|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
16-10-2013, 12:16 AM
|
|||
|
|||
انا هناااااااا يا شباب معاكو و الله ..
كل سنة و انتو طيبييييييييييييييين .. عيد سعيد عليكو .. انا متابعاكو على طول و الله بس ما بكتبلكوش حاجة عشان محدش سال على حاجة  .. انا قلتلكو انا هتابع من بعيد و اللى محتاج حاجة يقولى .. خمووووول ايييييييييييه اللى حسيتو بيه .. هو احنا لسه عملنا حاجة .. لسه بدرى اوووى ع الكلام دة ..اللى محتاج حاجة يسال و انا هرغى .. وجهولى الكلام بس عشان ابقى عارفة ان السؤال موجه ليا انا ربنا معااااااكو
|
|
#2
16-10-2013, 01:01 AM
|
|||
|
|||
|
اقتباس:
|
|
#3
16-10-2013, 01:50 AM
|
|||
|
|||
|
اقتباس:
بالنسبة لبذاكر ازاى دى فلو قريت مشاركاتى اللى فاتت و ردودى على الشباب هنا هتقدر تعرف انا كنت بعمل ايه بالظبط بالتفاصيل كمان  ..اهم حاجة اقدر اقولهالك هى .. ذاكر اول باول و ماتراكمش على نفسك المذاكرة .. حل كتيييييير اوووووى .. الحل عليه جزء كبيير جداااا من تثبيت المعلومة ف دماغك .. تابع مع مدرسينك و بلاش تثق فيهم اوووى .. دور وراهم و خليك على طول فاتح كتاب المدرسة قدامك لان برضه جل من لا يسهو ممكن يكونو عملو حاجة غلط و هم مش واخدين بالهم .. و طبعاااا استعن بالله .. و خليك واثق ف كرم ربنا و ف انه شاهد و مطلع عليك و على تعبك و شغلك و هو وحده اللى حاسس بيك و قادر انه يكرمك .. و على اد ما تتعب بجد هتلاقى .. اما بالنسبة للسؤال التانى ف انا كنت بتمنى ادخل طب لكن مكنتش واثقة طبعا انى هدخلها لان محدش بيبقى متاكد هو هيقدر يحدد هدفه و لا لا .. كنت عاملة حساب اى نسبة خطا منى او تقدير من ربنا انه مايكتبليش الكلية دى او المكان اللى انا بتمناه ده .. بس كنت بحاول اشتغل على انى اوصل للهدف دة بكل ما اقدر عليه .. فى صعوبات كتير هتواجهكو و مطبات و تعب و قرف و حالات ياس و ضغط نفسي و عصبي و كل حاجة ممكن تتخيلوها .. بس اعرفو حاجة .. اللى انتو بتمرو بيه بيمر بيه كل طلبة الثانوية العامة على مستوى الجمهورية و مرت بيه الدفعات اللى قبلكو و هتمر بيه الدفعات اللى بعدكو .. اللى بيميز بقى واحد عن التانى هى قدرة كل واحد انه يفضل صامد و واقف على رجليه و انه يفضل يقاوم الصعوبات دى لحد اخر نفس و اهو ع الاقل يبقى يكفيه شرف المحاولة لو لا قدر الله فشل .. اتمسكو بحلمكو و ثقو ف ربنا و اشتغلو و خدو بالاسباب و ان شاء الله ربنا مش هيسيبكو ابدا .. ربنا معاكو 
|
|
#4
16-10-2013, 02:00 AM
|
|||
|
|||
|
اقتباس:
لما اجى احل فى كتاب الامتحان فهل لازم كل سؤال اكتب اجابته ولاممكن اكون عارف اجابته واجاوبها شفوى وبعدين اعمل علامة صح على السؤال على اساس انى جاوبته زى مثلا اسئلة علل وماذا يحدث اللى مش بيكون ليها مكان للأجابة فى كتاب الامتحان وبصراحة بتستهلك وقت جامد علشان اكتب السؤال واجابته فى كشكول خارجى
|
|
#5
16-10-2013, 08:43 PM
|
|||
|
|||
|
