مــــش انــقلاب - الصفحة 2

المصري أشرف · #16 25-08-2013, 10:32 PM

أكيد جهد وعمل 80 سنة ماضية راح في يوم وليلة وبسبب
الفريق أول البطل / عبدالفتاح السيسي
الذي إختار الإنحياز للشعب الذي هو واحد منه
ولو شغل 500 سنة جاية .. خلاص إنسوا حاجة إسمها
الجماعة المحظورة .. لقد جائتكم فرصة علي طبق
من ذهب فماذا فعلتم .. أصبتونا بقرف .. وحالات
أخونة للدولة مقيتة .. جعلتم من توافهكم
أسياد وخبراء وهم بالكاد يفكون الخط
أقصيتم الشعب .. وأستأثرتم بمناصب أعطيتوها
للموالين .. وليس للخبراء .. لذا أستحققتم ماآلت
إليه أموركم .. لعلكم تستفيقون وتصبحون جماعة دعوية
وهذا هو الأبقي كعمل صالح لكم في الآخرة

الكلاوى · #17 25-08-2013, 10:34 PM

http://youtu.be/zO2TevCkyNU
انقلاب

mr/Guirguis George · #18 25-08-2013, 11:46 PM

الفرق بين الانقلاب و الثوره
1-الانقلاب : الجيش يسيطر على كل اركان الدوله و ليس من حق اى شخص يخرج للتظاهر ضده يعنى الخطوه الاول تبدأ من الجيش
و فى حالات الانقلاب العالميه تغلق كل الصحف و كل القنوات الاعلاميه المؤيده و المعارضه لأن الانقلاب لا يحتاج الى من يؤيده
و لا يسمح لاى شخص ان يقول عليه انقلاب
2-الثوره: الشعب كله يخرج و يطلب مطالبه
و الجيش عليه ان يحمى هذه الاراده
3-لو كان انقلاب مكنتش الناس هتتطلع فى الشوارع و تحتفل بكل الطرق (زغاريد و اغانى و أفراح فى كل البلد)لرحيل هذا النظام الفاشل
لو كان انقلاب كانت الناس دى هتقعد فى بيوتها تبكى على حقها اللى ضاع منها
فى فرق بين الانقلاب و بين حماية ارادة الشعب من نظام ديكتاتورى لا يسمع الا صوت جماعته المغيبه التى لا تفقه شئ فى كل شئ
حين تكون كوارث فى البلد و يطلع مرشد الجماعه يقول (ما ذنب النباتات)
يبقى دا راجل.....
بيفهم

Âñå Prïñcëŝŝ zoza · #19 26-08-2013, 12:14 AM

اقتباس:

المشاركة الأصلية كتبت بواسطة جرجس جورج

الفرق بين الانقلاب و الثوره
1-الانقلاب : الجيش يسيطر على كل اركان الدوله و ليس من حق اى شخص يخرج للتظاهر ضده يعنى الخطوه الاول تبدأ من الجيش
وماذا عن من يخرجون الان ؟ هل يتم توزيع العصير والمياة المعدنية والقلوب والاعلام لهم ؟
ام يتم توزيع الرصاصات العشوائية والقناصات والخرطوش ؟
و فى حالات الانقلاب العالميه تغلق كل الصحف و كل القنوات الاعلاميه المؤيده و المعارضه لأن الانقلاب لا يحتاج الى من يؤيده
و لا يسمح لاى شخص ان يقول عليه انقلاب
وكل الصحف والقنوات المعارضة للانقلاب اغلقت بالفعل ولكن اعترض فى نقطة ان الانقلاب ليس فى حاجة لمن يؤيده
فمثلا الـقـاتـل احيانا يستعين بشخص او اكثر حتى يساعدوه على نشر الفساد والـقـــتـل والخروج من التهمة ببساطة
2-الثوره: الشعب كله يخرج و يطلب مطالبه
و الجيش عليه ان يحمى هذه الاراده
الشعب كله ؟! 33 مليون مش كده ؟ احنا كنا 112 مليون على فكرة
تعرفوا جبنا العدد ده من فين ؟
من جمب الرابط بتاع ال33 مليون بالظبط

3-لو كان انقلاب مكنتش الناس هتتطلع فى الشوارع و تحتفل بكل الطرق (زغاريد و اغانى و أفراح فى كل البلد)لرحيل هذا النظام الفاشل
فعلا ومكانش مبارك رجع تانى وكل اعوانه رجعوا اماكنهم فى الوزارة الجديدة
لو كان انقلاب كانت الناس دى هتقعد فى بيوتها تبكى على حقها اللى ضاع منها
فى فرق بين الانقلاب و بين حماية ارادة الشعب من نظام ديكتاتورى لا يسمع الا صوت جماعته المغيبه التى لا تفقه شئ فى كل شئ
حين تكون كوارث فى البلد و يطلع مرشد الجماعه يقول (ما ذنب النباتات)
يبقى دا راجل.....
بيفهم
طيب ماهو السيسى طلع قال تنقطع ايدى قبل ما تتمد على حد فيكم ؟ واتمدت كتيير
وكمان مرسى الوحيد اللى طالب بحماية المعارضين
على عكس الاخرين

