علمى علوم ولا رياضة ؟!

[epicvantom]

بسم الله الرحمن الحريم
بالنسبة لعلمي علوم و لا رياضة
او اي تخصص يجب عليك انك تعرف
ميولك + قدراتك
شخصيا بصراحة دي هتبقي اول مرة اذاكر من ساعت الاعدادي ( انا فعلا كنت فاشل بجد و انا اعترف و متأكد بكدا ) يعني مش عارف حاجة من الي فوق دول (ميولي ولا قدراتي ) دا لاني ما ما ذكرتش في حياتي
و دخلت رياضة طمعا في الهندسة او الحاسبات او حتي شغل في الميكانيكيات لاني كنت فاكر اني بحبه من الافلام وكدا و اخوالي مهندسين ميكانيكيين كنت فاكرها حلوة
و طبعا لازم ادرس رياضة 2 و بصراحة مش صعبة عليا و لكن انا مش بحب الرياضيات اصلا
و عرفت كدا طبعا بعد 4 حصص في درس خصوصي رياضيات
مع العلم انها كانت سهلة بالنسبة لي
في الفترة دي
ترددت كثيرا جدا و قلت لناس كتير اني علوم لا رياضة لا علوم لا رياضة و عملت كدا كتير جدا

لمختلف الاسباب (انت يا متردد من اي فيلم تشوفه انا فاهمك كويس جدا ) ........
حتي ادركت الحقيقة
لازم تدرس الي انت بتحبه مش الي صعب او سهل طب مش عارف ايه هو ؟
اقلك شوية نصائح قد تساعدك
1- خد وقتك كويس جدا و ماتديش قرار بسرعة او لاي حد و قلهم لسة بفكر
2- خد وقتك في التفكير و البحث عن المجالات المختلفة و الاقسام عن طريق انك تسأل حد في كلية معينة انت عايزها و اسأل عن اكتر من كلية مش كلية واحدة بس ( ممكن تروح الكلية نفسها و تسأل ) ( دا لو لقيت حد يقلك طبعا )
دا طبعا لو انت متردد كتير زي كدا
حل اخر
لو مش عايز تسأل و عايز تسبها كدا بالبركة براحتك مش وحش خالص ( دا نوع من الاثارة )
بس في النهاية ادرس الي انت بتحبه
طب اكيد في حاجة تميز بين العلوم و الرياضة صح ؟
طبعا في .....
الرياضة .....لازم تبقي بتحب الرياضة او علي الاقل ماهر فيها ومش بتكره الرياضة
و 3 ثانوي لازم تبقي طالع فاهمها كويس جدا و عارف ان مستقبلك قد يكون فيها
يعني من الاخر ما تقباش نقطة ضعف عندك
و المجالات المتاحة هتبقي في شغل الكومبيوتر او الميكانيكا
العلوم......
شغل فيزياء و كيمياء و احياء
يعني علمي بشكل تعمقي و مجالاته كتير و ماحدش يقلك دا العلوم ما لوش مستقبل ...دا كلام فاضي فشخ .....
تفوق في مجالك الي انت بتحبه و سيب الباقي علي ربك
ملاحظة هامة جدا : (مش شرط تشتغل في مجالك تخصصك )
بمعني ان التخصص هو ليس سجن انما دا تجربة موسعة في مجال معين
و ادخل علي يوتيوب و اكتب "كيف تختار تخصصك الجامعي"
الفيديو شكله انميشن شوية( كارتون يعني)
كنت هجيب الرابط بس انا لسة جديد و ماوصلتش 25 مشاركة
ملاحظة هامة جدا هذا الفيديو يلخص ما اريد توضيحة لازم تشوفه
و خلص قراءة الموضوع..يعني كمل الي تحت
اتمني اكون افدت و لو قليل و ازحت شوية من التردد
كان معكم // epicvantom طالب ثانوي الصف الثالث .....الشرقية .مصر
هدفي :
i will train hard to be the best and show the world
cuz they called me loser ...i will amaze the world