ملتقى طلاب الصف الثالث الثانوى (علمى علوم) 2014

[lally adel]

المشاركة الأصلية كتبت بواسطة ابوعمرة

والله الواحد مش عارف هيعمل ايه من غير نصايح حضرتك بصراحة حاجة رائعة تستاهلى عليها كل الشكر والتقدير وان شاء الله ربنا هيكرمك ويوفقك فى كل ماتتمنيه يارب
بس كان عندى حتة استفسار صغيرفى انى اذاكر الشابتر واطلع منه الاسئلة اعتقد ان ده هياخد منى وقت ولا رايك ايه ؟ انا كنت دايما كنت بقرا الشابتر من كتاب المدرسة واحفظ الاسئلة والاجوبة بتاعة الشابتر من الكتاب الخارجى وبعد كده احل من كتاب المدرسة والكتاب الخارجى فمش عارف هل كده صح ولا لا والسنة دى مش عارف احفظ اسئلة القصة من انهى كتاب خارجى عايز كتاب يكون لامم كل الاسئلة ومش سايب حاجة انا معايا جيم وسنيور ومش قادر احكم هحفظ اسئلة مين وكتاب المدرسة لسه مستلمتهوش بس النص الاصلى بتاع كل شابتر موجود ف سنيور فياريت حضرتك تنصحينى اعمل ايه بالظبط وهل انا كنت بذاكر صح ولا كنت بتعب نفسى ع الفاضى مع انى استمريت ع النظام ده من 3 اعدادى ل 2 ثانوى والحمدلله عمرى ما نقصت ف القصة بس بصراحة كنت بتعب منها فى الاخر لانها كانت بتاخد منى مجهود فياترى اكمل بنفس نظامى القديم ولا اغيره ولو كملت اذاكر من انهى كتاب خارجى ؟

حتة الجيولوجيا ياريت حضرتك تسالى لنا فيها احنا منهجنا السنة ديه اول 5 ابواب جيولوجيا لان الباب السادس اتحذف وعلوم البيئة عندنا الباب الاول والتالت لانهم حذفو الباب التانى يعنى الجيولوجيا وعلوم البيئة كلهم 7 ابواب فياترى يستاهلوا اخد فيهم درس من دلوقتى ولا استنى لشهر 12 ؟

سورى ع الرغى الكتير

بص انت تقريبا كده جاوبت على نفسك .. الاسلوب اللى انت ماشي بيه بياخد منك مجهود و اللى انا بقولك تمشي ببه برضه هياخد منك مجهود .. يعنى كده كده هتتعب و هتبذل مجهود .. يبقى - ف رأيي الخاص - لما تبذل مجهود و تتعب ف كتاب المدرسه و مذاكرة او تقريبا حفظ الشابتر زى ما هو ف الكتاب .. احسن بكتييييييير من انك برضه تبذل نفس المجهود ان مكنش اكبر منه ف حفظ الاسئلة من كتاب خارجى ..
عايزة الفت نظرك لحاجة جايز تكون انت نفسك لاحظتها .. كل كتاب هيجاوي بطريقته .. و حتى لو التزم بكلام التبكست الاصلي برضه هتلاقيه ف حتة حاطط التاتش بتاعه .. حتى ان ممكن تلاقة نفس السؤال ف كتابين و كل كتاب عامل اجابه مختلفة او ع الاقل صياغه مختلفه .. ف مدام كده كده فيها حفظ و مجهود يبقى الاضمنلك التيكست بتاع الوزارة .. بس انت ليك مطلق الحرية تختار اسلوب المذاكرة الاريحلك و الافضلك .. المهم تكون مجمع بيه كل المعلومات و مش سايب حاجة .. و لو قررت تستمر بنفس الاسلوب بتاعك يبقى اقرا القصه كذا مرة من التيكست الاصلي مش مرة بس و خلاص .. اقراها كتير عشان تعرف تظبط الكوتيشنز بتاعة الامتحان

بالنسبة للجيولوجيا ان شاء الله اول ما حد منهم يفتح هسأله على طول باذن الله

ربنا معاكو