تكمله(فكرت تدخل قصر البارون؟انا دخلته)

[SENDRILLA]

ختامه مسك
دي اخر حلقه
ودي عباره عن المواقف الطريفه اللي حصلت معاهم جوه القصر
يعني متهيألي مفيهاش جديد
هاه مقلتوليش هنبتدي الحلقات التانيه وللا ايه ؟
لو مش عايزين براحتكم بجد
اهوه توفروا


الحلقه التاسعه والاخيره



تصدق ...لما اخدت الاجازة قولت يا نهار ابيض ..ازاى كتبت كل دة فى الدراسة ..واشمعنى جى تزامن القصة دى مع امتحان الالكترونيكس ؟؟؟
يمكن لان الرعب كان صفة مشتركة مابينهم؟؟..يمكن
لكن تعرفوا على الرغم من الرعب اللى حصللى ولاصحابى فى القصة دى ...لكن احيانا العملية كانت بتقلب معانا كوميديا واحنا جوة
مثلا ,فى مرة كنت قاعد مع كريم على السلم الخلفى للقصر وكنا قاعدين بنحكى (بينى وبينكم كنا بنتكلم فى حاجات عاطفية شوية ..شوية مشاكل بالنسبة لة ) ..المهم كان الجو رومانسى وهو بيحكى ..وهو بيتكلم قام عدى خفاش من جنبنا ..اية دة يا احمد ؟ ...لالا ماتقلقش دة خفاش ..عادى يعنى
كريم :اااااة خفاش ...اية مين ..خفاش وبتقولها عادى كدة ..محسسنى يالا اننا قاعدين على النيل وبتقوللى شايف العصفور..

مرة تانية كانت اول مرة لنا لزيارة القصر ..كان القصر محاط بسلك شائك مش سور وكان منظرة يخض..اول ماعديت مع فهد صاحبى من السور ..سمعنا ضحكة عالية ..هاااااههاااااهااع..طلعنا نجرى واتشبكنا فى السور وبنطلونى اتقطع وكانت ليلة لطيفة ..طلع فى الاخر مصدر الضحكة مجموعة شباب كانوا تقريبا سكرانين وقاعدين عند سلم القصر..
ومرة لما زوغت بال12 بنى ادم من المدرسة ..روحنا صحينا الحراس من النوم ودخلنا ..من الزحمة جوة كنت حاسس انى فى اتوبيس ..ماشيين نخبط فى بعض ..
انتوا عارفين ..بعد ماحصل معى الكلام الغريب اللى حكيتة وقولنا ماحدش يروح ..
خرجت فى مرة مع اصحابى وقولنا هنروح ناكل من عند عبدة تلوث..كان معانا عربية ..روحنا واكلنا ..كل واحد كل مش اقل من 6 ساندويتشات
طبعا عارف يعنى اية 6 ساندويتشات من عبدة تلوث ..يعنى كبدة عبدة الاصلى ..يعنى ... ويعنى .... لدرجة ان الراجل نفسة قال لنا ,كفاية كدة يا شباب انتوا قاعدين بنجوعوا مش بتاكلوا ..(شوف الرجل خايف علينا)
حسينا ان احنا هيسنا على الاخر من الساندويتشات العجيبة دى ..قولت اقتراح عجيب ,اية رايكم نروح القصر؟؟
لاقيت تايييد غريب ...قشششطة عليك يالا نروح القصر ..قصر مين يا جدعان دة انا كنت بهرج معاكم ..لالا انا هانروح يالاااااااااا
وفى ثوانى علشان العربية كنا هناك ...يالا بقى يابو حميد انت راجل خبرة ومش هنط غير لما انتا تنط ....(هو احمد خلاص بقى رمز للاقتحام) يالا مش مهم
كل ماجى اطلع على السور افتكر اللى حصل ..ارجع ..كريم بس اللى كان حاسس بى ..قولت لهم ادخلوا انتم,وهادخل وراكم
لحسن الحظ ان كان معى تلاميذى ..فهد وكريم ..قاموا بالواجب وكنت مشرف من برة ..اول مرة اكون عضو المراقبة والتغطية
دخلوا ولاقوا فى ابواب مقفولة بالخشب والمسامير ..بقالنا كتيير طبعا مابنروحش ..بس الحمد للة كان معانا عضو جديد يشغل دور البلدوزر ..عصابة جامدة
دخل فى كل الابواب وكسرها وطلع جابللى الخشب اللى كان مقفول بية الابواب ..اول مرة احس بجد انى زعيم عصابة والناس بيشتغلوا ويجيبوا لة النتائج
احساس رائع بجد...
ودخلوا اخدوا الجولة المعتادة ...فكرت ..طب اية الجديد ..لازم نعمل حاجة جديدة وجامد ..خلاص ..هانطفى نور القصر كلة ..
عارف اماكن توزيع الكهرباء فى القصر واماكن كابلات النور ..
مهام على مستوى رفيع ...وافقوا على الفكرة ..بس كدة لازم ادخل ..اوك...بس دى يا جماعة هاتكون اخر مرة ندخل فيها القصر ..وبالمناسبة دى ولان عددنا كبير ..هاننفذ اللى فى دماغنا ونفصل الكهرباء عن كل كشاف فى القصر ولو حارس اعترضنا ..مافيش غير خيار واخد ..الحرب(هههههه)
هاخد معى اخف اتنين ..فهد وكريم ..وبالنسبة لاحمد البلدوزر هيستنانا برة بالعربية نطفى النور ونطلع ننط فى العربية ونطير..
بالفعل عملنا كدة ..لكن قفلنا النور على مرحلتين ..مرة طلعت مع كريم للدور التانى وفصلنا النور للجزء الجانبى للقصر
ومرة تانية طلعت اغطى وفهد وكريم دخلوا ..طلعو السطوح وطفوا القصر كلة ..كريم هو اللى طفى فى المرتين..
وكنت بغطى من برة علشان الكلاب لما تجرى وراهم نحدفها بالطوب وتبعد عنهم لحد مايطلعوا ...لاقيت الباشوات طالعين على مهلهم ومبسوطين قوى انهم طفوا القصر وطالعين بيرقصوا لى ....يالا ياض انت وهو اجرى بسرعة ..لسة بيرقصوا والكلاب شافتهم وهم ماشيين بالراااااحة ..
مالاقيتش حل غير انى احدفهم بالطوب ...اصحابى مش الكلاب...
القصر دة طلع مننا رغبات مجنونة كتييير ..بس انك تكون زعيم عصابة ...دى امتع رغبة مجنونة