اقتباس:
بالنسبة لحوار الوقت .. لما تستهلك وقت كتير ف المذاكرة ف دى حاجة مش وحشة خاااالص .. انت وراك ايه اصلا غير المذاكرة .. ممكن تبقى تستخدم حوار الشفوى دة ف المراجعه اللى قبل الامتحان بتاع اخر السنة لان انت المفروض بتكون خلاص حفظت الاجابة كتابة طول السنة و فعلا ف الوقت اللى قبل الامتحان دة انت محتاج كل دقيقة .. مع ان و الله انا كنت لحد ليله الامتحان بحل بالكتابة .. لازم تمرن ايدك انها تكتب كتيير ف وقت قليل لان انت محكوم بالوقت ف امتحان اخر السنة و مواد زى العربي و الاحياء و الفيزيا و الجيولوجيا عندكو امتحاناتها بتيجي ملياااانة على حق ربنا .. ف لو مكنتش ايدك متدربة انها تسعفك ف الكتابة بسرعه مش هتسعفك ف الامتحان لا قدر الله .. ربنا معاكو
|
|
#6
16-10-2013, 02:29 AM
|
|||
|
|||
|
اقتباس:
بجد ربنا يكرمك على الافاده الرهيبة اللى بنستفيدها منك بمناسبة العيد فهاخد عيديتى بسؤالين لولبين الاحياء ازاى تذاكر كويس يعنى السنادى تقريبا بلاقى الدرس كله عاوز يتحفظ من اوله لاخره فبفهمه جدا واحفظه تمام بس اما اجى احل احيانا الاقى سؤال انا فهماه وعارفه اجابته بس مش عارفه عاوز اكتبله ايه بالظبط من المعلومات فعاوزة اعرف كنتى بتذاكريها ازاى امن اول ما تخديها فى يومها لحد الحصة اللى بعدها انا السنه اللى فاتت كنت برجع من الدرس اقرا الدرس احل الواجب والسؤال اللى معرفوش اجيب اجابته من الكتاب واحفظه وجبت 19,5 بس خايفه اعمل كده السنادى لانى لو حليت الكتاب open book كده مش هلاقى اسئله تقف قدامى او اختبر نفسى فيها انا معايا كتاب الامتحان اجيب حاجة تانى ولا تمام كده لسؤال التانى ازاى المراجعة  انا مش عارفة ازاى اراجع (فى اى ماده ) يعنى امسك الدرس اقراه تانى ولا احل عليه من كتاب غير اللى بحل فيه علطول ولا ايه بالظبط سورى يا دكتور اسئلتى ذكية شويه وحطمت الرقم القياسى فى الرغى هههههههه
|
|
#7
16-10-2013, 09:00 PM
|
|||
|
|||
|
اقتباس:
لو هتتكلمى ع الرغى ف انتى كدة بتشتميني .. لان انا عملت ارقام قياسية فيه و حطمطها كمان ..و كل اللى ف المنتدى هنا يشهد شوفى يا ستى .. بالنسبة للاحياء .. انتى ترجعى من الدرس تشوفى ان كنتى هتذاكرى الجديد اللى خدتيه دة ف نفس اليوم و لا اليوم اللى بعده .. حاولى ما تاخريهوش اوى عشان يبقى لسه الكلام طازة ف دماغك و كمان عشان ما تتزنقيش قبل معاد الحصة اللى بعد كدة .. تقعدى تمسكى الكتاب اللى هو المصدر اللى انتى بتذاكرى منه و اللى متاكدة انه مطابق لكتاب المدرسة .. تفصصى الدرس حتة حتة .. تقري الجزئية دى و تشرحيها لنفسك و تفهمى هو عايز يقول ايه منها .. طل لو حب يجيب اسئلة ف الحتة دى يقول ايه .. اه يقول مثلا علل كذا كذا كذا و كدة هتبقى الاجابة كذا كذا كذا .. الكلام دة تكتبيه ف الورق اللى هتذاكرى فيه .. تكتبي السؤال باجابته سواء بقى قدرتى تكتبي الاجابة دى من ذاكرتك او نقلتيها م الكتاب مش مشكلة .. المهم انك تبقى