المدرسة اى حاااااجة .. المصدر اللى يريحك ف نظامه .. لكن لازم تقارنه الاول اول باول مع كتاب المدرسه .. عشان تتاكد انه فيه كل المعلومات اللى ف كتاب المدرسة و مش معدى حاجة كدة و لا كدة