ملتقى طلاب الصف الثالث الثانوى (علمى علوم) 2014

[lally adel]

المشاركة الأصلية كتبت بواسطة في الجنة أحلامي

آمين يارب ويوفق الجميع
المشكلة إن احنا بعيد عن المحافظة خالص فهيبقى صعب اوصل لدار النشر
وكمان أنا معايا the best بتاع السنة اللي فاتت 2013 فمش عارفة ده هيبقى ليه ولا لأ
أنا هبقى أسأل المدرس وربنا ييسر ويكون عنده

دعواتكم معانا
فاكرة حاجة في موضوع الانقسامات والتكاثر ولا ؟
فيه حتة بتقول في الاقتران في نبات الاسبيروجيرا لما بتتكون اللاقحة الجرثومية ( 2ن ) وبعد ما بتتحسن الظروف بتنقسم اللاقحة ميوزياً لتصبح نصف عدد الصبغيات لإن الطحلب يكون احادي الصبغيات
ثم تنبت إلى خيط جديد
طيب هو مش المفروض إن اللاقحة انقسمت ميوزياً يعني المفروض تكون أربع خلايا ( ن ) وكل واحدة تنمو إلى خيط جديد
" أنا اللي فهمته من الكتاب إن اللاقحة بعد ما هتنقسم هتكون في النهاية خيط واحد بس جديد "
مش عارفة أكيد فيه حاجة أنا مش فاهماها مش عارفة
===
معلش اصل ساعات بحس ان الأسئلة بتاعتي خيالية فبسكت

وكنت عايزة أعرف أجيب ملخص واحد فرنساوي ولا أكتر من واحد
انا كنت متعودة بجيب برافو فمش عارفة اجيبه هو بس
ولا اجيب معاه واحد تاني ولو جبت اجيب جينيال ولا ميرسي ؟

ايوة هو مايقصدش ان اللاقحة الواحدة هتطلع خيط واحد .. هم ماشي 4 خيوط .. بس هو عشان يكملك الدورة بيكلم على اساس ان كل خيط منفرد هيعيد الدورة دى من تانى ف عشان كدة بيقولك ينتج خيط جديد .. و برضه اتاكدى من مدرسك و اوووعى تتكسفى تسالى او تسكتى .. اول ما تلاقى نفسك عايزة تسالى و مكسوفة كدة .. غمضى عنيكي و تخيلي السؤال دة قدامك ف ورقة الاسئلة ف امتحان اخر السنة ...شوفى بقى وقتها احساسك هيبقى عامل ازاى عشان اتكسفتى تسالى على السؤال ده " اختر الاجابه الصحيحة .. ينتج من الانقسام الميوزى للاقحة الجرثومية ( خيط واحد - خيطان - 3 خيوط - 4 خيوط ) .. دة مثال صغير يعنى

الفرنساوى مقدرش افيدك فيه لانى كنت المانى .. الشبابان شاء الله يساعدوكى

انتى ممكن تتصلى بس الاول بدار النشر تساليهم فى فعلا اجابات للكتب بتنزل و ممكن حد يشتريها و لا لا .. لو لقيتي ممكن تبقى تبعتى حد يجيبهالك او تنزلى ف مرة مع باباكى او اى حاجة يعنى .. اتاكدى بس الاول عشان ممكن تكون دى للمدرسين بس مش للطلبة