بتكتبي الاجابة اللى هى النموذجية .. و تفضلى على كدة لحد اخر الدرس .. تحاولى بقى كل موضوع تجمعيه مع بعضه .. يعنى مثلا عندك التكاثر ف الزهرة بعد ما تخلصيه تقولى اه يبقى كدة التكاثر دة بيتم على خطوات الخطوة الاولى كذا كذا وبيحصل فيها واحد اتنين تلاتة .. و التانية كذا .. و هكذا .. بحيث انك بعد ما تخلصى الخطوات كلها تبقى مراجعه علي كل الخطوات و انتى قاعدة عشان تفكرى نفسك يعنى .. بعد ما تخلصى الدرس على كدة تبداى حل .. عاااادى جدا انك هتلاقى نفسك فى حاجات بتحليها غلط و حاجات بتفتحى فيها كتاب الشرح و حاجات نسيتيها .. مش مشكلة خاااالص .. المهم انك لو كنتى مثلا ناسية اجابة السؤال دة و فتحتى الكتاب و نقلتيها تراجعى ع الاجابة دى تانى و تحاولى تكتبيها لوحدك من غير ما تبصى ف الكتاب عشان تتاكدى انها كدة ثبتت .. الاسئلة اللى انتى تبقى عارفة اجابتها بس مش عارفة تصيغيها ازاى دى تسالى فيها مدرسك لو ملهاش اجابة واضحة ف الكتاب و بالخبرة و كتر الحل هتقدرى تلمى الاسئلة دى و تحصريها و تعرفى لما يسالنى على كذا يبقى هو عايزنى اتكلم عن الحتة الفلانية .. بعد ما تاخدى مثلا تلات اربع دروس كدة هتبصى تلاقى نفسك بداتى تنسي اللى انتى ذاكرتيه ف الاول .. دة عااادى جداااا .. اول مذاكرة دى بتبقى الفرشة اللى انتى بتفرشيها بس مش اكتر .. البنا كله بقى و التثبيت بيبقى بالمراجعه .. المراجعه ازاى .. مبدئيا كدة الاولوية للحاجة الجديدة اللى هتتذاكر .. يعنى ما يبقاش انتى عليكي مذاكرة عربي متاخرة و تقعدى تراجعيلي حاجات قديمة م الفيزيا .. لا خلصى مذاكرة الجديد الاول و الحل عليه و بعدين راجعى .. تراجعى ازاى .. ف الفترة دى اللى انتى بتذاكرى فيها و مشغولة بستين حاجة غير مراجعه القديم يبقى كفاية اووى ان انتى تقري الدرس كدة قراءة متانية بحيث انك تفتكرى بس التفاصيل اللى فيه و بعدين تبداى تحلى من مصدر تانى غير اللى انتى كنتى بتحلى منه بعد المذاكرة .. حتى لو و انتى بتحلى كنتى فاتحة كتاب الشرح قدامك مش مشكلة .. اهو حتى و انتى بتنقلى كدة من كتاب الشرح دة ف حد ذاته بيفكرك بمعلومات ممكن تكون كانت واقعه منك او نسيتيها بسبب تراكم المذاكرة .. بعد كدة بقى لما تخلصى المنهج ان شاء الله مش هيبقى وراكى غير المراجعه اساسا ف هيبقى ليها نظام تانى مختلف .. لما يجي وقتها ان شاء الله نبقى نتكلم فيه .. اى اسئلة تانية انا ف الخدمة ربنا يعينكو
|
|
#8
16-10-2013, 10:57 PM
|
|||
|
|||
|
اقتباس:
بجد افدتينى جدا ربنا يباركلك مممم انا اقصد مراجعة عشان امتحان شامل مثلا ولا ملوش لزوم انا كده كده فى كل المواد بيبقى الامتحان كل حصة شامل تقريبا ههههه طب افهم من كده ان فى كل المواد مدام برجع من الدرس اذاكر الى خدته بضمير واحل عليه التمرين كله يبقى عملت اللى عليه حاليا ؟؟؟ و مادة زى العربى مثلا انا الواجب بتاع الحصة بيبقى صفحتين فلوسكاب على كل درس تقريبا كفاية ولا احل كتاب الامتحان معاه انا كل ده مستنية كتاب المعلم مراجعة عشان الاجوبة النموذجية فرايك اخليه للمراجعة واحل دلوقتى من الامتحان ولا ايه ؟ حاجة كمان انا الانجلش باخد مع مستر فى سنتر هو كويس جدا فى كل حاجة وبيصحح الواجب معانا بس المشكلة فى البراجراف انا عاوزة حد يصححهولى انا ويعرفنى ايه غلطاتى وده طبعا مش بيحصل لان احنا بنبقى 100 واحد تقريبا وكمان مش بعرف احل غير من كتابه لانى محدش هيصححهولى يبقى ايه لازمته وانا جربت ناس كتير و هو اكتر حد عجبنى مش عارفة ايه الحل انا عاوزة حد يبقى متابعنى انا وعارف نقط ضعفى وفى نفس الوقت ده اكتر مستر بفهم منه فايه الحل لان السنه بتعدى وانا خايفة جدا من موضوع الانجلش منه واكيد مش هاخد درسين انجلش يعنى عاوزة رايك اسيبه واخد مع مدرس فى البيت مثلا واخليه يمشى بالنظام اللى يريحنى ولا ايه بالظبط ؟ سورى يا دكتورة طولت عليكى اوى بس انا بثق فى رايك جدا وجزاكى الله خيرا على مساعة المحتاسين زى هههههههه
|
|
#9
17-10-2013, 08:57 PM
|
|||
|
|||
|
اقتباس:
ما هو انا بقلك انتى لو عليكي امتحان شامل هتراجعى الدروس اللى داخلة ف الامتحان دة واحد واحد كدة بقراءة متأنية عشان تفكرى نفسك و بعدين تبداى تحلى عليه .. و كل ما هتحلى اكتر كل ما هتكتشفى انتى نقط ضعفك فين و ايه اللى محتاجة تتكى عليه و ايه اللى كدة كويس و كمان بتثبتى المعلومات ف دماغك .. بالظبط كدة .. مدام ذاكرتى كويس اووى و حليتي كدة تمام .. دور الجزء دة ف الوقت الحالى خلص .. بصى حل العربي دة انتى اللى هتحدديه .. لو بتحسى ان اسئلة واجب المستر دى كفاية بالنسبة لك و بتخليكي هاضمة الدرس كويس و فاهماه و مستوعبة كل نقطة فيه و بتحلى لحد ما تحفظى الاسئلة يبقى خلاص كدة كفاية .. لكن لو بتحسي انك لسه محتاجة تحلى تانى او لسه فى حتت ناقصة و حاجات مش مهضومة و حاجات عايزة تشوفيلها اشكال اكتر يبقى هاتى كتاب تانى و ابداى حل .. و الافضل انك جنب اى حاجة هتحليها تشوفى اسئلة السنوات السابقة و تشوفى الاسئلة بتاعة الامتحان على الدرس دة بتيجي شكلها ايه .. انتى بس اللى هتقدرى تحددى انتى محتاجة ايه بس المهم تكونى صريحة مع نفسك ما تقوليش لا دة الواجب كفاية اوى عليا لمجرد انك كسلانة تحلى حاجة تانية او معندكيش وقت ليها .. بلاش حركات النصب دى بصى البراجراف دة ممكن تحلى مشكلته بانك تكتبيه مثلا ف ورق فلوسكاب او كشكول و تديه للمستر .. كل اسبوع كدة تكتبي واحد و تديهولو تقوليله ممكن يا مستر تشوف البراجراف دة .. ممكن تفضلى واقفة معاه بعد الحصة تقوليله بص كدة يا مستر على البراجراف دة و تخليه يعلمهولك .. مرة كل اسبوع مش هيحصل حاجة و مظنش هيقولك لا .. لو مش كدة يبقى مدرس المدرسة .. انزلى مثلا كل اسبوعين و لا 3 اسابيع مرة و جمعى البراجرافات دى و اديها لمدرس يكون موثوق فيه عندكو ف المدرسة و اقعدى معاه قوليله ممن يا مستر تشوفلى البراجرافات دى .. كدة يعنى .. حاولى تتصرفى ف حدود المتاح بالنسبة لك .. لكن مش لدرجة تغيير المدرس يعنى مدام بتقولى انه كويس و شاطر و انتى بتفهمى منه حلو .. و لا يهمك يا قمر طولى براحتك .. يا رب بس اكون بقدر افيدك .. انا كفاية عليا اووووى الدعوتين اللى ف الاول دول ربنا يعينكو
