أخبار المعلمين المنقطعين بمحافظة كفر الشيخ و المحافظات الأخرى

[محمود لطفى1]

المشاركة الأصلية كتبت بواسطة kanekn

يا جماعة الاستاذ مسئول قسم الاحصاء فى ادارة بيلا
قال ان المعلم المساعد المنقطع ليس له كود على موقع الوزارة وان كود الوزرارة يتعدى 7 او 8 ارقام
اما اكواد المنقطعين فهى اكود عن طريق برنامج تم تصميمة فى مديرية التربية والتعليم

من الاخر احنا بينضحك علينا علنى واحنا مصدقين وبنضحك على نفسنا احنا كمان مش بعيد نلاقى نفسنا فى الشارع لان احنا كدة اللى بنضيع حقنا بنفسنا ولا مدير الادارة يقدر يعمل حاجة ولا حتى وكيل الوزارة الوحيد اللى عندة الحل والربط فى موضوعنا هو المحافظ لكن انتو بقا بتستسهلوا الطريق وخلاص وكل واحد بيقولنا كلمتين بنصدقوه وخليها ماشية ونقول الحمد لله المرتب زاد والعيسة بقت فل وحتى الحد الادنى احنا مستعجلين ليه مسيرنا نتعين بعد عمر طويل ويبقالنا فيه لما يبقى الـ1200 ميجيبوش كيلو لحمة اصل احنا ملناش فية دلوقت غير بعد التعيين لان ملناش درجة مالية بس خير احنا وصلنا برده لمرحلة تمام وفل وطول ماحنا ساكتين هما كدة مرتاحين ولا انتوا مفكرين ان هما اللى هيدوروا علينا ويتحايلوا ويقولو لنا والنبى تعالوا علشن تتعينوا احنا منقدرش نستغنى عنكم
يا جماعة فوقوا بقى حرام عليكم احنا كدة بنتظلم رسمى
احنا لازم نتمسك بالقانون اللى بيقول ان كل من قضى 27 سبعة وعشرون شهرا بالتربية والتعليم يتم تعيينه واللى قبل كدة اتعينوا بهذه الطريقة واحنا نتم المدة فى أول يناير 2014 وهما عندهم نص القانون ولا احنا هنقعد نجادل فى بعض وكل واحد برأى مختلف واللى يسمع اشاعة ينشرها واحنا نصدق فاكرين زمان لما كنا بنقف كنا بناخد حقنا واللى احنا وصلناله ده بصمودنا وأقسم بالله لو كنا صمدنا كمان اسبوع كان زمانا اتثبتنا من العام الماضى لكن احنا فرحنا بالـ 400 جنيه وقلنا نعمه وهكذا السنه دى هنفرح بالـ600 ونقول احنا كدة كل سنة فيه جديد لحد ما يطبقوا الحد الادنى ويلاقوا الميزانية اتخربت فيقولوا نوفر شويه فى المرتبات وطبعا المستشارين والجماعة الكبار مش هيقدروا يمشوهم وإلا كانوا مشوهم من زمان لكن يقدروا على المتعاقدين وان شاء الله المتعاقدين فى التربية والتعليم كتير يوفروا مبالغ واهى نوايه تسند الزير ولا انتوا مش واخدين بالكوا ان بعد كدة معدش فيه حاجة مضمونة والا كانو اللى مرجعوش كان القضاء نصفهم ورجعهم
ولا اقولكم ايه
يلا الحمد لله ادينا عايشين واحنا احسن من غيرنا على اساس ان مفيش شخص واحد مرتبه فى شهر يساوى مرتبنا ومعاشنا لحد ما نموت بس بردة احنا احسن منغيرنا اهو حتى لو وقفت هناكل طقه واحدة بس هنلاقيها حتى لو عيش وطعمية
وسلااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااام يا منقطعين