تحياتى وتقبل مرورى

Mr.Optimistic · #20 26-08-2013, 12:25 AM

مش انقلاب ع فكرة ...........
هو ممكن كانت ثورة ضد الشرعية كما تطلقون عليها لكنها كانت برغبة الشعب ...
وصدق الحبيب علي الجعفري لما قال
عندما تسمع من يقول: "اذا تعارضت مصلحة الوطن مع خدمة الدين فسوف أُضحي بوطني من أجل ديني أو العكس " .. فاعلم أنه لم يفهم معنى الدين ولا مصلحة الوطن ..

لكل اللي بشكك في عدد اللي نزلوا .. انت نزلت الشارع وشفت يوم 30/6 ولا بتابع م الجزيرة وحياكم الله علي دا وبس
كنت جرب انزل التحرير أو انزل طنطا أو أقولك انزل الإتحادية ولا ليه ... تعالي قريتنا مفهاش مكان لعجلة تركن فيه وكلوا كان نزل .. ( كل دول مغيبين ذهنيا ؟ ) ام مخطوفي الذهن هم من يتحدثون ؟

متشفش الموضوع من زاوية واحدة ..

أنا بقي كمان مخطوف ذهنيا بس لعقلي مش للسيسي ولا لمرسي ..

mr/Guirguis George · #21 26-08-2013, 01:26 AM

شكرا للمرور الكريم
و شكرا لحضرتك
أ/اشرف
أ/نور
دائما مروركم يشرفنى

الكلاوى · #22 26-08-2013, 01:44 AM

انقلاب
لما كل مؤيد للرئيس مرسى يتقال عليم ارهابيين حتى لو ما كانش اخوان او سلفى
لما تحصل كل الاعتقالات دى ونرجع تانى لايام مبارك والعادلى ويرجع امن الدوله بكل قوته وكل جبروته يبقى ده ايه
لما تلاقى البلطجيه ايد واحده مع الشرطه يبقى ده ايه
لما تلاقى اكثر من عشرين محافظ لواءات وتلاقى مستشار وزير التعليم لواء ايضا يبقى ده ايه
لما يت*** خيرة شباب البلد يبقى ده ايه
حد شاف أحمد حلمي قال إيه ع الفيس ؟!
- طب حد قرأ مقالة بلال فضل ؟!
- طب حد قرأ كلام عمرو حمزاوي ؟!
- طب حد عرف إن يسرى فودة إستقال ؟!
- طب حد لسة ما عرفش إن البرادعي سافر وإنهم النهار ده حددوا جلسة لمحاكمته ؟!
- طب حد عارف وائل غنيم فين ؟!
- طب حد عرف إنهم أقالوا مدير شركة المقاولين العرب - طب حد عرف أقالوه ليه ؟!
- طب حد عرف إنهم قدموا بلاغ ضد علاء عبد الفتاح ؟!
- طب حد عرف إن محمد أبو حامد النهار ده قال إن أبو الفتوح وسليم العوا وأحمد ماهر والبرادعي الآن أخطر على مصر من كل الإخوان والجماعات المتحالفة معهم ؟!
- طب حد عرف إن التعديلات الدستورية لغت مادة العزل السياسي للحزب الوطني ؟!
- طب حد عرف إن التعديلات الدستورية لغت مادة مبادئ الشريعة الإسلامية ؟!
- طب حد عرف إن التعديلات الدستورية أضافت مادة بتقول لا يجوز عزل رئيس مهما حصل مظاهرات ضده وبأي عدد واخدينلي بالكوا إنتوا يا بتوع 30/6 ؟!
- طب حد عرف إن مبارك خد براءة ؟!
- طب حد عرف إن مبارك قال إنه مؤيد لـ 30 يونيو وللي عمله السيسي ؟!
- طب حد عرف إن تامرعبدالرؤوف مدير مكتب الأهرام بالبحيرة إت*** بنيران الجيش في كمين طب حد عرف ***وه ليه ؟!
- طب حد عرف إن حامد البربري مراسل الجمهورية إتحبس النهار ده مع إنه في المستشفى مصاب وده بعد كشفه لحقيقة *** الجيش لصحفي الأهرام ؟!