|
|
#10
16-10-2013, 03:41 AM
|
|||
|
|||
|
اقتباس:
|
|
#11
16-10-2013, 09:27 PM
|
|||
|
|||
|
اقتباس:
الفيزيا .. جيت ع الجرح .. بص انتو بادييين الفيزيا بالكهربية .. الكهربية دى لو انت ليك حد كان اكبر منك ف ثانوية عامة كانت هى بعبع الفيزيا مع ارشميدس طبعا و كام حاجة كدة م اللى انتو خدتوها ف تانية .. انت حاسس دلوقتى ان الفيزيا صعبه و رخمة و معقدة لانه مختصرة بالنسبة لك ف الكهربية اللى هى اصلا كانت عقدة كل الدفعات من قبلك و من بعدك .. زى ما قلتلكو قبل كدة لو دورت ف مواضيعي هتلاقى فى موضوع انا كاتباه بسبب الفصل التاسع فيزيا دة لانى مكنتش عارفة احل فيه و لا مسالة و ولد من هنا ع المنتدى الله يباركله كان بيساعدنى و قعدنا نحل مع بعض الاسئلة و يشرحلى حوار توصيل المقاومات و ايه توالى و ايه توازى و كدة .. ف الاول كل حاجة بتبقى صعبه لكن واحدة واحدة العقد كلها بتتحل بامر ربنا .. اهم حاجة ان انت تكون فاهم الاساسيات و فاهم القوانين و ايه جاى منين و ايه اصله فين و ازاى تفك المقاومات من بعضها و ازاى تحسب مقاومة مكافئة و ازاى تعرف التوالى م التوازى .. اكييييييد هتلاقى اسئلة صعبه و اسئلة واقفة معاك .. انا عايزة اقلك تمرين كتاب الامتحان دة اللى ع الفصل التاسع انا مكنتش عارفة احل منه مسالة و الله من غير مبالغه .. بس لما كنت بسال المسالة دى ازاى و اعرف حلها الاقى اللى تحتها زيها .. اجى اجرب احلها لوحدى احلها اول مرة غلط و تانى مرة الالة تخرف ف تطلع النواتج غلط و تالت مرة تطلع صح .. كنت باجى بعد فترة احل نفس المسائل دى تانى الاقى اللى مكنتش عارفة احله ف اول مرة عرفت احله بعد 3 محاولات مثلا و اللى عرفت احله ف اول مرة بعد 3 محاولات بقيت احله من اول محاولة .. و هكذا .. عقدة الفيزيا هتتحل معاك بالتدريج بكتر الحل و التدريب ع المسائل و انك تتعرض لاكبر كم ممكن من اشكال الاسئلة عشان عينك تاخد عليهم و ما تتخضش بعد كدة من اى شكل مسالة يجيلك .. اهم حاجة ف مذاكرة الفيزيا ماتهملش النظرى على حساب المسائل .. يعنى اوووعى تركز ف الفيزيا ع المسائل و تركن النظرى و لا تذاكره كدة تقضية واجب و تركز ع المسائل بس .. لا .. ادى لكل حاجة حقها .. اه المسائل بتاخد مجهود و تركيز اكبر لكن برضه النظرى مهم و يمكن اهم م المسائل كمان و بيلم درجات اكتر من المسائل .. امسك الدرس فصصه .. طلع النظرى الاول و ذاكره كوويس فهما و حفظا .. طلع التعريفات و التعليلات و الاساس العلمى و الاستخدامات و المقارنات و الحاجات بتاعه ماذا يحدث و متى و ما النتائج و الاسئلة دى .. جمعها وذاكرها كويس و احفظها و حل عليها عشان تبقى خلصت منها .. بعد كدة جمع قوانينك باثباتتها و افهم كل قانون ده منين و اوله ايه و اخره ايه .. و ادخل على حل المسائل و طول بالك شوية .. ما تياسش بسرعه و ماتزهقش بسرعه .. انت مش غبي و هتقدر تفهم و تحل .. انت بس لسه بتتعلم .. زى اللى بيتعلم السواقة ما ينفعش بعد اول حصة سواقة اسيبه يطلع ع الصحراوى و اقوله تعامل .. خد الموضوع بالتدريج و اصبر على نفسك .. بلاش تحبط نفسك و تقول انا مش فاهم و مش عارف و مش هحل و الكلام اللى ممنوش فايده دة .. و اوووعى تتكسف تسال .. انا دلوقتى اهو ف الكلية لما بيكون فى حاجة مش فاهماها بجرى ورا الدكتور بعد المحاضرة اساله و اخليه يفهمهالى .. و لو عايزة اسال على حاجة بوقفه ف نص المحاضرة و اساله و افضل وراه لغاية ما افهم و انا ببقى ف مدرج فيه بتاع 500 واحد على الاقل .. ف اووووعى تتكسف تسال على الحاجة انشالله 100 مرة .. الكيميا لذيذة جدا و هتحبها اووى ف اخر السنة لانك هتلاقيها اكتر مادة بتتلم منك بسرعه مقارنة بالفيزيا و الاحياء .. ما تقلقش من امتحاناتها خااااااااالص .. زيها زى كل المواد محتاجة شغل عالى و دماغ نضيفة و مذاكرة كويسة و حل كتيييييير و مراجعه اكتر لانها بتتبخر .. لو عملت كل دة خلاااص يبقى ما تقلقش من حاجة .. الامتحان ما بيجيش فيه اسئلة من برة المنهج .. هو منهجك و اسئلتك اللى انت عمال تحل فيها طوووووول السنة .. الفرق و الله يا جماعه ف جملة واحدة بس " توفيق ربنا " .. ممكن سؤال تبقى متدرب عليه طوووول السنة و تيجي ف الامتحان متعرفش تحله و الاجابة تتمسح من دماغك .. و سؤال تانى تبقى اول مرة تشوفه ف الامتحان و تحله و عاادى جدا و تعتبره سؤال ذكاء كمان .. سيبك بقى من كلام الطلبة و المدرسين و الامتحانات اللى بتيجي مش عارف ازاى .. مفيش الكلام دة .. الفكرة بس انك تبقى لامم منهجك و فاهمه و مستوعبه كويس مش حفظ بس .. و متمرن على نوعيات مختلفة من الاسئلة و صياغات مختلفة و ان السؤال الواحد ممكن يجيلك بستين طريقة .. و تبقى عارف تتعامل ازاى مع كل طريقة .. لو عملت الكلام دة يبقى ترمى حمولك على ربنا و ماتخفش من حاجة .. و كدة تضمن بامر الله الدرجة النهائية ربنا يعينكو
|
|
#12
05-11-2013, 08:59 AM
|
|||
|
|||
|
[QUOTE=mostafaelboshi;5547401]وانتي طيبة يا دكتورة.. انا عاوز اعرف بس من حضرتك الفيزيا دي كنتي بتعرفي تحلي عليها ازاااااي انا في اسئلة كتير بتقف قدامي ومش بعرف احلها وشكلي مش هعرف لانها كتيرة ومستحيل اسأل عليها كلها فاحضرتك كنتي بتتاعملي معاها ازاي وبالنسبة للكيميا مذاكرتها سهلة انما المدرسين دايما يخوفوني من امتحانتها في اخر السنة ويقولولي انها مش بتيجي مباشرة خالص وبيدخل اسئلة الدروس في بعضها وكدا فانا مش عارف اعمل ايه بجد انا محبط جدا وشكلي كده فقدت الامل خالص ومبقتش فارقة معايا من اللي عمال اشوفو
[/انا بحفظ كلمات انجليزى المشكلة عندى انى مش عرفه اراجع ازاى عليهم ومنسهمش
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:16 PM.
